श्रेष्‍ठगीत 1:4 - नेवाः बाइबल

⁴ जितः छिनापं हे यंकादिसँ, झीपिं याकनं हे बिस्‍युं वनेनु! जुजुं जितः थः द्यनेगु कोथाय् यंकादीमा। जिपिं छिके लय्‌ताये अले खुशी जुये, अले दाखमद्य स्‍वयाः नं छिगु मायाया प्रशंसा याये। इमिसं छितः ल्‍वय्‌क माया याइ।

श्रेष्‍ठगीत 1:4 ပူးပေါင်းရင်းမြစ်များ

भजनसंग्रहया सफू 111:4

वय्‌कलं थःगु अजू चायापुगु ज्‍या झीत लुमंका बियादीगु दु, परमप्रभु दयादुम्‍ह, माया यानादीम्‍ह खः।

भजनसंग्रहया सफू 119:32

जि छिगु आज्ञाया लँपुइ ब्‍वाँय् वने, छाय्‌धाःसा छिं जिगु नुगःयात स्‍वतन्‍त्र यानादीगु दु।

भजनसंग्रहया सफू 119:60

जिं छिगु आज्ञा पालन यायेत लिबाकागु मदु बरु हथाय् चायागु दु।

भजनसंग्रहया सफू 149:2

इस्राएल थःत सृष्‍टि यानादीम्‍हय्‌सिया कारणं लय्‌तायेमा, सियोनयापिं मनूत थः जुजुया कारणं लय्‌तायेमा!

भजनसंग्रहया सफू 42:4

न्‍हापाया खँ लुमंकीबलय् जिगु नुगः तज्‍यानावइ। उबलय् जि मनूतय्‌गु पुचःलिसे जुइगु खः। मनूतय् न्‍ह्यलुवाः जुयाः प्रशंसाया म्‍ये हा हां, लय्‌तातां परमेश्‍वरया देगलय् वनेगु।

भजनसंग्रहया सफू 48:9

हे परमेश्‍वर! छिगु देगलय् जिमिसं छिगु दया मायाया खँय् ध्‍यान बियेगु याना।

भजनसंग्रहया सफू 63:5

जिगु नुगः तःजिगु भ्‍वय् नये थें लुधंगु दु। जिगु म्‍हुतुं छिगु म्‍ये हालाः छितः तःधंकाच्‍वनी।

श्रेष्‍ठगीत 3:4

जिं इपिं पिवाःतय्‌त त्‍वःतावनेवं जिं जिमि प्रिययात नापलात। जिं वयात जिमि मांया छेँय्, जितः बुइकूम्‍हसय्‌सियागु क्‍वथाय् महःतले वनेमब्‍युसें ज्‍वनातया।

श्रेष्‍ठगीत 4:10

छंगु मतिना गुलि जक यइपुस्‍से च्‍वं, जिमि तसकं यःम्‍ह मय्‌जु, जिमि भम्‍चा, दाखमद्य स्‍वयाः नं छं याःगु माया तसकं बांलाः। अले मेमेगु छुं नं मसला स्‍वयाः छंगु अत्तर नस्‍वाः वः।

यशैया 25:8

वय्‌कलं मृत्‍युयात सदांया निंतिं नुनाछ्वयादी। परमप्रभु परमेश्‍वरं फुक्‍कसिगु मिखां ख्‍वःबि हुयादी। वय्‌कलं फुक्‍क पृथ्‍वीं थः प्रजाया बदनामी चीकाः छ्वयादी। परमप्रभु थःम्‍हं हे थ्‍व खँ धयादीगु दु।

यशैया 45:25

तर परमप्रभुं हे फुक्‍क इस्राएलया सन्‍तानतय्‌त बचय् यानादी। इपिं सकसिनं वय्‌कःया प्रशंसा याइ।

यशैया 61:3

व सियोनय् दुखं च्‍वनाच्‍वंपिन्‍त नौया पलेसा तसकं बांलाःगु श्रीपेच, व दुखं पलेसा लसताया चिकं बीत, ख्‍वःगु नुगःया पलेसा प्रशंसाया वसः पुंकाबीत, वय्‌कःया गौरव खनेदयेमा धकाः इमित परमप्रभुं हे पिनादीगु धार्मिकताया स्‍वसिमात धकाः धाइ।

यशैया 63:7

परमप्रभुं झीगु निंतिं यानादीगु फुक्‍क ज्‍याया निंतिं वय्‌कःयात प्रशंसा यायेमा, वय्‌कलं यानादीगु दयामायाया बारे जिं धयाबी, वय्‌कःया दया व करुणा कथं, वय्‌कलं इस्राएलया घरानाया निंतिं तसकं भिंगु ज्‍या यानादिल।

यर्मिया 31:3

परमप्रभु पुलांगु इलय् थथे धाधां झीथाय् खनेदय्‌कः झाल, “जिं छन्‍त न्‍ह्याबलें दयाच्‍वनीगु मायां माया यानागु दु। उकिं जिं छन्‍त करुणा यानाः थःथाय् हयागु दु।

होशे 11:4

जिं इमित मनूतय्‌गु दया व मायाया खिपतं सालाः हया। इमिगु गःपतं जुवा ल्‍ह्वनाबिया अले इमित नकेत जि क्‍वछुना।

सपन्‍याह 3:14

हे जिमि म्‍ह्याय् सियोन, म्‍ये हा! हे इस्राएल, तस्‍सलं हा! हे जिमि म्‍ह्याय् यरूशलेम, थःगु पूरा मनं छ लय्‌ता अले न्‍ह्यइपुकि!

जकरिया 9:9

हे म्‍ह्याय् सियोन, लय्‌ताया च्‍वँ! हे म्‍ह्याय् यरूशलेम तसलं हा! स्‍व, छिमि जुजु छिमिथाय् झायादीगु दु। वय्‌कः धर्मीम्‍ह व मुक्ति बियादीम्‍ह खः। वय्‌कः क्‍वमिलुम्‍ह खः, वय्‌कः गधा गया, गधाया मचा गयाः झायादीगु दु।

मत्ती 25:10

“इपिं चिकं न्‍याः वनाच्‍वंबलय् हे जिलाजं थ्‍यंकः वल। मत च्‍याका च्‍वंपिं न्‍याम्‍ह ल्‍यासेतय्‌त जिलाजं नाप ब्‍याहा भ्‍वजय् दूत यंकल। अले लुखा तिनाबिल।

लूका 2:10

अले स्‍वर्गदूतं इमित धाल – “ग्‍याये म्‍वाः। जिगु खँ न्‍यँ, जि छिमित लसतायागु छगू तःधंगु भिंगु खँ कं वयागु खः। थ्‍व भिंगु खँ फुक्‍क मनूतय्‌त खः।

लूका 22:19

वय्‌कलं हानं मरि कयाः परमेश्‍वरयात सुभाय् बियाः कुचा कुचा थलाः इमित थथे धयाः बियादिल – “थ्‍व मरि न। थ्‍व छिमित बियागु जिगु म्‍ह खः। आवंनिसें जितः लुमंकेत थथे यायेगु या।”

यूहन्‍ना 12:32

जितः यख्‍खाइबलय् जिं फुक्‍क मनूयात थःथाय् सालाकाये।”

यूहन्‍ना 6:44

जितः छ्वयाहयादीम्‍ह बाःनं छ्वयाहया मदीकं सुं नं जिथाय् वये फइ मखु। जिथाय् वःम्‍हय्‌सित दकलय् लिपायागु दिनय् जिं म्‍वाका बी।

एफिसी 2:6

झीसं ख्रीष्‍टयात विश्‍वास यानागुलिं वय्‌कलं झीत हानं म्‍वाकाः वय्‌कः नाप स्‍वर्गय् तयादिल।

एफिसी 6:24

झी प्रभु येशू ख्रीष्‍टयात दुनुगलंनिसें माया याइपिं फुक्‍कसितं परमेश्‍वरयागु दया माया दयाच्‍वनेमा।

फिलिप्‍पी 3:3

धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।

फिलिप्‍पी 4:4

प्रभुयाके न्‍ह्याबलें लय्‌ताया च्‍वँ। जिं हानं धाये – “लय्‌ताया च्‍वँ।”

हिब्रू 12:1

थुकथं झीसं झीगु प्‍यखें थुलिमछि विश्‍वासया साक्षीत खनाच्‍वनागु दु। अय्‌जूगुलिं झीपिं नं झीगु लँय् वइगु न्‍ह्याथें ज्‍याःगु पंगः व अःपुक झीत तक्‍यंकीगु पापयात चीकाः थ्‍यंकेमाःगु थासय् थ्‍यंक हे वने धकाः धैर्य यानाः ब्‍वाँय् वनेनु।

१ पत्रुस 1:8

वय्‌कःयात छिमिसं मखंनिसां माया यानाच्‍वंगु दु। आः नं वय्‌कःयात छिमिसं मखंनि, अय्‌नं छिमिसं विश्‍वास यानाच्‍वंगु दु। अले धयां मब्‍याक छिपिं लय्‌तायाच्‍वंगु दु।