श्रेष्‍ठगीत 1:3 - नेवाः बाइबल

³ छिगु नस्‍वाःगु अत्तरय् तसकं लय्‌तायाः छिगु नां प्‍वंकातःगु नस्‍वाःगु अत्तर थें। अथे जुयाः ल्‍यासेपिन्‍सं छितः माया यायेगु अजू चायापुगु खँ मखु!

श्रेष्‍ठगीत 1:3 ပူးပေါင်းရင်းမြစ်များ

भजनसंग्रहया सफू 133:2

थ्‍व ला हारूनया छेनय् तयाब्‍यूगु व वया दारीइ न्‍ह्यानाः वयागु वसःया गःतां तक थ्‍यंगु मू वंगु चिकं थें खः।

भजनसंग्रहया सफू 45:14

वयात झःझः धाःगु वसतय् समिलुत ल्‍यूल्‍यू तयाः जुजुयाथाय् यंकी।

प्रस्‍थान 33:12

मोशां परमप्रभुयात धाल, “छिं जितः थुपिं मनूतय्‌त ब्‍वनायंकि धकाः धयादीगु दु, अय्‌नं जिनापं सुयात छ्वयादी धकाः धयादीगु मदुनि। छिं धयादीगु दु, ‘जिं छन्‍त म्‍हस्‍यू, अले जिगु दया छंके दु।’

प्रस्‍थान 33:19

वय्‌कलं धयादिल, “जिं छंगु न्‍ह्यःने हे थःगु फुक्‍कं भिंगु क्‍यने, अले छंगु न्‍ह्यःने हे परमप्रभुया नां च्‍वय्‌के। जिं सुयात कृपा याये मास्‍ति वइ वयात कृपा याये। सुयात जिं दया याये मास्‍ति वइ वयात दया याये।”

हितोपदेश 27:9

अत्तर व धुंया नस्‍वालं नुगः चंचंधाइ, तर भिंम्‍ह पासाया स्‍वापु व स्‍वयां नस्‍वाइ।

उपदेशक 7:1

भिंगु नां तसकं नस्‍वाःगु अत्तर स्‍वयाः भिं, अले सीगु दिं बूगु दिं स्‍वयाः नं बांलाः।

श्रेष्‍ठगीत 3:6

ब्‍यापार याइपिन्‍सं मिइगु मूर्र व गुगुं नस्‍वाः वय्‌काः, मरुभूमिं पिहां वःगु थ्‍व कुँत्‍याः थें ज्‍याःगु छु खः?

श्रेष्‍ठगीत 4:10

छंगु मतिना गुलि जक यइपुस्‍से च्‍वं, जिमि तसकं यःम्‍ह मय्‌जु, जिमि भम्‍चा, दाखमद्य स्‍वयाः नं छं याःगु माया तसकं बांलाः। अले मेमेगु छुं नं मसला स्‍वयाः छंगु अत्तर नस्‍वाः वः।

श्रेष्‍ठगीत 5:13

वयागु न्‍यताः तसकं नस्‍वाःगु मसलां व वासलं जाःगु क्‍यब थें च्‍वं। वयागु म्‍हुतुसि मूर्रया रस वयाच्‍वनीगु लिली स्‍वां थें च्‍वं।

श्रेष्‍ठगीत 5:5

अले जिमि यःम्‍ह प्रियया निंतिं लुखा चाय्‌केत जि दनाः, अले जिगु ल्‍हातं मूर्र ज्‍वयाः वयाच्‍वंगु खः अले जिं चुकुया चु ज्‍वनेवं मूर्र कुतुं वन।

श्रेष्‍ठगीत 6:8

जुजुया खुइम्‍ह रानीत दयेमा, अले चयम्‍ह मथ्‍याःपिं कलाः दयेमा, सके ल्‍यायेखाय् मफय्‌क ल्‍यासेपिं मिसात दयेमा।

यशैया 61:3

व सियोनय् दुखं च्‍वनाच्‍वंपिन्‍त नौया पलेसा तसकं बांलाःगु श्रीपेच, व दुखं पलेसा लसताया चिकं बीत, ख्‍वःगु नुगःया पलेसा प्रशंसाया वसः पुंकाबीत, वय्‌कःया गौरव खनेदयेमा धकाः इमित परमप्रभुं हे पिनादीगु धार्मिकताया स्‍वसिमात धकाः धाइ।

मत्ती 25:1

“स्‍वर्गयागु राज्‍य थथे च्‍वं। झिम्‍ह ल्‍यासेत जिलाजं नापलायेत थथःगु मत ज्‍वनावन।

यूहन्‍ना 12:3

मरियमं तसकं नस्‍वाःगु व थिकेगु जटामसीया बागू लिटर चिकनं येशूयागु पालिइ थाकाः थःगु सं वय्‌कःयागु पालि हुयाबिल। चिकनं यानाः छेँ छखां हे मगमग नस्‍वाः वल।

२ कोरिन्‍थी 11:2

परमेश्‍वरं थें जिं छिमित बिचाः यानातयागु दु। छिपिं ख्रीष्‍टलिसे ब्‍याहा यानाबीत जिं ल्‍ययातयापिं मिसामचात थें खः।

फिलिप्‍पी 4:18

छिमिगुपाखें जितः मतिइ तयागु स्‍वयाः अप्‍वः हे दत। छिमिसं इपाफ्रोडिटसयात बीके छ्वयाहःगु ग्‍वाहालि नं जिगु ल्‍हातय् लात। छिमिसं छ्वयाहःगु थ्‍व ग्‍वाहालि ला नस्‍वाः वःगु व परमेश्‍वरयात यःगु बलिदान थें खः।

प्रकाश 14:4

थुपिं मिस्‍तनापं लसपस मजूनिपिं च्‍वखपिं खः। थुपिं चीधिकःम्‍ह भ्‍याःचायागु जक ल्‍यूल्‍यू जुइपिं खः। परमेश्‍वर व चीधिकःम्‍ह भ्‍याःचायागु लागि संसारं लिफ्‍याना हःपिं दकलय् न्‍हापायापिं मनूत, थुपिं हे खः।