रुथया सफू 4:6 - नेवाः बाइबल

⁶ थ्‍व खँ न्‍यनाः व मनुखं धाल, “अथे खःसा जिं न्‍याये मखु छाय्‌धाःसा जिगु थःगु सम्‍पत्ति नं नाश जुइफु। छिं न्‍यानादिसँ, जिं न्‍याये मखु।”

रुथया सफू 4:6 ပူးပေါင်းရင်းမြစ်များ

उत्‍पत्ति 38:8

अले यहूदां ओनानयात धाल, “छं छिमि तताःजुयात ब्‍याहा या। अले छम्‍ह किजाभतं यायेमाःगु ज्‍या पूवंकि। थुकथं थः दाजुया लागि सन्‍तान दय्‌कि।”

लेवी 25:25

“‘सुं नं इस्राएलीं गरीब जुयाः थःगु पुर्खौली सम्‍पत्ति मिल धाःसा वया दक्‍वसिबय् सत्तीम्‍ह थःथितिं वयाः व सम्‍पत्ति लिफ्‍याना कायेमाः।

व्‍यवस्‍था 25:7

अय्‌नं दरभत वा किजाभतं थः तताःजुयात तये मय्‌कूसा तताःजु शहरया ध्‍वाखाय् थकालितथाय् वनाः थथे धायेमाः, “जिमि दरभत वा किजाभतं थः दाजुया नां इस्राएलय् तयातयेत म्‍हाः धाल। अले जिलिसें दरभत वा किजाभतं यायेमाःगु ज्‍या मयाः।”

व्‍यवस्‍था 25:8

अले थकालितय्‌सं दरभतः वा किजाभतःयात सःताः खँ ल्‍हायेमाः। अले वं “जिं थ्‍व नापं ब्‍याहा याये मखु” धकाः थःगु खँय् जिद्दी यानाच्‍वन धाःसा

व्‍यवस्‍था 25:9

सीम्‍हय्‌सिया कलातं थकालितय्‌गु हे न्‍ह्यःने वयाथाय् वनाः वयागु हे तुतिं छपा लाकां त्‍वःकाकयाः वयागु ख्‍वालय् थुकलं बीमाः। अले थथे धायेमाः “सु थः दाजु वा किजाया निंतिं मचा दय्‌केत मानय् जुइ मखु वयात थथे हे याइगु जुइ।”

रुथया सफू 2:20

नाओमीं धाल, “परमप्रभुं बोअजयात सुवाः बियादीमा, परमप्रभुं म्‍वाःपिन्‍त व सीपिन्‍त माया यायेगु त्‍वःतामदी। छाय्‌धाःसा व मनू ला झी सतिक थःलाम्‍ह मनू खः।”

रुथया सफू 3:13

थौं चच्‍छि थन हे च्‍वँ, कन्‍हय् सुथय् वं छिमि सतीम्‍ह थःथितिं यायेमाःगु ज्‍या याःसा जि हे जिल, तर व मानय् मजूसा जिं याये। म्‍वाःम्‍ह परमप्रभुया नामय् पाफयाः जिं थ्‍व धाये, सुथय्‌ तक थन ग्‍वारातुला च्‍वँ।”

रुथया सफू 3:9

वं न्‍यन, “छ सु खः?” रुथं लिसः बिल, “जि छि भ्‍वातिं रूथ खः। छि जिमि सतीम्‍ह थः खः। उकिं छिगु फांगा जितः फाय्‌कादिसँ।”