रुथया सफू 4:15 - नेवाः बाइबल

¹⁵ थ्‍व मचा छितः न्‍हूगु जीवन बीम्‍ह व छि बुरा जुइबलय् छितः स्‍वइम्‍ह जुइ। छाय्‌धाःसा न्‍हय्‌म्‍ह काय्‌पिं स्‍वयाः भिंम्‍ह, छितः माया याइम्‍ह भौनं थ्‍व मचा बुइकूगु खः।”

रुथया सफू 4:15 ပူးပေါင်းရင်းမြစ်များ

उत्‍पत्ति 45:11

अन जूसा जिं छिकपिन्‍त स्‍वये फइ। छाय्‌धाःसा अनिकालया न्‍यादँ अज्‍ज नं ल्‍यंदनि। मखुसा ला छिकपिं फुक्‍कं हाःनाः मदयावनी।

उत्‍पत्ति 47:12

योसेफं थः बौ, दाजुकिजा व फुक्‍कसित नसाज्‍वलं नं हयाबिल।

भजनसंग्रहया सफू 55:22

थःगु दुःखकष्‍टयात परमप्रभुयाथाय् त्‍वःताथकि, वय्‌कलं छिमित स्‍वयादी वय्‌कलं धर्मी मनूतय्‌त गुबलें नं बुकेबी मखु।

हितोपदेश 18:24

गुलिं गुलिं पासापिं स्‍यंकाबीपिं नं दु। गुलिं पासापिं धाःसा दाजुकिजा स्‍वयाः नं स्‍याःन्‍याःपिं जुइ।

यशैया 46:4

छिपिं बुरा जुयाः सं तुयुसे च्‍वनीबलय् तक छिमित सुसाःकुसाः याइम्‍ह जि व हे खः। जिं छिमित दय्‌कागु खः अथे जुयाः जिं छन्‍त क्‍वबी। जिं छिमित तिबः बी अले बचय् याये।

रुथया सफू 4:16

नाओमीं व मचायात ज्‍वनाः थःगु मुलय् तल अले वं वयात बिचाः यात।

१ शमूएल 1:8

वया भाःत एल्‍कानां वयात न्‍यनीगु, हन्‍नाह छ छाय् ख्‍वयाच्‍वनागु? छाय् छुं हे मनसें च्‍वनाच्‍वनागु? छं छाय् थुलिमछि दुःख ताय्‌काच्‍वनागु? छु जि छिमि झिम्‍ह काय् स्‍वयाः अप्‍वः मजू ला?

१ शमूएल 2:5

गाक्‍क दुपिं नसाया निंतिं ज्‍यामि ज्‍या यानाः जुइमाली, बरु नये मखंपिनि धाःसा गुबलें नये मास्‍ति वइ मखु। थारिम्‍ह मिसां न्‍हय्‌म्‍ह मचा बुइकूगु दु। अय्‌नं यक्‍वसिया मांयाके छम्‍ह नं मचा मदु।