रुथया सफू 4:13 - नेवाः बाइबल

¹³ थुकथं बोअजं रुथयात ब्‍याहा यानाः छेँय् हल। परमेश्‍वरं वयात सुवाः बियादिल। अले वया प्‍वाथय् दयाः काय् दत।

रुथया सफू 4:13 ပူးပေါင်းရင်းမြစ်များ

उत्‍पत्ति 20:17

अब्राहामं परमेश्‍वरयात प्रार्थना यात। अले परमेश्‍वरं अबीमेलेक, वया कलाः व दासीतय्‌त नं लाय्‌कादिल। आः इपिं हानं मचा बुइकेफइपिं जुल।

उत्‍पत्ति 25:21

रिबेका थारिम्‍ह मिसा जूगुलिं इसहाकं परमप्रभुयात वयापाखें मचा दय्‌काबीत प्रार्थना यात। परमप्रभुं वयागु प्रार्थना न्‍यनादिल। अले रिबेकाया प्‍वाथय् दत।

उत्‍पत्ति 29:31

लेआयात माया मयाःगु खनाः परमप्रभुं वयात प्‍वाथय् दय्‌काबिल। राहेलयात धाःसा थारि हे याना तल।

उत्‍पत्ति 30:2

याकूब व खनाः तंम्‍वल, अले धाल, “जि परमेश्‍वर खः ला छन्‍त मचा दय्‌काबीत?”

उत्‍पत्ति 33:5

एसावं मिस्‍त व मस्‍त खनाः न्‍यन, “छलिसे वःपिं थुपिं सु खः?” याकूबं धाल, “परमेश्‍वरं छिम्‍ह दासयात दयामाया यानाः ब्‍यूगु जिमि मस्‍त खः।”

भजनसंग्रहया सफू 113:9

वय्‌कलं थारिम्‍ह मिसायात वयागु हे छेँय् इज्‍जत बियादी, वय्‌कलं वयात मचाखाचा बियाः लय्‌ताय्‌कादी। हल्‍लेलूयाह!

भजनसंग्रहया सफू 127:3

स्‍व, काय्‌पिं परमप्रभुं बियादीगु हकया सर्बय खः अले काय्‌म्‍ह्याय्‌पिं वय्‌कःया आशिष खः।

रुथया सफू 3:11

उकिं, हे मइं, छ ग्‍याये मते। छं छु धाल व जिं याये, छाय्‌धाःसा शहरयापिं जिमि फुक्‍क मनूतय्‌सं छ भिंम्‍ह मिसा खः धकाः स्‍यू।

रुथया सफू 4:12

परमप्रभुं छितः थ्‍व ल्‍याय्‌म्‍हम्‍ह मिसापाखें बियादीम्‍ह सन्‍तानया परिवार यहूदापाखें तामारं बुइकूम्‍ह पेरेसया परिवार थें जुइमा।”

१ शमूएल 1:27

थ्‍व हे काय्‌या निंतिं जिं प्रार्थना यानागु खः अले जिं परमप्रभुयाके फ्‍वनागुकथं वय्‌कलं जितः बियादिल।

१ शमूएल 2:5

गाक्‍क दुपिं नसाया निंतिं ज्‍यामि ज्‍या यानाः जुइमाली, बरु नये मखंपिनि धाःसा गुबलें नये मास्‍ति वइ मखु। थारिम्‍ह मिसां न्‍हय्‌म्‍ह मचा बुइकूगु दु। अय्‌नं यक्‍वसिया मांयाके छम्‍ह नं मचा मदु।