रुथया सफू 4:10 - नेवाः बाइबल

¹⁰ जिं महलोनया कलाः मोआबी रुथयात नं सी धुंकूम्‍ह मनूया सम्‍पत्तिनापं वयागु नां तया तयेत वयागु नां वया थःथितितय्‌गु दथुइ वा शहरया धलखय् दयाच्‍वनेमा धकाः जिं कलाःकथं कयागु दु।”

रुथया सफू 4:10 ပူးပေါင်းရင်းမြစ်များ

उत्‍पत्ति 29:27

उकिं न्‍हय्‌न्‍हु तक लेआलिसे हनाच्‍वँ। अले हाकनं राहेललिसे ब्‍याहा या। थुकिया पलेसा छं मेगु न्‍हय्‌दँ जिथाय् ज्‍या यायेमाः।”

उत्‍पत्ति 38:9

उकथं दइम्‍ह मचा थः सन्‍तान मजुइगु जूगुलिं ओनानं न्‍ह्याबलें थः तताःजुलिसे द्योंवनिबलय् थः दाजुया सन्‍तान मदयेमा धकाः वीर्य बँय् लाकाथकीगु।

भजनसंग्रहया सफू 109:15

परमप्रभुं इमिगु पाप न्‍ह्याबलें लुमंका तयादीमा, वय्‌कलं इमिगु लुमन्‍ति पृथ्‍वीं सुचुक हुया छ्वयादीमा।

भजनसंग्रहया सफू 34:16

मभिंगु ज्‍या याइपिनिपाखें धाःसा वय्‌कः फस्‍वयादी, अले इमिगु नां तक हे मल्‍यंक नाश यानादी।

हितोपदेश 18:22

मनूतय्‌गु तःधंगु सम्‍पत्ति धयागु हे वया कलाः खः, अले परमप्रभुया कृपा नं।

हितोपदेश 19:14

छेँ व धनसम्‍पत्ति बौयापाखें वइ, तर भिंम्‍ह कलाः परमप्रभुयापाखें दइ।

यशैया 48:19

छिमि सन्‍तानत फि थें दइगु, अले छिमि काय्‌म्‍ह्याय्‌पिं अल्‍याख दइगु। इमिगु नां जिपाखें गुबलें हुयाछ्वयेगु जुइ मखुगु, अले इपिं जिगु न्‍ह्यःने नाश जुइ मखुगु।”

होशे 12:12

याकूब अरामया देशय् बिस्‍युं वन। इस्राएलं छम्‍ह कलाःया निंतिं सेवा यात, कलाःया निंतिं फै ज्‍वल।

होशे 3:2

अथे जुयाः जिं झिंन्‍यागू शेकेल तौल वहः व सछि व नेय्‌गू किलोग्राम तछ्व बिया व मिसायात न्‍यानाः लिफ्‍याना।

जकरिया 13:2

“उखुन्‍हु हे जिं देशं मूर्तितय्‌गु नां तक हे ल्‍यं मदय्‌क हुयाछ्वये। अले इमिगु लुमन्‍ति तक हे दइ मखु। फताहा अगमवक्तातय्‌त व अशुद्ध आत्‍मायात नं जिं देशं पितिनाछ्वये धकाः दक्‍व शक्ति दुम्‍ह परमप्रभुं धयादी।

मलाकी 2:14

छिमिसं न्‍यनी, “छाय्?” छाय्‌धाःसा परमप्रभुं छिपिं व छिमि ल्‍याय्‌म्‍हबलय्‌या कलाः दथुइया साक्षीया ज्‍या यानाच्‍वनादीगु दु। छं वलिसें विश्‍वासघात यात, खः ला व छिमि जीवनया पासा व व्‍याहाया बाचाय् चिनातःम्‍ह कलाः खः।

एफिसी 5:25

ख्रीष्‍ट येशूं मण्‍डलीयात थःगु प्राण बिया तकं माया यानादिल। अथे हे मिजंतय्‌सं नं थः कलाःयात माया यायेमाः।

व्‍यवस्‍था 25:6

वं न्‍हापां बुइकूम्‍ह काय् सिनावंम्‍ह दाजु वा किजाया काय् ताय्‌केमाः। अले वयागु नां इस्राएलय् दया हे च्‍वनी।

हिब्रू 13:4

ब्‍याहायात सकसिनं तःधंकेमाः। निम्‍हतिपूया दथुइ थःथवय् विश्‍वास दयेमाः, छाय्‌धाःसा व्‍यभिचार याइपिन्‍त व ब्‍याहा याये धुंकाः नं मेपिं नाप जुयाः स्‍यनिपिन्‍त परमेश्‍वरं न्‍याय यानादी।

यहोशू 7:9

कनानी व थ्‍व देशयापिं मेपिं मनूतय्‌सं थ्‍व खँ न्‍यनेवं इमिसं जिमित घेरय् यानाः पृथ्‍वीं जिमिगु नां हुया बी। अनं लिपा छिं थःगु तःधंगु नांया लागिं छु यानादी?”

रुथया सफू 4:9

अले बोअजं अन दुपिं थकालित व मेपिं मनूतय्‌त धाल, “थौं जिं किल्‍योन, महलोन व एलीमेलेकयागु फुक्‍क सम्‍पत्ति नाओमीया ल्‍हातं न्‍यायेधुन धइगु खँया साक्षी छिकपिं दु।