रुथया सफू 3:13 - नेवाः बाइबल

¹³ थौं चच्‍छि थन हे च्‍वँ, कन्‍हय् सुथय् वं छिमि सतीम्‍ह थःथितिं यायेमाःगु ज्‍या याःसा जि हे जिल, तर व मानय् मजूसा जिं याये। म्‍वाःम्‍ह परमप्रभुया नामय् पाफयाः जिं थ्‍व धाये, सुथय्‌ तक थन ग्‍वारातुला च्‍वँ।”

रुथया सफू 3:13 ပူးပေါင်းရင်းမြစ်များ

यर्मिया 12:16

इमिसं न्‍हापा जि प्रजायात बालद्यःया नामं पाफयेगु स्‍यं थें ‘धात्‍थें परमप्रभु म्‍वाःम्‍ह खः’ धयाः जिगु नां कयाः पाफयाः जिगु प्रजाया पहःचहः धात्‍थें हे बांलाक सयेकाकाल धाःसा इमित जि प्रजाया दथुइ थाय् बी।

यर्मिया 4:2

छिमिसं सत्‍य, न्‍याय व खःकथं ‘धात्‍थें परमप्रभु म्‍वाःम्‍ह खः’ धया पाफल धाःसा वय्‌कःपाखें जाति जातितय्‌त आशिष दइ। अले इमिसं वय्‌कःयात तःधंकी।”

२ कोरिन्‍थी 1:23

जिगु नुगलय् च्‍वंगु फुक्‍क खँ स्‍यूम्‍ह परमेश्‍वरयात साक्षी तयाः जिं धयाच्‍वना। छिमित ब्‍वःबियाः छिमिगु नुगः ख्‍वय्‌के मास्‍ति मवःगुलिं जि आम्‍कन कोरिन्‍थय् मवयागु खः।

हिब्रू 6:16

मनूतय्‌सं थः स्‍वयाः तःधंम्‍हय्‌सिगु नामय् पा फइ। अले थःगु द्वंबिद्वं नं भिंकी।

न्‍यायकर्ता 8:19

गिदोनं धाल, “इपिं जिमि दाजुकिजापिं जिमि हे मांया काय्‌पिं खः। धात्‍थें परमप्रभु म्‍वाःम्‍ह खः थें, छिमिसं इमिगु ज्‍यान बचय् याःगु जूसा जिं छिमित स्‍यानाछ्वये हे मखुनि।”

रुथया सफू 2:20

नाओमीं धाल, “परमप्रभुं बोअजयात सुवाः बियादीमा, परमप्रभुं म्‍वाःपिन्‍त व सीपिन्‍त माया यायेगु त्‍वःतामदी। छाय्‌धाःसा व मनू ला झी सतिक थःलाम्‍ह मनू खः।”

रुथया सफू 3:12

जि छिमि सतीम्‍ह थः खःसां जि स्‍वयाः सतीम्‍ह मेम्‍ह छम्‍ह थः दु।

रुथया सफू 4:5

अले बोअजं धाल, “नाओमी व मोआबी रुथपाखें बुँ न्‍याःगु न्‍हिइ छिं व सी धुंकूम्‍हय्‌सिगु नां व सम्‍पत्ति ल्‍यंकातयेत सी धुंकूम्‍हय्‌सिया कलाः नं कायेमाः।”

रुथया सफू 4:6

थ्‍व खँ न्‍यनाः व मनुखं धाल, “अथे खःसा जिं न्‍याये मखु छाय्‌धाःसा जिगु थःगु सम्‍पत्ति नं नाश जुइफु। छिं न्‍यानादिसँ, जिं न्‍याये मखु।”