रुथया सफू 2:19 - नेवाः बाइबल

¹⁹ नाओमीं वयात न्‍यन, “थौं छ तछ्वगुँइँ मुनेत गन वना? छन्‍त माया याःम्‍ह मनूयात सुवाः लायेमा।” थःम्‍हं बोअजया बुँइ ज्‍या यानागु खँ रुथं नाओमीयात कन।

रुथया सफू 2:19 ပူးပေါင်းရင်းမြစ်များ

१ राजा 7:21

वं थांत देगःया दलानया न्‍ह्यःने थन। वं दच्‍छिन पाखेया थांया नां याकीन तल अले उत्तर पाखेया थांया नां बोअज तल।

भजनसंग्रहया सफू 41:1

धन्‍य खः इपिं, गुपिन्‍सं छुं मदुपिनिगु च्‍यूताः काइ। इमित दुःख जुइबलय् परमप्रभुं ग्‍वाहालि यानादी।

भजनसंग्रहया सफू 41:2

परमप्रभुं इमिगु रक्षा यानादी, अले इमिगु ज्‍यान बचय् यानादी। वय्‌कलं इमिगु जीवनयात सुथांलाकादी। अले इमि शत्रुतय्‌पाखें इमित बचय् यानादी।

भजनसंग्रहया सफू 44:1

हे परमेश्‍वर, छिं यक्‍व न्‍हापा जिमि पुर्खातय्‌गु पालय् यानादीगु खँ इपिंपाखें जिमिसं थःगु हे न्‍हाय्‌पंनं न्‍यनागु दु।

रुथया सफू 2:10

अले रुथं क्‍वछुनाः भागियानाः बोअजयात धाल, “जि छम्‍ह परदेशी धकाः सीकाः नं छाय् छिं जितः थुलिमछि दया यानादियागु?”