रुथया सफू 2:16 - नेवाः बाइबल

¹⁶ बरु छिमिसं लयेबलय् नं वयात मुनेत भचा भचा कुतुका ब्‍यु। वयात ब्‍वः मब्‍यूसें मुंके ब्‍यु।”

रुथया सफू 2:16 ပူးပေါင်းရင်းမြစ်များ

भजनसंग्रहया सफू 112:9

वं मगाःमचाःपिन्‍त नुगः चक्‍कंकाः बी, वयागु दया माया सदां दयाच्‍वनी। व बल्‍लाइ अले वयात इज्‍जत दइ।

हितोपदेश 19:17

सुनां चीमिपिन्‍त ग्‍वाहालि याइ, वं परमप्रभुयात त्‍याय्‌ब्‍यूगु जुइ, वय्‌कलं लिपा पुलाबी।

मत्ती 25:40

“अले जुजुं इमित थथे लिसः बी – ‘जिं छिमित खःगु खँ धाये – दक्‍वसिबय् चीधिकःम्‍ह किजायात छिमिसं छु याइ, व जितः हे याःगु जुइ।’

रोमी 12:13

मगाःमचाःपिं दाजुकिजापिन्‍त ग्‍वाहालि या। छेँय् पाहां वःपिन्‍त दुनुगलंनिसें सेवा यायेगु या।

फिलेमोन 1:7

यःम्‍ह किजा, छं विश्‍वासीतय्‌त माया याःगु खँ न्‍यनाः जि तसकं लय्‌तायागु दु, अले साहस नं कयागु दु। छं परमेश्‍वरया मनूतय्‌त तसकं लय्‌ताय्‌कूगु दु।

हिब्रू 6:10

परमेश्‍वरं अन्‍याय यानादी मखु। छिमिसं यानाच्‍वंगु वय्‌कःयागु ज्‍या व वय्‌कःयात माया यानाच्‍वंगु खँ, अले दाजुकिजापिन्‍त ग्‍वाहालि याःगु व यानाच्‍वंगु खँ नं वय्‌कलं ल्‍वःमंकादी मखु।

रुथया सफू 2:15

व तछ्वगुँइँ मुनेत दंबलय् बोअजं थः मनूतय्‌त आज्ञा बिल, “वयात लयाः पंचिनातःगु तछ्वमाया दथुइ दथुइ नं तछ्वगुँइँ मुंके ब्‍यु। वयात ब्‍वःबी मते।

रुथया सफू 2:17

अथे जुयाः रूथ सन्‍ध्‍याकाः इलय्‌ तक नं बुँइ तछ्वगुँइँ मुनाच्‍वन। थःम्‍हं मुंगु तछ्वगुँइँ ल्‍हातिं दाःबलय् छगू एपा ति दत।