रुथया सफू 2:14 - नेवाः बाइबल

¹⁴ बजि नयेगु इलय् बोअजं रुथयात धाल, “थन वा, दाखया तिइ मरि थुनाः न।” अले व ज्‍यामितलिसें फ्‍यतुल। अले बोअजं वयात छुस्‍यामुस्‍या बिल। रुथं थःत यत्तले नल। अले भचा थया काल।

रुथया सफू 2:14 ပူးပေါင်းရင်းမြစ်များ

२ शमूएल 17:28

लासाफांगा, थलबल व ख्‍वलात हयाः वयात बिल। इमिसं छ्व, तछ्व, छुचुं, छुस्‍यामुस्‍या, सिमी, दाल

भजनसंग्रहया सफू 23:5

जिमि शत्रुतय् न्‍ह्यःने छिं जिगु निंतिं भ्‍वय् ज्‍वरय् यानादी, छिं जिगु छ्यं चिकनं अभिषेक यानादीगु दु, जिगु ख्‍वला जायाः भय्‌बी।

यशैया 32:8

तर भिंपिं मनूतय्‌सं हनेबहःगु ज्‍यायागु योजना दय्‌की अले हनेबहःगु ज्‍या यानां तुं च्‍वनी।

यशैया 58:7

थःगु नसा नये मखंपिन्‍त इनाबीगु, अले छेँ मदुपिं मगाःमचाःपिन्‍त शरण बीगु व पचिनांगापिं खनाः लं फिकाबिगु अले थः थःथितिपिन्‍त ग्‍वाहालि बीगु, थ्‍व हे मखु ला?

मत्ती 14:20

अले इमिसं यतले नल। इनाः ल्‍यं दुगु झिंनिगः दाला जाय्‌क दु।

व्‍यवस्‍था 11:15

जिं छिमि पशुतय्‌गु लागिं ख्‍यलय् घाँय् बुइकाबी। छिमिसं प्‍वाः जाय्‌क नइ व लुधनी।

व्‍यवस्‍था 8:10

छिमिसं नयाः लुधने धुंकाः परमप्रभु छिमि परमेश्‍वरं छिमित भिंगु देश बियादीगुलिं वय्‌कःयात तःधंकि।

रुथया सफू 2:13

रुथं लिसः बिल, “हे जिमि प्रभु, छिं जितः तसक्‍कं माया यानादिल, जि छिकपिनि भ्‍वातिं जुइत मल्‍वःसां छिं जिलिसें बांलाक न्‍ववानाः जिगु मन तयादीगु दु।”

रुथया सफू 2:15

व तछ्वगुँइँ मुनेत दंबलय् बोअजं थः मनूतय्‌त आज्ञा बिल, “वयात लयाः पंचिनातःगु तछ्वमाया दथुइ दथुइ नं तछ्वगुँइँ मुंके ब्‍यु। वयात ब्‍वःबी मते।

रुथया सफू 2:18

तछ्व ज्‍वनाः व शहरय् लिहां वल, व तछ्व थः माजुयात क्‍यन। थया हःगु छुस्‍यामुस्‍या नं वयात बिल।

१ शमूएल 17:17

छन्‍हु यिशैनं दाऊदयात धाल, “थ्‍व झिगू किलोग्राम सियातःगु अन्‍न व झिपा मरि ज्‍वनाः याकनं थः दाजुकिजापिनिगु पालय् हुँ।

१ शमूएल 25:18

अथे जुयाः हथाय् चाचां निसःपा मरि, निगू मशक छेंगूया म्‍हिचाय् दाखमद्य, न्‍याम्‍ह फैया ला, निइनिगू किलोग्राम सियातःगु अन्‍न, सच्‍छिगः किसमिस व गंकातःगु निसःगः यःमरिसि अबीगेलं कयाः गधातय् म्‍हय् तयाबिल।