रुथया सफू 2:13 - नेवाः बाइबल

¹³ रुथं लिसः बिल, “हे जिमि प्रभु, छिं जितः तसक्‍कं माया यानादिल, जि छिकपिनि भ्‍वातिं जुइत मल्‍वःसां छिं जिलिसें बांलाक न्‍ववानाः जिगु मन तयादीगु दु।”

रुथया सफू 2:13 ပူးပေါင်းရင်းမြစ်များ

उत्‍पत्ति 32:6

वं छ्वःपिं मनूतय्‌सं लिहां वयाः वयात धाल, “जिपिं छिकपिनि दाजु एसावयाथाय् वनाः वया। वय्‌कः आः छितः नापलायेत प्‍यसः मनू ज्‍वनाः वयाच्‍वंगु दु।”

उत्‍पत्ति 33:10

याकूबं धाल, “मखु! छिं जितः माया यानादियागु खःसा थ्‍व कोसेलि लःल्‍हानाकयादिसँ। छिं जितः दुनुगलंनिसें लसकुस यानादीबलय् जितः ला छितः नापलाःगु परमेश्‍वरयात नापलानागु थें हे जुल।

उत्‍पत्ति 33:15

एसावं धाल, “अय्‌सा जिं जिमि मनूतय्‌त छलिसे त्‍वःताथके।” याकूबं धाल, “अथे छाय् याये माल? जितः छिगु माया जक दःसा गाः।”

उत्‍पत्ति 33:8

एसावं याकूबयाके न्‍यन, “जिं लँय् नापलानागु बथां छु खः?” याकूबं धाल, “छिं जितः दुनुगलं लसकुस यानादीमा धकाः खः।”

उत्‍पत्ति 34:3

याकूबया म्‍ह्याय् दीनायात वं तसकं यय्‌कल। उकिं वं वयागु नुगः साला कायेत कुतः यात।

उत्‍पत्ति 43:14

दक्‍व शक्ति दुम्‍ह परमेश्‍वरं छिमित व मनूया न्‍ह्यःने दया यानादीमा। अले व मनुखं छिमि दाजु व बेन्‍यामीनयात नं छिपिंलिसें छ्वयाहयेमा। जि सन्‍तान मदयेक च्‍वनेमाःसां थजुइमा।”

२ शमूएल 16:4

जुजुं सीबायात धाल, “स्‍व, मपीबोशेतया फुक्‍क सम्‍पत्ति छन्‍त दइ।” सीबां वयात धाल, “हे महाराज, जि ला छःपिनि दास जक खः। जितः ला छःपिनिगु दया जक दःसा गाइ।”

हितोपदेश 15:33

परमप्रभुया भय कायेगु धयागु हे ज्ञान खः। क्‍वमिलु जुल कि हनाबना नं याइ।

होशे 2:16

“परमप्रभुं धयादी, ‘उखुन्‍हु हे’ छं जितः ‘जिमि भाःत’ धाइ, अले ‘जिमि मालिक’ धाइ मखु।

फिलिप्‍पी 2:3

थःगु जक भिं स्‍वयाः तःधंछुना जुइ मते। बरु थःथवय् क्‍वमिलु जुयाः मेपिं स्‍वयाः चिधं जुया जु।

न्‍यायकर्ता 19:3

अले वया भाःत थः च्‍यः व निम्‍ह गधा ज्‍वनाः वयात ह्यय्‌काः लितः हयेत व मिसाया छेँय् वन। अले व मिसां इमित थः बौया छेँय् यंकल। व लेवीयात खंबलय् व मिसाया बौनं लय्‌तायाः वयात लसकुस यात।

रुथया सफू 2:12

छंगु ज्‍याया सिरपाः परमेश्‍वरं छन्‍त बियादीमा। छ शरण काःवःम्‍ह इस्राएलया परमप्रभु परमेश्‍वरं छन्‍त यक्‍व इनाम बियादीमा।”

रुथया सफू 2:14

बजि नयेगु इलय् बोअजं रुथयात धाल, “थन वा, दाखया तिइ मरि थुनाः न।” अले व ज्‍यामितलिसें फ्‍यतुल। अले बोअजं वयात छुस्‍यामुस्‍या बिल। रुथं थःत यत्तले नल। अले भचा थया काल।

१ शमूएल 1:18

हन्‍नाहं धाल, “सुभाय्, जितः छिगु माया सदां दयाच्‍वनेमा।” अले व अनं वनाः छुं नसाः नल अले हाकनं दुखी जुइगु त्‍वःताछ्वत।

१ शमूएल 25:41

व जुरुक्‍क दन अले बँय् भ्‍वपुयाः थथे धाल, “जि वय्‌कःया दासी खः अले वय्‌कःया च्‍यःतय्‌गु तुति तकं सिलेमासां नं सिले।”