रुथया सफू 2:12 - नेवाः बाइबल

¹² छंगु ज्‍याया सिरपाः परमेश्‍वरं छन्‍त बियादीमा। छ शरण काःवःम्‍ह इस्राएलया परमप्रभु परमेश्‍वरं छन्‍त यक्‍व इनाम बियादीमा।”

रुथया सफू 2:12 ပူးပေါင်းရင်းမြစ်များ

भजनसंग्रहया सफू 17:8

मिखाया नानिचायात थें जिमित बचय् यानाः तयादिसँ। छिगु पपूया किचलय् जिमित सुचुकाः तयादिसँ।

भजनसंग्रहया सफू 19:11

हे परमप्रभु! थुकिं जि छिकपिनि दासयात ज्ञां बी। थुकियात मानय् यानाः जितः तःधंगु सिरपाः दत।

भजनसंग्रहया सफू 36:7

हे परमप्रभु! गुलि तःजि छिगु मदिक्‍क दयाच्‍वनीगु माया! छिगु पपूया किचलय् मनूतय्‌सं शरण कयाच्‍वंगु दु।

भजनसंग्रहया सफू 57:1

जितः दया यानादिसँ, हे परमेश्‍वर! जितः दया यानादिसँ! जि छिगु शरणय् वयागु दु। थ्‍व आपत चिलामवंतले जि छिगु पपूया किचलय् शरण कयाच्‍वने।

भजनसंग्रहया सफू 58:11

अले मनूतय्‌सं धाइ, “धर्मीतय्‌सं आः नं सिरपाः कायेखनि तिनि। परमेश्‍वर धात्‍थें हे दनि, अले वय्‌कलं पृथ्‍वीइ न्‍याय यानादी।”

भजनसंग्रहया सफू 61:4

छिगु थासय् जितः सदांया निंतिं च्‍वने बियादिसँ। छिगु पपूया किचलय् जितः सुरक्षित यानाः तयादिसँ। सेला

भजनसंग्रहया सफू 63:7

छाय्‌धाःसा छिं जितः न्‍ह्याबलें ग्‍वाहालि यानादीगु दु। छिगु पपूया किचलय् जिं लसताया म्‍ये हाले।

भजनसंग्रहया सफू 91:4

वय्‌कलं छन्‍त थःगु पपुतिं त्‍वपुयादी, अले छन्‍त वय्‌कःया शरणय् बांलाक च्‍वने दइ। वय्‌कःया विश्‍वास याये बहःगु बचं छंगु ढाल व सुरक्षा खः।

हितोपदेश 11:18

दुष्‍टत छुं ईया निंतिं जक तःमि जुइ। धर्मीतय्‌त सदांया निंतिं सिरपाः दइ।

हितोपदेश 23:18

थुकिं यानाः छन्‍त सिरपाः दइ, छ आशां द्याइ मखु।

यर्मिया 31:16

परमप्रभुं थथे धयादी, “ख्‍वःसः दिकि, मिखां ख्‍वबि पिकाये मते। छाय्‌धाःसा छिमिगु ज्‍याया सिरपाः दइ,” परमप्रभुं धयादी, “इपिं शत्रुया देशं लिहां वइ।

मत्ती 23:37

“हे यरूशलेमय् च्‍वंपिं मनूत, छिमिसं अगमवक्तातय्‌त स्‍याना छ्वल, अले परमेश्‍वरं छ्वयाहयादीपिं दूततय्‌त ल्‍वहँतं कय्‌का छ्वल। जिं छिमित माखां थः खाचातय्‌त त्‍वपुया तः थें गुलि बचय् यायेत स्‍वये धुन। अय्‌नं छिपिं मानय् मजू।

मत्ती 5:12

छिपिं स्‍वयाः न्‍हापायापिं अगमवक्तातय्‌त नं थथे हे दुःखकष्‍ट ब्‍यूगु खः। उकिं लय्‌ताया जु, छाय्‌धाःसा स्‍वर्गय् छिमित बीत तःधंगु सिरपाः तयातःगु दु।

मत्ती 6:1

“होश या, मनूतय्‌त क्‍यने थें यानाः जक छिमिसं भिंगु ज्‍या याये मते। मनूतय्‌त क्‍यने थें जक भिंगु ज्‍या यात धाःसा स्‍वर्गय् च्‍वनादीम्‍ह परमेश्‍वर बाःनं छिमित छुं हे सिरपाः बियादी मखु।

लूका 6:35

“अय्‌जूगुलिं छिमिसं शत्रुतय्‌त माया यानाः इमित भिं या। लित कायेगु मतिइ मतसे त्‍यासा ब्‍यु। अले छन्‍त तःधंगु सिरपाः दइ। अले हानं छिपिं दकलय् तःधंम्‍ह परमेश्‍वरया काय्‌पिं जुइ। छिमि परमेश्‍वर बाःनं लोभीतय्‌त नं, तसकं मभिंपिं मनूतय्‌त नं, उतिकं हे दया माया यानादी।

कलस्‍सी 2:18

“जिमिसं दर्शन खनागु दु” धकाः थथःम्‍हं तःधनाः स्‍वर्गदूतयात पुजा यानाजुइपिं नं दु। थज्‍याःपिन्‍सं म्‍वाःमदुगु खँय् लाकाः छिमित थःम्‍हं काये दइगु सिरपाः काये मखंका बी। थःम्‍हं मस्‍यूगु खँय् नं थुपिं तःधना जुइ।

२ तिमोथी 1:18

एफिससय् दुबलय् नं वं जितः गुलि ग्‍वाहालि यात धयागु खँ ला छं नं बांलाक हे स्‍यू। प्रभु झायादीबलय् वयात दया माया यानादीमा।

२ तिमोथी 4:8

आः ला धर्मी ठहरय् जूपिन्‍त धकाः तयातःगु श्रीपेच जक काये ल्‍यंदनि, गुगु सुयागुं ख्‍वाः मस्‍वसे न्‍याय यानादीम्‍ह प्रभुं झायाः पुइकादी। जितः जक मखु, वय्‌कः झाइगु यःपिं फुक्‍कसितं वय्‌कलं व श्रीपेच पुइकादी।

हिब्रू 11:26

मिश्रयागु दक्‍व सम्‍पत्ति स्‍वयाः मुक्ति बीम्‍ह ख्रीष्‍टया निंतिं हेला याका जुइगु हे वं तःधं ताय्‌कल, छाय्‌धाःसा व परमेश्‍वरं बीगु सिरपाः कायेत पियाच्‍वंम्‍ह खः।

हिब्रू 11:6

विश्‍वास मयाय्‌कं परमेश्‍वरयात लय्‌ताय्‌के फइ मखु। वय्‌कःयाथाय् वइम्‍ह मनुखं परमेश्‍वर दि, अले वय्‌कःयात मालिपिन्‍त वय्‌कलं इनाम बियादी धकाः विश्‍वास याये हे माः।

हिब्रू 6:10

परमेश्‍वरं अन्‍याय यानादी मखु। छिमिसं यानाच्‍वंगु वय्‌कःयागु ज्‍या व वय्‌कःयात माया यानाच्‍वंगु खँ, अले दाजुकिजापिन्‍त ग्‍वाहालि याःगु व यानाच्‍वंगु खँ नं वय्‌कलं ल्‍वःमंकादी मखु।

रुथया सफू 1:16

तर रुथं लिसः बिल, “छितः त्‍वःता वनेत जितः कर यानादी मते। छि गन गन झाल जि अन वये, छि गन गन च्‍वनादिल जि नं अन च्‍वने, छि मनूत जिमि मनूत जुइ अले छि परमेश्‍वर जिमि परमेश्‍वर जुइ।

रुथया सफू 2:11

बोअजं लिसः बिल, “छं भाःत सी धुंकाः नं थः माजुया लागिं छु छु यात व फुक्‍क जिं न्‍यनागु दु। छ गथे यानाः थःमांबौ व थःगु देश त्‍वःताः थःम्‍हं म्‍हमस्‍यूपिं मनूतय् दथुइ वल, व नं जिं स्‍यू।

रुथया सफू 2:13

रुथं लिसः बिल, “हे जिमि प्रभु, छिं जितः तसक्‍कं माया यानादिल, जि छिकपिनि भ्‍वातिं जुइत मल्‍वःसां छिं जिलिसें बांलाक न्‍ववानाः जिगु मन तयादीगु दु।”

रुथया सफू 4:15

थ्‍व मचा छितः न्‍हूगु जीवन बीम्‍ह व छि बुरा जुइबलय् छितः स्‍वइम्‍ह जुइ। छाय्‌धाःसा न्‍हय्‌म्‍ह काय्‌पिं स्‍वयाः भिंम्‍ह, छितः माया याइम्‍ह भौनं थ्‍व मचा बुइकूगु खः।”

१ शमूएल 24:19

सु मनुखं थः शत्रुयात नापलाकाः वयात छुं मयासें त्‍वःताछ्वइ ला? अथे जुयाः थौंयागु न्‍हिइ छं जि प्रति छु याःगु दु परमप्रभुं उकिया पलेसा छन्‍त तःधंगु इनाम बियादीमा।

१ शमूएल 24:20

आः जिं छ हे पक्‍का जुजु जुइत्‍यंगु दु धकाः सिल। अले इस्राएलया राज्‍य छंगु ल्‍हातं हे शासन याइ।