रुथया सफू 2:11 - नेवाः बाइबल

¹¹ बोअजं लिसः बिल, “छं भाःत सी धुंकाः नं थः माजुया लागिं छु छु यात व फुक्‍क जिं न्‍यनागु दु। छ गथे यानाः थःमांबौ व थःगु देश त्‍वःताः थःम्‍हं म्‍हमस्‍यूपिं मनूतय् दथुइ वल, व नं जिं स्‍यू।

रुथया सफू 2:11 ပူးပေါင်းရင်းမြစ်များ

२ शमूएल 21:11

शाऊलया मथ्‍याःम्‍ह कलाः अय्‌याया म्‍ह्याय् रिश्‍पां याःगु फुक्‍क खँ दाऊदयात न्‍यंकल।

भजनसंग्रहया सफू 45:10

न्‍यँ, हे राजकुमारी, बिचाः या, न्‍हाय्‌पं ब्‍यु, अले थः मनूत व थःछेँ नं ल्‍वःमंकी।

लूका 14:33

अथे हे छिमिसं नं थःके दुगु फुक्‍कं त्‍वःते मफुसा छिपिं जिम्‍ह चेला जुइ फइ मखु।

लूका 5:11

इमिसं नांचा सिथय् सालाहल। अले फुक्‍कं अन हे त्‍वःताः इपिं येशू नाप वन।

लूका 5:23

‘छंगु पाप क्षमा जुल’ धायेगु अःपु ला कि ‘दनाः न्‍यासि हुँ’ धायेगु अःपु?

रुथया सफू 1:11

नाओमीं धाल, “हे जिमि म्‍ह्याय्‌पिं लिहां हुँ, छिपिं छाय् जिलिसें वयेगु? छिमि भाःत जुइत छु जिगु प्‍वाथय् मेपिं काय्‌पिं दु धकाः ला?

रुथया सफू 2:10

अले रुथं क्‍वछुनाः भागियानाः बोअजयात धाल, “जि छम्‍ह परदेशी धकाः सीकाः नं छाय् छिं जितः थुलिमछि दया यानादियागु?”

रुथया सफू 2:12

छंगु ज्‍याया सिरपाः परमेश्‍वरं छन्‍त बियादीमा। छ शरण काःवःम्‍ह इस्राएलया परमप्रभु परमेश्‍वरं छन्‍त यक्‍व इनाम बियादीमा।”

रुथया सफू 3:10

वं धाल, “हे जिमि मइं, परमप्रभुं छन्‍त सुवाः बियादीमा, छाय्‌धाःसा छ तःमिम्‍ह वा गरीबम्‍ह सुं ल्‍याय्‌म्‍हया ल्‍यू मवंसें थःगु लिपांगु मायायात न्‍हापांगु स्‍वयाः तःधंकूगु दु।

रुथया सफू 4:15

थ्‍व मचा छितः न्‍हूगु जीवन बीम्‍ह व छि बुरा जुइबलय् छितः स्‍वइम्‍ह जुइ। छाय्‌धाःसा न्‍हय्‌म्‍ह काय्‌पिं स्‍वयाः भिंम्‍ह, छितः माया याइम्‍ह भौनं थ्‍व मचा बुइकूगु खः।”