रुथया सफू 1:21 - नेवाः बाइबल

²¹ जि थनं वनाबलय् जितः माःगु फुक्‍क दुगु खः। तर परमप्रभुं जितः खालि ल्‍हातं लित हयादीगु दु। छिमिसं जितः छाय् नाओमी धायेगु? परमप्रभु जिगु विरोधय् दनादीगु दु। दक्‍व शक्ति दुम्‍ह परमेश्‍वरं जिके विपत्ति हयादीगु दु।”

रुथया सफू 1:21 ပူးပေါင်းရင်းမြစ်များ

अय्‍यूब 1:21

थथे धाल, “जि जिमि मांया प्‍वाथं हे नांगां वया, अले जि नांगां हे वने। परमप्रभुं बियादिल अले परमप्रभुं हे यंकादिल। परमप्रभुयागु नां तःधनेमा।”

अय्‍यूब 10:17

छिं जिगु विरोधय् न्‍हूपिं साक्षीत हयादी, अले जिपाखे थःगु तं न्‍ह्यज्‍याकादी, छिकपिनि सेना लःबू थें जिथाय् वइगु।

अय्‍यूब 13:26

छाय्‌धाःसा छिं जिगु विरोधय् नुगलय् स्‍याइगु खँ च्‍वयादिल, जिगु ल्‍याय्‌म्‍हबलय्‌यागु अधर्म भोगय् याकेबिल।

अय्‍यूब 16:8

छिं जितः चिनादीगु दु। अले थ्‍व खँ साक्षी जूगु दु। जि क्‍वँय् व छेंगू जक जूगु दु, थुकिं हे जिगु विरोधय् साक्षी बी।

अय्‍यूब 30:11

छाय्‌धाःसा परमेश्‍वरं जितः बल मदुम्‍ह व ग्‍वाहालि मदुम्‍ह यानादीगु दु, इमिसं जितः थःगु फुक्‍क तं प्‍वंकीगु।

मलाकी 3:5

दक्‍व शक्ति दुम्‍ह परमप्रभुं धयादी, “अबलय् जि न्‍याय यायेत छिमिथाय् वये। अले तन्‍त्रमन्‍त्र याइपिं, व्‍यभिचारीत, मखुगु साक्षी बीपिं, ज्‍यामितय्‌त ज्‍यालाय् स्‍याइपिं अले भाःत मदुपिं मिस्‍त, मां-बौ मदुपिं मस्‍तय्‌त क्‍वत्‍यलातःपिं, परदेशीतय्‌गु न्‍याय लाका काइपिं, जि खनाः मग्‍याइपिं थुपिं सकसिगु विरोधय् जिं हथासं साक्षी बी।”

रुथया सफू 1:13

इपिं तःधिक मजुतले छिपिं पियाच्‍वने फइ ला? छु छिपिं ब्‍याहा मयासें च्‍वनेगु ला? मखु, जिमि म्‍ह्याय्‌पिं, जिगु हालत छिमिगु स्‍वयाः बांमलाः, छाय्‌धाःसा परमप्रभुं जिगु विरोधय् ल्‍हाः ल्‍ह्वनादीगु दु।”