रुथया सफू 1:20 - नेवाः बाइबल

²⁰ वं धाल, “जितः नाओमी धाये मते। जितः मारा धा, छाय्‌धाःसा दक्‍व शक्ति दुम्‍ह परमेश्‍वरं जिगु जीवन तसकं म्‍हाइपुका बियादीगु दु।

रुथया सफू 1:20 ပူးပေါင်းရင်းမြစ်များ

उत्‍पत्ति 17:1

अब्राम गुइगुदँ दुबलय् परमप्रभु अब्रामयाथाय् खनेदय्‌कः झाल। अले वयात धयादिल, “जि दक्‍व शक्ति दुम्‍ह परमेश्‍वर खः। जिं धाःथें या, अले दोष मदय्‌क जु।

उत्‍पत्ति 43:14

दक्‍व शक्ति दुम्‍ह परमेश्‍वरं छिमित व मनूया न्‍ह्यःने दया यानादीमा। अले व मनुखं छिमि दाजु व बेन्‍यामीनयात नं छिपिंलिसें छ्वयाहयेमा। जि सन्‍तान मदयेक च्‍वनेमाःसां थजुइमा।”

अय्‍यूब 11:7

छु छिं परमेश्‍वरया गुप्‍ति खँ थुइकेफु ला? छु छिं दक्‍व शक्ति दुम्‍ह परमेश्‍वर गुलि तःधं धकाः सीके फु ला?

अय्‍यूब 19:6

परमेश्‍वरं हे जितः अन्‍याय यानाः वय्‌कलं जिगु प्‍यखें जाः ह्वलादीगु खः धकाः सीकादिसँ!

अय्‍यूब 5:17

व मनू धन्‍यम्‍ह खः, गुम्‍हसित परमेश्‍वरं न्‍वानादी। उकिं दक्‍व शक्ति दुम्‍ह परमेश्‍वरं ब्‍वःबियादीबलय् तंचाये मते।

अय्‍यूब 6:4

छाय्‌धाःसा दक्‍व शक्ति दुम्‍ह परमेश्‍वरयागु वाण जिगु दुने दु। जिगु आत्‍मां उमिगु बिख त्‍वनीगु, परमेश्‍वरयागु आतंक जिगु विरोधय् झ्‍वःलिंक दनाच्‍वंगु दु।

अय्‍यूब 9:18

जितः हाकनं सासः ल्‍हाके नं बी मखु। वय्‌कलं जिगु जीवन हे म्‍हाइपुका ब्‍यूगु दु।

भजनसंग्रहया सफू 73:14

जिं न्‍हियान्‍हिथं दुःख जक फयागु दु! सुथंनिसें जिं सजाँय फयावयाच्‍वना।

भजनसंग्रहया सफू 88:15

ल्‍याय्‌म्‍हबलय् निसें हे जि दुःख स्‍यूगु दु। जि सीत्‍यंगु दु छिं यानादीगु सजाँयलय् जि ग्‍यानाः निराश जूगु दु।

प्रस्‍थान 15:23

मारा धयागु थासय् थ्‍यंकाः इमिसं अनयागु लः त्‍वने मफुत, छाय्‌धाःसा अनयागु लः खाइसे च्‍वं। अथे जुयाः हे व थाय्‌यात मारा धयातःगु खः।

प्रस्‍थान 6:3

अब्राहाम, इसहाक व याकूबयाथाय् जि दक्‍व शक्ति दुम्‍ह परमेश्‍वर कथं खनेदय्‌क वया, तर परमप्रभु धकाः जिं थःगु नामं इमित म्‍हसीके मबिया।

यशैया 38:13

सुथय् तक जि पिवाच्‍वना। तर सिहंनं क्‍वँय् त्‍वथू थें वय्‌कलं जिगु फुक्‍क क्‍वँय् त्‍वथुलादिल। न्‍हिच्‍छि व चच्‍छिं हे छिं जिगु जीवनयात अन्‍त यानादीगु दु।

हिब्रू 12:11

झीत थथे न्‍वानादीबलय् न्‍ह्याइपुसे ला च्‍वनी मखु, बरु दुःख जक जुइ। अथेसां लिपा तकं सह यानाच्‍वनीपिन्‍त शान्‍ति दइ, अले परमेश्‍वरया न्‍ह्यःने नं ठीक ठहरय् जुइ।

प्रकाश 1:8

दक्‍वसिबय् तःधंम्‍ह व शक्ति दुम्‍ह, आः नं दीम्‍ह व न्‍हापा नं दीम्‍ह, अले झायादीम्‍ह परमप्रभु परमेश्‍वरं धयादिल – “अल्‍फा व ओमेगा जि हे खः।”

प्रकाश 21:22

अन शहरय् जिं देगः छगः हे मखना। अनयागु देगः हे दक्‍व शक्ति दुम्‍ह परमप्रभु परमेश्‍वर व चीधिकःम्‍ह भ्‍याःचा खः।