रुथया सफू 1:17 - नेवाः बाइबल

¹⁷ छि गन सी, जि नं अन हे सी, अले जितः अन हे थुनिगु जुइ। कालं बाहेक मेगु छुंकिं नं जितः छिपाखें फाःसा, परमप्रभुं जितः थथे हे, अज्‍ज थ्‍व स्‍वयाः बांमलाःगु व्‍यवहार यानादीमा।”

रुथया सफू 1:17 ပူးပေါင်းရင်းမြစ်များ

२ शमूएल 15:21

तर इत्तैनं जुजुयात लिसः बिल, “धात्‍थें परमप्रभु म्‍वाःम्‍ह खः थें, अले जिमि मालिक महाराज म्‍वाःम्‍ह खः थें, छःपिं गन गन च्‍वनादी, जि म्‍वायेमा वा सीमा छःपिनि दास नं अन हे दइ।”

२ शमूएल 19:13

अले अमासायात थथे धा, छु छ जिगु ला व हि मखु ला? छ योआबया पलेसा छंगु जिवंकाःछि हे जिम्‍ह सेनापति मजुल धाःसा परमेश्‍वरं जिनापं बांमलाःगु व्‍यवहार यानादीमा।’”

२ शमूएल 3:35

दाऊदं न्‍हिच्‍छि हे छुं मन। अले मनूतय्‌सं दाऊदयात छुं भपियादिसँ धकाः धायेत वल, तर दाऊदं पाफयाः थथे धाल, “सूर्य बिनावने न्‍ह्यः छुं नयेगु नसा थिल धाःसा परमेश्‍वरं जितः कडा सजाँय बियादीमा।”

२ शमूएल 3:9

जिं दाऊदयात परमप्रभुं वयात जिं याये धकाः बियादीगु बचंया लागिं ग्‍वाहालि मयात धाःसा परमेश्‍वरं हे जितः कडा सजाँय बियादीमा।

१ राजा 13:31

वयात थुनेधुंकाः वं थः काय्‌पिन्‍त धाल, “जि सीधुंकाः जितः थ्‍व परमेश्‍वरया मनूयात थुंगु चिहानय् थुनाब्‍यु। जिगु क्‍वँय्‌यात थ्‍वयागु क्‍वँय्‌नापं तयाब्‍यु।

१ राजा 19:2

उकिं ईजेबेलं एलियायाथाय् छम्‍ह दूतयात थथे धाय्‌के छ्वल, “गथे छं जिमि अगमवक्तातय्‌त स्‍यात, अथे हे यानाः कन्‍हय् थुगु हे इलय् तक जिं छन्‍त मस्‍यात धाःसा द्यःतय्‌सं जितः स्‍यायेमा।”

१ राजा 2:23

अले सोलोमन जुजुं परमप्रभुया नामय् पाफयाः धाल, “थ्‍व बिन्‍तिया निंतिं अदोनियाहं थःगु ज्‍यान बी म्‍वाल धाःसा परमेश्‍वरं जिलिसें बांमलाःगु व्‍यवहार यानादीमा!

१ राजा 20:10

अले बेन-हददं आहाबयात मेगु खबर छ्वल, “सामरीयायागु ल्‍यं दुगु धू जिमि छम्‍ह छम्‍ह सिपाइँयात छम्‍हु छम्‍हु बीत जक गाःसां द्यःतय्‌सं जितः बांमलाक्‍क सजाँय बियादीमा।”

२ राजा 6:31

जुजुं धाल, “शाफातया काय् एलीशाया छ्यं वयागु ब्‍वहलय् थौंया दिं क्‍वचाइबलय् तक दयाच्‍वन धाःसा जितः परमेश्‍वरं थथे हे वा थ्‍व स्‍वयाः अप्‍वः यानादीमा।”

भजनसंग्रहया सफू 45:10

न्‍यँ, हे राजकुमारी, बिचाः या, न्‍हाय्‌पं ब्‍यु, अले थः मनूत व थःछेँ नं ल्‍वःमंकी।

प्रेरित 11:23

थथे व अन वयाः परमेश्‍वरं अन च्‍वंपिं विश्‍वासीतय्‌त बियादीगु आशिष खनाः तसकं लय्‌ताल। अले वं इमित मग्‍यासे दुनुगलंनिसें प्रभु नाप जुयाच्‍वनेमाः धकाः स्‍यनेकने यात।

प्रेरित 20:24

न्‍ह्याथे हे जूसां जिं जिगु च्‍यूताः तये मखु, अले परमेश्‍वरं यानादीगु दया मायायागु भिंगु खँ न्‍यंका जुयाः प्रभु येशूं बियादीगु ज्‍या जक पूवंके दःसा गाः।”

रुथया सफू 1:16

तर रुथं लिसः बिल, “छितः त्‍वःता वनेत जितः कर यानादी मते। छि गन गन झाल जि अन वये, छि गन गन च्‍वनादिल जि नं अन च्‍वने, छि मनूत जिमि मनूत जुइ अले छि परमेश्‍वर जिमि परमेश्‍वर जुइ।

रुथया सफू 4:15

थ्‍व मचा छितः न्‍हूगु जीवन बीम्‍ह व छि बुरा जुइबलय् छितः स्‍वइम्‍ह जुइ। छाय्‌धाःसा न्‍हय्‌म्‍ह काय्‌पिं स्‍वयाः भिंम्‍ह, छितः माया याइम्‍ह भौनं थ्‍व मचा बुइकूगु खः।”

१ शमूएल 14:44

शाऊलं धाल, “जोनाथन, छ मसित धाःसा परमेश्‍वरं जितः पक्‍का कडा सजाँय बियादीमा।”

१ शमूएल 20:13

तर जिमि बौनं छिगु बारे मभिं बिचाः याःगु दुसा, जिं छितः खबर बियाः याउँक बिसिके मछ्वल धाःसा परमप्रभुं जितः स्‍यानादीमा। परमप्रभु जिमि बाःलिसें दीगु थें छिनापं नं दीमा।

१ शमूएल 25:22

कन्‍हय् सुथय् तक व नापं दुपिं छम्‍ह जक मिजंत म्‍वानाच्‍वन धाःसा परमेश्‍वरं जितः कडा सजाँय बियादीमा।”

१ शमूएल 3:17

एलीं धाल, “परमप्रभुं छन्‍त छु धयादिल? जितः फुक्‍कं खँ मसुचुकुसे धा। छुं जुयाः छं वय्‌कलं धयादीगु खँ सुचुकल धाःसा परमेश्‍वरं हे छन्‍त कडा न्‍याय यानादीमा।”