रुथया सफू 1:14 - नेवाः बाइबल

¹⁴ थ्‍व न्‍यनाः इपिं हाकनं ह्वाँय्‌ह्वाँय् ख्‍वल, माजुयात भागियानाः ओर्पा थःगु छेँय् लिहां वन। रूथ धाःसा थः माजुलिसे हे च्‍वनाच्‍वन।

रुथया सफू 1:14 ပူးပေါင်းရင်းမြစ်များ

उत्‍पत्ति 31:28

छं जितः जिमि छय्‌पिन्‍त माया यायेगु व म्‍ह्याय्‌पिन्‍त चुप्‍पा तक हे नके मबिल। छं मूर्ख ज्‍या यात।

उत्‍पत्ति 31:55

कन्‍हय् खुन्‍हु सुथ न्‍हापां दनाः लाबानं थः छय्‌पिन्‍त व म्‍ह्याय्‌पिन्‍त चुप्‍पा नयाः आशिष बिल। अले व अनं बिदा कयाः थःगु छेँपाखे वन।

२ शमूएल 19:39

अनंलि फुक्‍क मनूत यर्दन छिनावन, अले दकलय् लिपा जुजु छिनावन। अले जुजुं बर्जिल्‍लैयात चुप्‍पा नल, अले वयात आशिष बिल अले बर्जिल्‍लै थःगु छेँ तुं लिहां वन।

१ राजा 19:20

अले एलीशा थः द्वहंत त्‍वःताः एलियाया ल्‍यूल्‍यू ब्‍वाँय् वन। एलीशां धाल, “जितः थः मां-बौयात चुप्‍पा नयाः बिदा काय्‌के बियादिसँ, अले जि छिगु ल्‍युने वये।” एलियां धाल, “हुँ, जिं छन्‍त छु यानागु दु?”

हितोपदेश 17:17

पासा धयापिं पासा हे जक खः, दाजुकिजा धयापिं दुःखय् नं ग्‍वाहालि याइपिं खः।

हितोपदेश 18:24

गुलिं गुलिं पासापिं स्‍यंकाबीपिं नं दु। गुलिं पासापिं धाःसा दाजुकिजा स्‍वयाः नं स्‍याःन्‍याःपिं जुइ।

यशैया 14:1

परमप्रभुं याकूबया घरानायात दया यानादी, वय्‌कलं इस्राएलयात हाकनं छकः थः मनूकथं ल्‍ययाः इमिगु थःगु हे देशय् पलिस्‍था यानादी, अन पिने वःपिं मनूत इपिंनापं मिलय् जू वइ अले याकूबया घरानानापं मिलय् जुयाच्‍वनी।

जकरिया 8:23

दक्‍व शक्ति दुम्‍ह परमप्रभुं थथे धयादी, “उबलय् मेमेगु जातियापिं व मेमेगु भाय् ल्‍हाइपिं झिम्‍ह मनू छम्‍ह यहूदी मिजंयाथाय् वयाः लंकू ज्‍वनाः थथे धाइ, ‘जिपिं नं छिलिसे वने, छाय्‌धाःसा छिलिसे परमेश्‍वर दु धकाः जिमिसं न्‍यनागु दु।’”

मत्ती 10:37

“जितः स्‍वयाः थः मां बौयात अप्‍वः माया याइम्‍ह मनू जिगु ल्‍यूल्‍यू वये फइ मखु। अथे हे थःकाय् म्‍ह्याय्‌पिन्‍त जितः स्‍वयाः अप्‍वः माया याइम्‍ह मनू नं जिगु ल्‍यूल्‍यू वये फइ मखु।

मत्ती 16:24

अले वय्‌कलं चेलातय्‌त धयादिल – “जि नाप वयेगु जूसा छिपिं सुनानं थःगु खँय् छुं हे च्‍यूताः तये मते। अले थःगु क्रूस थःम्‍हं हे क्‍वबिया सीत तकं लिमच्‍युसे जिगु ल्‍यूल्‍यू वा।

मत्ती 19:22

थ्‍व खँ न्‍यनाः व ल्‍याय्‌म्‍ह मनू ख्‍वाः खिउँसे च्‍वंकाः वन, छाय्‌धाःसा व तसकं तःमिम्‍ह खः।

प्रेरित 17:34

गुलिसिनं वयागु खँय् विश्‍वास यात। इपिं मध्‍ये अरियोपागसयाम्‍ह दुजः डियनुसियस धाःम्‍ह मनू व दामारिस धाःम्‍ह मिसा नं दु। थुपिं बाहेक इपिं नाप मेपिं नं दु।

व्‍यवस्‍था 10:20

थः परमप्रभु परमेश्‍वरया ग्‍याःभय का अले वय्‌कःया सेवा या। वय्‌कः नाप नापं जु, अले वय्‌कःया नामय् जक पाफयेगु या।

व्‍यवस्‍था 4:4

अय्‌नं परमप्रभु छिमि परमेश्‍वरनापं च्‍वनाच्‍वंपिं सकलें थौंतक म्‍वानाच्‍वंगु दु।

२ तिमोथी 4:10

डेमास थ्‍व संसारयात माया यानाः जितः त्‍वःताः थेसलोनिकाय् वने धुंकल। क्रेसेन्‍स गलातियाय् वन, तीतस दलमातियाय् वन।

हिब्रू 10:39

झीपिं अथे विश्‍वासं लिचिलाः स्‍यना वनीपिं मनूत मखु, बरु विश्‍वासं म्‍वाका तःपिं खः।

रुथया सफू 1:13

इपिं तःधिक मजुतले छिपिं पियाच्‍वने फइ ला? छु छिपिं ब्‍याहा मयासें च्‍वनेगु ला? मखु, जिमि म्‍ह्याय्‌पिं, जिगु हालत छिमिगु स्‍वयाः बांमलाः, छाय्‌धाःसा परमप्रभुं जिगु विरोधय् ल्‍हाः ल्‍ह्वनादीगु दु।”

रुथया सफू 1:15

नाओमीं वयात धाल, “स्‍व, छिमि क्‍यहेँ थः मनूतय्‌थाय् व थः द्यःतय्‌थाय् लिहां वन, छ नं वलिसें लिहां हुँ।”

रुथया सफू 1:7

उकिं व थः च्‍वनाच्‍वंगु थासं भौपिं नापं पिहां वल, इपिं यहूदा देश लिहां वनेगु लँपुइ वन।

रुथया सफू 2:11

बोअजं लिसः बिल, “छं भाःत सी धुंकाः नं थः माजुया लागिं छु छु यात व फुक्‍क जिं न्‍यनागु दु। छ गथे यानाः थःमांबौ व थःगु देश त्‍वःताः थःम्‍हं म्‍हमस्‍यूपिं मनूतय् दथुइ वल, व नं जिं स्‍यू।