रोमी 9:4 - नेवाः बाइबल

⁴ छाय्‌धाःसा इपिं परमेश्‍वरं ल्‍ययातःपिं जातियापिं खः। वय्‌कलं इमित थः हे काय्‌पिं यानाः इमिगु दथुइ च्‍वनाः वय्‌कःयागु तःधंगु शक्ति क्‍यनादिल। इपिं नाप बाचा चिनाः व्‍यवस्‍था नं बियादिल। वय्‌कःया आराधना यायेगु स्‍यनादिल, अले बचं नं बियादिल।

रोमी 9:4 ပူးပေါင်းရင်းမြစ်များ

उत्‍पत्ति 15:18

अबलय् हे परमप्रभुं अब्रामलिसे थुकथं बाचा चिनादिल, “जिं छिमि सन्‍तानयात मिश्र देशयागु खुसिंनिसें तःधंगु खुसि यूफ्रेटिसतकयागु थ्‍व देशत बियागु दु –

उत्‍पत्ति 17:10

छं व छिमि सन्‍तानं मानय् यायेमाःगु जिगु बाचा छु धाल धाःसा, छिमि काय्‌मचा धाक्‍वसिनं म्‍हय् चिं तयेमाः।

उत्‍पत्ति 17:2

जिं छलिसे छगू बाचा ची। जिं छिमि सन्‍तानयात ल्‍याः खाये मफयेक यक्‍व दय्‌काबी।”

उत्‍पत्ति 17:7

जिं छ व छिमि सन्‍तानलिसे चिनागु बाचा सदांया लागि म्‍वाकातये, छाय्‌धाःसा जि छं व इमि परमेश्‍वर खः।

उत्‍पत्ति 32:28

व मनुखं धाल, “आवंलि छंगु नां याकूब मखु, इस्राएल जुल। छाय्‌धाःसा छं परमेश्‍वर व मनूतलिसे कुश्‍ती ल्‍वानाः त्‍याकल।”

१ राजा 8:11

पुजाहारीतय्‌सं अन सुपाँय् दुगुलिं सेवा याये मफुत, छाय्‌धाःसा परमप्रभुया महिमां देगः जाःगु दु।

नहेम्‍याह 13:29

हे जिमि परमेश्‍वर, इमित लुमंकादिसँ छाय्‌धाःसा पुजाहारीया ज्‍या यात व पुजाहारीतय् व लेवीतय्‌गु बाचायात अशुद्ध याःगु दु।

भजनसंग्रहया सफू 147:19

वय्‌कलं थःगु आज्ञा याकूबयात, अले थःगु नियम व विधि इस्राएलयात कनादीगु दु।

भजनसंग्रहया सफू 63:2

जिं छितः पवित्र थासय् खनागु दु। अले छिगु शक्ति व महिमा नं खना।

भजनसंग्रहया सफू 73:1

इस्राएलया निंतिं व शुद्ध नुगः दुपिनिगु निंतिं, परमेश्‍वर धात्‍थें हे भिंम्‍ह खः।

भजनसंग्रहया सफू 78:61

वय्‌कलं थःगु शक्ति व महिमायागु चिं, बाचा चिनादीगु सनूयात शत्रुतय्‌गु ल्‍हातय् लाके बियादिल।

भजनसंग्रहया सफू 89:3

छिं धयादिल, “जिं थःम्‍हं ल्‍ययाम्‍हनापं बाचा चिनागु दु, थः दास दाऊदलिसे पाफयागु दु,

भजनसंग्रहया सफू 89:34

जिं थःगु बाचा त्‍वथुले नं मखु, जिं थःगु म्‍हुतुं वयात बियागु बचं लित काये नं मखु।

भजनसंग्रहया सफू 90:16

छिगु ज्‍या छि दासतय्‌सं खनेमा, छिगु महिमा इमि सन्‍तानतय्‌सं खनेमा।

प्रस्‍थान 12:25

परमप्रभुं बी धयादीगु देशय् दुहां वने धुंकाः नं छिमिसं थ्‍व नखः हँ।

प्रस्‍थान 34:27

अनं लिपा परमप्रभुं मोशायात धयादिल, “थुपिं वचन च्‍व, छाय्‌धाःसा थुपिं हे वचनकथं छ व इस्राएलीतनापं जिं बाचा चिनागु दु।”

प्रस्‍थान 4:22

छं फारोयात धा, ‘परमप्रभुं धयादी, इस्राएल जिमि दकलय् न्‍हापां बूम्‍ह काय् खः।

प्रस्‍थान 40:34

अले नापलायेगु पालयात सुपाँचं त्‍वपुल, व परमप्रभुयागु महिमां पवित्र पाल जाल।

यशैया 41:8

“तर छ! हे इस्राएल, जिमि दास, याकूब, सुयात जिं ल्‍ययागु दु। जिमि पासा अब्राहामया वंश,

यशैया 46:3

परमप्रभुं धयादी, “हे याकूबया घराना न्‍यँ! इस्राएलया घरानाय् बचय्‌जूपिं सकसिनं न्‍हाय्‌पं ब्‍यु! छिपिं बूसांनिसें जिं छिमित सुसाःकुसाः यानागु दु।

यशैया 5:2

वं क्‍यबय् बुँ पाल। अले ल्‍वहंत लिकयाः वांछ्वल। अले अन वं दक्‍वसिबय् भिंगु दाखमा पित। दाखक्‍यब स्‍वयेत बल्‍चा दय्‌कल, दाख तिसीत ल्‍वहँतय् कियाः छगू गाः म्‍हुल। वं भिंगु दाख सइ धकाः आशा यात अय्‌नं उकी मभिंगु दाख सल।

यशैया 60:19

न्‍हिनय् सूर्यनं छन्‍त गुबलें जः बी मखु, न तिमिलां हे छन्‍त जः बिया ज्‍वल्‍ल थीकी, छाय्‌धाःसा परमप्रभु हे छंगु निंतिं सदांया जः जुइ, छिमि परमेश्‍वर धाःसा छंगु महिमा जुयादी।

यर्मिया 31:20

छु! एफ्राइम जिम्‍ह यःम्‍ह काय्, मखु ला? छु व जितः लय्‌तायेकीम्‍ह मचा, मखु ला? वयागु विरोधय् जिं न्‍ह्याक्‍व हे खँ ल्‍हाना सां जिं धात्‍थें वयात आः तक नं लुमंका च्‍वना। उकिं वयात जिं यय्‌का। जिं धात्‍थें वयात तसकं माया याना,” परमप्रभुं धयादी।

यर्मिया 31:33

“उबलय् जिं इस्राएलया घरानानापं चीत्‍यनागु बाचा थुकथं खः, जिं थःगु नियम इमिगु मनय् तयाबी अले इमिगु नुगलय् च्‍वयाबी। जि इमि परमेश्‍वर जुइ अले इपिं जिम्‍ह मनूत जुइ।

यर्मिया 31:9

इपिं ख्‍वख्‍वं लिहां वइ। जिं इमित लित हइबलय् इमिसं प्रार्थना याइ। जिं इमित खुसिया सिथ सिथ इपिं लुफिं महाइगु पिचुगु लँपुं हये। छाय्‌धाःसा जि इस्राएलया अबु खः, एफ्राइम जिम्‍ह जेठाम्‍ह काय् खः।

इजकिएल 1:28

वा वइबलय् आकाशय् इन्‍द्रेणी खनेदुगु थें वयागु छचाःखेरं दुगु जः नं अथे हे खने दु। परमप्रभुया महिमाया रूप थथे हे च्‍वं। व खनाः जिं छ्यं क्‍वछुकाः। जिं सुं न्‍वंवानाच्‍वंगु सः ताल।

होशे 11:1

“इस्राएलयात मचाबलय् निसें हे जिं माया याना। जिं थःकाय्‌यात मिश्र देशं सःता।

गन्‍ती 7:89

मोशा परमप्रभुलिसें खँ ल्‍हायेत महा-पवित्र थासय् वंबलय् बाचाया सनू द्यःने दुगु प्रायश्‍चितया कृपा-आसन च्‍वय्‌या निम्‍ह करूबतय् दथुं वं थःनापं नवानाच्‍वंगु सः ताल। अले परमप्रभुं व नापं खँ ल्‍हानादिल।

मत्ती 21:33

येशूं इमित धयादिल – “मेगु छगू उखान नं न्‍यनादिसँ – छम्‍ह तःसिं दु। वं थःगु क्‍यबय् दाख पित। अले प्‍यखें वालं चिनाबिल। वं अन दाख तिसीगु साः नं तयाबिल। अले क्‍यबय् स्‍वयेत छगू बल्‍चा नं दय्‌का थकल। क्‍यब म्‍हय्‌तय्‌त त्‍वःताः व मेगु देशय् वन।

यूहन्‍ना 1:17

व्‍यवस्‍था मोशायागुपाखें बियादिल, येशू ख्रीष्‍टयागुपाखें धाःसा परमेश्‍वरया दया माया व सत्‍य दत।

यूहन्‍ना 1:47

नथानेलयात थःथाय् वयाच्‍वंगु खनाः येशूं वयात धयादिल – “छ ला छम्‍ह तसकं स्‍वजाम्‍ह इस्राएली खः।”

प्रेरित 2:39

झी प्रभु परमेश्‍वरं थःम्‍हं सःता दिक्‍वसित थ्‍व हे खँ बी धकाः बचं बियादीगु खः। उकिं थ्‍व बचं छिकपिं, छिकपिनि मस्‍त व आः तकं तापाक च्‍वनाच्‍वंपिं फुक्‍कसिगु निंतिं बियादीगु खः।”

रोमी 3:2

न्‍ह्याखें नं इमित फाइदाया फाइदा जक दु। दकलय् न्‍हापालाक यहूदीतय्‌त हे परमेश्‍वरयागु वचन लः ल्‍हानातःगु खः।

रोमी 8:15

थथे खः धयागु जूसा परमेश्‍वरया न्‍ह्यःने दास थें ग्‍याना च्‍वनेमाःगु मन्‍त, बरु काय् जुइगु आत्‍मा झीत बियादीगुलिं झीपिं वय्‌कःया सन्‍तान खः धकाः झीसं धाये दत। थथे झीसं “अब्‍बा, बाः” धकाः धाये दत।

रोमी 9:6

यहूदी जातयापिन्‍सं थौं तकं ख्रीष्‍टयात विश्‍वास मयाःसां परमेश्‍वरं बाचा चिनाः धयादीगु वचन सितिं वंगु जुइ मखु। छाय्‌धाःसा यहूदी जातय् बूपिं सकलें परमेश्‍वरया मनूत मखु।

२ कोरिन्‍थी 11:22

इपिं हिब्रू खःसा, जि नं हिब्रू खः। इपिं इस्राएली खःसा, जि नं इस्राएली खः। इपिं अब्राहामया सन्‍तान खःसा, जि नं अब्राहामया सन्‍तान खः।

गलाती 3:16

परमेश्‍वरं अब्राहामनाप व वया सन्‍ताननाप बाचा चिनादीगु खः। वय्‌कलं तःम्‍हय्‌सित “अब्राहामया मचाखचा” धकाः धयामदी, बरु “अब्राहामया सन्‍तान” जक धयादिल। थन “सन्‍तान” धयादीगु छम्‍हय्‌सित जक खः, अले थ्‍व ख्रीष्‍ट येशूया बारे धयादीगु खः।

एफिसी 2:12

बिचाः या, छिपिं ख्रीष्‍टपाखें तापाना च्‍वंपिं खः। छिपिं इस्राएलयागु हकं पिनेलाःपिं, परमेश्‍वरं चिनादीगु बाचां पिनेलाःपिं, आशा धयागु हे त्‍वफिका च्‍वंपिं, व परमेश्‍वर हे मदय्‌का च्‍वंपिं जुयाच्‍वंगु खः।

व्‍यवस्‍था 14:1

छिपिं परमप्रभु छिमि परमेश्‍वरया मनूत खः। सिनावंम्‍ह मनूया लागि दुखं च्‍वनीबलय् छिमिसं थःगु म्‍हय् घाः याये मते अथवा मेपिंन्‍सं याःथें छ्यंया न्‍ह्यःने च्‍वंगु सँ खाये मते।

व्‍यवस्‍था 29:1

होरेबय् परमप्रभुं इस्राएलीतलिसे चिनादीगु बाचा बाहेक मोआबया ख्‍यलय् परमप्रभुं मोशायात बियादीगु बाचाया वचन थुपिं हे खः।

व्‍यवस्‍था 29:14

परमप्रभुं छिमित धयादी, “पाफयाः थ्‍व बाचा जिं छिपिंलिसें जक चिनागु मखु

व्‍यवस्‍था 31:16

अले परमप्रभुं मोशायात धयादिल, “छिमि पुर्खा थें छ सिनावने त्‍यंगु दु। छ सिनावने धुंकाः थुपिं मनूत देशय् दुहां वने धुंकाः व्‍यभिचारी थें जितः पत्‍याः मयाइपिं जुइ, इमिसं अन मेपिं द्यःतय्‌त पुजा याइ। इमिसं जितः त्‍वःताः जिं इपिंलिसें चिनागु बाचा त्‍वाथुली।

व्‍यवस्‍था 4:13

वय्‌कलं छिमित थःगु बाचा व झिगू आज्ञा न्‍यंकादिल। उकियात मानय् यायेगु आज्ञा छिमित बियादिल। अले वय्‌कलं उपिं आज्ञायात ल्‍वहंयागु निपाः पौलय् च्‍वयादिल।

व्‍यवस्‍था 7:6

परमप्रभु छिमि परमेश्‍वरया निंतिं छिपिं छगू पवित्र जाति खः। परमप्रभु छिमि परमेश्‍वरं पृथ्‍वीइ दुपिं सकलें मनूतय् दथुं थःगु निंतिं विशेष सम्‍पत्तिकथं छिमित ल्‍ययादिल।

हिब्रू 9:1

न्‍हापायागु बाचाय् नं परमेश्‍वरयात गथे यानाः सेवा यायेगु धयागु खँ च्‍वयातःगु खः। अबलय् इमिसं पृथ्‍वीइ हे पवित्रगु थाय् दय्‌कूगु खः।

हिब्रू 9:10

थथे नयेत्‍वनेगु व थीथी कथं म्‍वःल्‍हुइगु ला पिने क्‍यनेत जक खः। थज्‍याःगु थितिकुति न्‍हूगु बाचा चिना मदीतलेयात जक खः।

हिब्रू 9:3

निगूगु धकिंया दुने च्‍वंगु थाय्‌यात महा-पवित्रगु थाय् धाइ।

हिब्रू 9:5

थ्‍व सनूया द्यःने परमेश्‍वर च्‍वनादीगु थाय्‌यात किकाः करूबतय्‌गु पपू चक्‍कंकाः तसकं बांलाक तयातःगु दु। थ्‍व फुक्‍क खँ छता छता दतले आः कना च्‍वनेत मलाः।

हिब्रू 9:6

थ्‍व फुक्‍क थुकथं दय्‌काः पुजाहारीत न्‍हिं न्‍हिं पवित्रगु थासय् सेवा यायेत वनी।