रोमी 7:24 - नेवाः बाइबल

²⁴ जि ला तसकं हे आपतय् लानाच्‍वन। थज्‍याःगु सी मालिगु ज्‍याखँ यानाच्‍वनागु जिगु म्‍हयात सुनां बचय् याइ?

रोमी 7:24 ပူးပေါင်းရင်းမြစ်များ

१ राजा 8:38

इमिगु प्रार्थना न्‍यनादिसँ। छिकपिनि मनूत इस्राएलीत मध्‍ये सुनानं नुगः मछिंकाः थ्‍व देगःपाखे थःगु ल्‍हाः ल्‍ह्वनाः प्रार्थना यात धाःसा

भजनसंग्रहया सफू 102:20

वय्‌कलं कुना तःपिनिगु दुःखया सः न्‍यनादिल अले स्‍यायेगु सजाँय बियातःपिन्‍त छुत्‍कारा बियादिल।

भजनसंग्रहया सफू 119:131

जिं म्‍हुतु चाय्‌काः स्‍वां-स्‍वां वय्‌काः छाय्‌धाःसा जि छिगु आज्ञाया लागि प्‍याःचाः।

भजनसंग्रहया सफू 119:143

जिके दुःख व संकट वःगु दु, अय्‌नं छिगु आज्ञां जितः लय्‌ताय्‌की।

भजनसंग्रहया सफू 119:176

तंम्‍ह फै थें जि मखुगु लँय् वनागु दु, छिकपिनि दासयात मालादिसँ, छाय्‌धाःसा जिं छिगु आज्ञा ल्‍वःमंकागु मदु।

भजनसंग्रहया सफू 119:20

छिगु विधि सीकेत जिगु मन सदां आय्‌बुयाच्‍वन।

भजनसंग्रहया सफू 38:2

छिं जितः थःगु वाणं घाःपाः यानादीगु दु। छिं थःगु ल्‍हाः जिगु म्‍हय् तयादीगु दु

भजनसंग्रहया सफू 6:6

झसुकाः ततं जि त्‍यानुइ धुंकल। चच्‍छिं ख्‍वयाः जिं थःगु लासा प्‍याकाच्‍वना।

भजनसंग्रहया सफू 71:11

इमिसं धयाजूगु दु, “परमेश्‍वरं वयात त्‍वःते धुंकल। वयात लित्तुलिनाः ज्‍वँ। छाय्‌धाःसा वयात बचय् याइपिं सुं मदये धुंकल।”

भजनसंग्रहया सफू 72:12

वयाके ग्‍वाहालि फ्‍वंपिं चीमिपिन्‍त व हाःनाः मदुपिं व मगाःमचाःपिन्‍त बचय् याइ।

भजनसंग्रहया सफू 88:5

इमिसं जितः सीम्‍हतय् दथुइ त्‍वःतूगु दु, अले जि सीम्‍ह थें क्‍वदलाः च्‍वनाच्‍वनागु दु। छिं जितः ल्‍वःमंकादी धुंकल जितः छिगु ग्‍वाहालि नं मदु।

इजकिएल 9:4

अले वयात धयादिल, “यरूशलेम शहरया फुक्‍क थासय् वनाः अन याःगु फुक्‍क घच्‍चाइपुगु ज्‍याया निंतिं नुगः मछिंकुपिं व बिलाप याःपिं सकलें मनूतय्‌गु कपालय् छगू चिं ति!”

मीका 7:19

छिं जिमित हानं दयामाया यानादी, छिं जिमिगु पापयात तुतिं न्‍हुयादी, अले जिमिगु अधर्म तज्‍जाःगु समुद्रय् वान्‍छ्वयादी।

मत्ती 5:4

नुगः मछिंका जुइपिं मनूत धन्‍यपिं खः, परमेश्‍वरं हे इमित ह्यय्‌कादी।

मत्ती 5:6

परमेश्‍वरया न्‍ह्यःने धर्मी ठहरय् जुइत पित्‍याकाः प्‍याय्‌चाय्‌का जुइपिं मनूत धन्‍यपिं खः, परमेश्‍वरं इमित लुधंकादी।

लूका 4:18

“मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभुयागु आत्‍मा जिके च्‍वनादीगु दु। परमप्रभुं चिना तःपिन्‍त त्‍वःताबीत, कांपिन्‍त मिखां खंका बीत, अले न्‍हुत्तुन्‍हुया तःपिन्‍त थना बीत,

रोमी 6:6

झीगु पापी जीवन नाश जुयावनेमा धकाः झीगु पुलांगु जीवन वय्‌कःलिसें क्रूसय् यख्‍खाना बी धुन धकाः झीसं स्‍यू। अय्‌जूगुलिं आः झीसं पापी ज्‍याखँ याना जुइ जि हे मज्‍यू।

रोमी 8:13

छिमिसं शरीरयात यःथें याना जुया च्‍वंसा छिपिं सी। शरीरयात यःथें याना मजुसे बरु परमेश्‍वरया आत्‍मायात यःथें याना जूसा छिपिं म्‍वाइ। अथे याना जूसा आत्‍मां छिमिगु यत्‍थेंज्‍याःगु चालचलन त्‍वःतकादी।

रोमी 8:2

आः ला झीत येशू ख्रीष्‍टपाखें न्‍हूगु जीवन बियादीम्‍ह परमेश्‍वरया आत्‍मां पाप व मृत्‍युयागु व्‍यवस्‍थां मुक्त यानादीगु दु।

रोमी 8:23

सृष्‍टि जक मखु, झीपिं नं आत्‍माया न्‍हापांयागु फल दुपिं झीपिं थःपिं हे नं परमेश्‍वरया लहिनातःपिं सन्‍तान थें जुयाः उद्धारया निंतिं आय्‌बुयाच्‍वना।

रोमी 8:26

गथे यानाः प्रार्थना यायेमाः धकाः झीसं मस्‍यूगुलिं व झीगु विश्‍वास बमलाःगुलिं पवित्र आत्‍मां झीत ग्‍वाहालि यानादी। थथे पवित्र आत्‍मा थःम्‍हय्‌सिनं हे माक्‍व खँ धयाः झीगु निंतिं बिन्‍ति यानादी।

कलस्‍सी 2:11

छिमिसं ख्रीष्‍टयात विश्‍वास यानाच्‍वंगु हे धात्‍थें म्‍हय् चिं तःगु खः। थ्‍व चिं मनूतय्‌गु ल्‍हातं तःगु मखु, बरु पापं लिफ्‍याइगु ख्रीष्‍टयागु हे चिं खः।

२ तिमोथी 4:18

प्रभुं हे जितः फुक्‍क कथंया मभिंगु खं बचय् यानादी। अले थःगु स्‍वर्गयागु राज्‍यय् यंकेत वय्‌कलं जितः बचय् यानादी। वय्‌कः सदां सदां तःधना च्‍वनेमा। आमेन।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

हिब्रू 2:15

सी धकाः ग्‍यानाः सदां शैतानया दास जुयाच्‍वंपिं मनूतय्‌त छुतय् यायेत वय्‌कलं थथे यानादीगु खः।

प्रकाश 21:4

वय्‌कलं इमिगु मिखाय् च्‍वंगु ख्‍वबि सुचुक हुयादी। आः अन इपिं सी माली मखुत, दुःखं च्‍वने म्‍वाःल, ख्‍वय् म्‍वाःल, अले छुं नं दुःख जुइ मखुत। पुलांगु ज्‍याखँ फुक्‍कं मदयावने धुंकल।”