रोमी 7:23 - नेवाः बाइबल

²³ जिगु म्‍हयागु व्‍यवस्‍था व मनयागु व्‍यवस्‍थाया दथुइ ल्‍वापु जुयाच्‍वंगु जिं चा। थुकथं पापयागु व्‍यवस्‍थां जितः त्‍याकाः चिनातल।

रोमी 7:23 ပူးပေါင်းရင်းမြစ်များ

भजनसंग्रहया सफू 142:7

जितः कुनातःगु थासं त्‍वःतकादिसँ, अले जिं छिगु प्रशंसा याये फयेमा। धर्मीत जिगु प्‍यखें मुनी छाय्‌धाःसा छिं जिगु लागि भिंगु ज्‍या यानादीगु दु।

उपदेशक 7:20

संसारय् सुं नं धर्मीम्‍ह मनू मदु, गुम्‍हय्‌सिनं फुक्‍क ज्‍या पाय्‌छिकथं याइ अले गुबलें पाप याइ मखु।

रोमी 6:13

शरीरय् च्‍वंगु छुनं म्‍हब्‍वयात छिमिसं पापी ज्‍या यायेगु ज्‍याभः याये मते। सिनाः हानं म्‍वाके धुंकूपिं मनूत जूगुलिं छिपिं थथःम्‍ह हे परमेश्‍वरं धाःथें मानय् जुयाच्‍वनेमाः। अले छिमिगु शरीरया म्‍हब्‍वत भिंगु ज्‍याखँ यायेगु ज्‍याभःकथं परमेश्‍वरयात देछाया ब्‍यु।

रोमी 6:19

छिमिसं बांलाक थुइके थाकुइ धकाः जिं मनूतय्‌सं थें धयाच्‍वनागु खः। न्‍हापा छकः छिमिसं पापी ज्‍याखँ जक यायेगुलिं अप्‍वः मन तया जुइ धुंकू थें आः भिंगु ज्‍याखँय् अप्‍वः मन तया जु। आः पवित्र जुइत छिमिगु जीवन परमेश्‍वरया निंतिं लःल्‍हानाब्‍यु।

रोमी 7:14

व्‍यवस्‍था आत्‍मिक खः धकाः झीसं स्‍यू। जि धाःसा आत्‍मिक मखु अय्‌नं पापया ल्‍हातय् मियातःम्‍ह मनू जि हे खः।

रोमी 7:21

जिं भिंगु ज्‍या यायेत्‍यनाबलय् हे, मभिंगु ज्‍या याकिम्‍ह जिगु न्‍ह्यःने च्‍वंवइ धकाः जिं स्‍यू।

रोमी 7:25

झी प्रभु येशू ख्रीष्‍टयापाखें परमेश्‍वरयात सुभाय्। छाय्‌धाःसा जिगु मनं ला परमेश्‍वरयागु व्‍यवस्‍था हे मानय् याः। अय्‌नं जिगु म्‍हं धाःसा पापया दास जुयाः सेवा यानाच्‍वन।

रोमी 7:5

न्‍हापा झीपिं मनू स्‍वभाबया पापं जाःगु इच्‍छा कथं म्‍वाना च्‍वनापिं खः। उबलय् व्‍यवस्‍थां झीगु इच्‍छायात क्‍वत्‍यला तःगुलिं झीत पाप याकेबिल। थ्‍व फुक्‍क ज्‍या मृत्‍युयागु लँपु जक खः।

रोमी 8:2

आः ला झीत येशू ख्रीष्‍टपाखें न्‍हूगु जीवन बियादीम्‍ह परमेश्‍वरया आत्‍मां पाप व मृत्‍युयागु व्‍यवस्‍थां मुक्त यानादीगु दु।

गलाती 5:17

शरीरं ला पवित्र आत्‍माया विरोधय् व पवित्र आत्‍मां शरीरया विरोधय् इच्‍छा याइ। थुपिं निम्‍ह शत्रु थें खः, उकिं झीसं झीत यःथें याये फइ मखु।

हिब्रू 12:4

छिमिसं आः तकं पापलिसे हि बाः वय्‌क ल्‍वाये माःगु मदुनि।

याकूब 3:2

झी फुक्‍कसिनं अप्‍वः यानाः द्वंके यः। मद्वंकुसे नवाये फुम्‍ह मनू हे जक सिद्धम्‍ह जुइ। थज्‍याःम्‍ह मनुखं जक थःगु म्‍हयात लके हने फइ।

याकूब 4:1

छिमिगु दथुइ ल्‍वापुख्‍यापु गनं वल? मोजमज्‍जा यानाजुइगु बिचारं यानाः थथे जूगु मखु ला? थ्‍व इच्‍छा छिमिगु हे नुगलय् च्‍वंगु खः।

१ पत्रुस 2:11

यःपिं दाजुकिजापिं, थ्‍व संसारय् छिपिं कर्पिं व परदेशीत थें खः। अय्‌जूगुलिं आत्‍मानापं न्‍ह्याबलें ल्‍वाना च्‍वनीगु शरीरया इच्‍छापाखें तापाक च्‍वँ धकाः जिं छिमित बिन्‍ति यानाच्‍वनागु दु। झीत यःगु जक ज्‍याखँ यात धाःसा झीगु आत्‍मा पापय् लाइ।