रोमी 7:2 - नेवाः बाइबल

² बियाछ्वये धुंकूम्‍ह मिसाया भाःत मसीतले व मिसां भाःतयात त्‍वःते मज्‍यू धकाः व्‍यवस्‍थां धाःगु खँ मानय् याये हे माः। अय्‌नं भाःत सित धाःसा व्‍यवस्‍थां भाःतयात त्‍वःते मज्‍यू धकाः धाःगु आज्ञा मानय् याये म्‍वाः।

रोमी 7:2 ပူးပေါင်းရင်းမြစ်များ

रोमी 7:3

भाःत म्‍वानाच्‍वंबलय् हे मेम्‍ह मनूनापं ब्‍याहा याःसा वयात स्‍यंम्‍ह मिसा धकाः धाइ। भाःत सीधुंकाः व व्‍यवस्‍थापाखें मुक्त जुइ। मेम्‍हलिसे ब्‍याहा याःसां स्‍यंम्‍ह मिसा धकाः धाइ मखु।

रोमी 7:6

आः झीपिं व्‍यवस्‍थायागु अधीनय् च्‍वनेमाःगु मन्‍त। झीत चिनातःगु व्‍यवस्‍थाया निंतिं झीपिं सी धुन। अय्‌जूगुलिं न्‍हापा थें व्‍यवस्‍थाया अधीनय् च्‍वनेमाःगु मन्‍त, बरु आवंलि ख्रीष्‍टयागु आत्‍मां धाःथें झीसं परमेश्‍वरयागु सेवा यायेमाः।

१ कोरिन्‍थी 7:39

ब्‍याहा जुइ धुंकूम्‍ह मिसां थः भाःत दतले हानं ब्‍याहा याये मज्‍यू। भाःत सीधुंकाः धाःसा थःत यःम्‍ह मेम्‍ह मिजंनाप ब्‍याहा याःसां ज्‍यू। बरु विश्‍वासी नाप हे जक यायेमाः।

१ कोरिन्‍थी 7:4

मिसायागु म्‍हयागु अधिकार मिसायाके मदु, भाःतयाके दइ। अथे हे मिजंयागु म्‍हयागु अधिकार मिजंयाके मदु, वया कलाःयाके दइ।