रोमी 6:9 - नेवाः बाइबल

⁹ सिनाः हानं म्‍वानादी धुंकूम्‍ह ख्रीष्‍ट गुबलें हे सी मखुत धकाः झीसं स्‍यू। मृत्‍युं वय्‌कःयात गुबलें हे नं बुके फइ मखुत।

रोमी 6:9 ပူးပေါင်းရင်းမြစ်များ

रोमी 5:14

मनूतय्‌गु पाप आदमं आज्ञा मानय् मयासें याःगु पाप थें मखुसां आदमयागु पालंनिसें मोशायागु पालय् तक मनूत सी हे माल। आदम वइतिनिम्‍ह छम्‍ह मनू थें च्‍वंम्‍ह जक खः।

रोमी 6:10

फुक्‍कसिगु पापयागु निंतिं वय्‌कः छक्‍कलं सिनादिल। आः धाःसा वय्‌कः परमेश्‍वरया लागि हे म्‍वानादी।

रोमी 6:14

पापयागु अधीनय् छिपिं च्‍वनेमाली मखुत, छाय्‌धाःसा छिपिं व्‍यवस्‍थाया अधीनय् च्‍वनेमाःगु मन्‍त, बरु परमेश्‍वरयागु दया मायां म्‍वानाच्‍वंपिं खः।

रोमी 6:4

थुकथं झीसं बप्‍तिस्‍मा कयाबलय् झीपिं नं वय्‌कः थें तुं सी धुंकूगुलिं वय्‌कः नाप झीत नं थुने धुंकल। थथे सीधुंकाः ख्रीष्‍टयात परमेश्‍वर बाःयागु अजू चाइपुगु शक्तिं म्‍वाकादीगुलिं झीपिं नं न्‍हूगु जीवनया पहलं म्‍वानाच्‍वनेमा।

हिब्रू 7:16

वय्‌कः व्‍यवस्‍थाकथं पुजाहारी जुयादीगु मखु, बरु सदां दयाच्‍वनीगु जीवनयागु शक्तिं जुयादीगु खः।

हिब्रू 7:25

अय्‌जूगुलिं हे नं वय्‌कःयात विश्‍वास यानाः परमेश्‍वरया न्‍ह्यःने वइपिन्‍त वय्‌कलं आः हे सदांया निंतिं बचय् यानादी फु, छाय्‌धाःसा इमिगु निंतिं वय्‌कलं परमेश्‍वरयात न्‍ह्याबलें बिन्‍ति यानाच्‍वनादीगु दु।

प्रकाश 1:18

जि म्‍वाःम्‍ह खः। जि सी धुनाम्‍ह जूसां आः जि न्‍ह्याबलें म्‍वाना च्‍वनीम्‍ह खः। मृत्‍यु व नरकया ताःचा जिके दु।