रोमी 5:7 - नेवाः बाइबल

⁷ तसकं भिंम्‍ह मनूया लागि सुं नं मनू सीत बल्‍लतल्‍लं जक न्‍ह्यचिली। धात्‍थें धायेगु खःसा अज्‍याःपिं मनूत तसकं कम हे जक दइ।

रोमी 5:7 ပူးပေါင်းရင်းမြစ်များ

२ शमूएल 18:27

व पिवालं धाल, “स्‍वयादिसँ, व न्‍हापां ब्‍वाँय् वःम्‍ह ला सादोकया काय् अहीमास थें च्‍वं।” जुजुं धाल, “व छम्‍ह बांलाःम्‍ह हे मनू खः, भिंगु हे समाचार ज्‍वनाः वयाच्‍वंगु दु।”

२ शमूएल 18:3

तर मनूतय्‌सं धाल, “मखु, छसपोल झायादी म्‍वाः। छुं जुयाः जिपिं बिस्‍युं वये माःसा जिमित सुनानं वास्‍ता याइ मखु। जिपिं बच्‍छि हे सीसां नं इमिसं वास्‍ता याइ मखु। तर छसपोल ला जिपिं झिद्वःति हे ग्‍यं। अथे जुयाः छपिं शहरय् हे च्‍वनाः जिमित ग्‍वाहालि यानादीसा बांलाइ।”

भजनसंग्रहया सफू 112:5

नुगः चक्‍कंकाः त्‍यायेबीम्‍ह, व विश्‍वास यायेबहः जुयाः थःगु ज्‍या याइम्‍ह मनूया भिं जुइ।

मत्ती 13:15

छाय्‌धाःसा छिमिगु नुगः क्‍वय् धुंकल, न्‍हाय्‌पं ख्‍वातुइ धुंकल, अले छिमिसं मिखा तिस्‍सी धुंकल। मखुसा ला छिमिगु न्‍हाय्‌पनं ताये माःगु खः, मिखां खने माःगु खः, नुगलं ध्‍वाथुइका काये माःगु खः। छिपिं पापं लिचिलाः जिथाय् लिफः स्‍वया वये माःगु खः, अले जिं छिमित लाय्‌काबीगु खः।’

यूहन्‍ना 15:13

पासायागु निंतिं सीगु ति तःधंगु माया मेगु मदु।

प्रेरित 11:24

थ्‍व बारनाबास धाःम्‍ह तसकं भिंम्‍ह तःधंगु विश्‍वास दुम्‍ह व पवित्र आत्‍मां जाःम्‍ह मनू खः। वं यानाः तःम्‍हय्‌सिनं हे प्रभुयात विश्‍वास यात।

रोमी 16:4

जितः बचय् यायेत इपिं थःपिं हे झन्‍दलय् सीत्‍यंगु खः। जिं जक मखु, फुक्‍क जात जातियापिं मनूत दुगु मण्‍डलीं नं इमित सुवाः बियाच्‍वंगु दु।

रोमी 5:6

झीसं थःम्‍हं थःगु मुक्तिया लागि छुं याये मफुबलय् ख्रीष्‍ट पापीतय्‌गु निंतिं पाय्‌छि इलय् सिनादिल।

रोमी 5:8

तर झी पापी जुयाच्‍वंबलय् हे ख्रीष्‍ट झीगु पलेसाय् सिनादीगुलिं झीत परमेश्‍वरं माया यानादीगु दु धकाः सी दु।

१ यूहन्‍ना 3:16

थुकथं झीसं माया धयागु छु खः धकाः स्‍यू – झीगु निंतिं ख्रीष्‍ट सिनादिल, उकिं झीसं नं झी दाजुकिजापिनिगु निंतिं सीत तकं लिफः स्‍वये मज्‍यू।