रोमी 4:5 - नेवाः बाइबल

⁵ अय्‌नं ज्‍या यानाः कमय् मयासें पापीतय्‌त धर्मी ठहरय् यानादीम्‍ह परमेश्‍वरयात विश्‍वास याइम्‍हय्‌सिगु विश्‍वासं हे वयात धर्मी ठहरय् याइ।

रोमी 4:5 ပူးပေါင်းရင်းမြစ်များ

हबकूक 2:4

“स्‍व! व घमण्‍डी मनूयात! वयागु इच्‍छा हनेबहः मजू, तर धर्मीत धाःसा परमेश्‍वरयात याःगु इमिगु विश्‍वासं हे म्‍वाइ।

मर्कूस 9:23

अले वय्‌कलं धयादिल – “जिं याये फु धकाः छं विश्‍वास याःसा मजी माःगु छु दु धकाः? विश्‍वास याःपिन्‍त ला फुक्‍कं जुइ।”

यूहन्‍ना 5:24

“जिं छिमित खःगु खँ धाये – जिगु खँ न्‍यनाः जितः छ्वया हःम्‍हय्‌सित सुनां विश्‍वास याइ, वयात अनन्‍त जीवन दइ। थज्‍याःम्‍ह मनूयागु न्‍याय जुइ मखु, बरु सीम्‍वाय्‌क अनन्‍त जीवन दये धुंकी।”

यूहन्‍ना 6:29

वय्‌कलं लिसः बियादिल – “परमेश्‍वरं छ्वया हःम्‍हय्‌सित छिकपिन्‍सं विश्‍वास यायेगु हे परमेश्‍वरयागु ज्‍या खः।”

रोमी 10:3

परमेश्‍वरयागु धार्मिकतायात थुइके सीके मफुगुलिं इमिसं थःपिनिगु हे धार्मिकतायात दय्‌केत स्‍वल। अय्‌जूगुलिं इपिं परमेश्‍वरयागु धार्मिकताया अधीनय् मच्‍वं।

रोमी 3:22

येशू ख्रीष्‍टयात विश्‍वास याक्‍वसित परमेश्‍वरं धर्मी ठहरय् यानादी, छाय्‌धाःसा वय्‌कलं यहूदी व यहूदीमखुपिं धकाः पाकादी मखु।

रोमी 4:24

झी प्रभु येशू सी धुंकूसां हानं म्‍वाका दीम्‍हय्‌सित विश्‍वास यानाच्‍वनागुलिं झीत नं धर्मी ठहरय् यानादी।

रोमी 4:3

धर्मशास्‍त्रय् नं थथे च्‍वयातःगु दु – “अब्राहामं परमप्रभुयात विश्‍वास यात। अले वय्‌कलं वयात धार्मिक मनूया ल्‍याखय् तयादिल।”

रोमी 4:6

दाऊद जुजुं नं थथे धर्मकर्म मयासें परमेश्‍वरं धर्मी ठहरय् याःम्‍ह मनूयात धन्‍यपिं खः धयादिल –

फिलिप्‍पी 3:9

व्‍यवस्‍थां धाःथें यानाजुयागुलिं जि धर्मी ठहरय् जूगु मखु बरु येशू ख्रीष्‍टयात विश्‍वास यानागुलिं परमेश्‍वरं हे जितः धर्मी ठहरय् यानादीगु खः।

यहोशू 24:2

अले यहोशूं सकसितं धाल, “परमप्रभु इस्राएलया परमेश्‍वरं धयादी, ‘यक्‍व दँ न्‍हापा छिमि पुर्खा यूफ्रेटिस खुसियागु पारि च्‍वनीगु खः। इमिसं मेपिं द्यःतय्‌त पुजा याइगु खः। उपिं पुर्खा मध्‍ये छम्‍ह अब्राहाम व नाहोरया बौ तेरह खः।