रोमी 4:1 - नेवाः बाइबल

¹ अथे खःसा झी तापाःबाज्‍या अब्राहामया बारे छु धायेगु? वयात छु दत?

रोमी 4:1 ပူးပေါင်းရင်းမြစ်များ

यशैया 51:2

छिमि पुर्खा अब्राहाम व छिमिगु फुक्‍क जातियात बुइकूम्‍ह सारायात स्‍व। जिं सःताबलय् अब्राहाम छम्‍ह जक दु, अले जिं वयात आशिष बियाः वयात यक्‍व दय्‌काबिया।

मत्ती 3:9

‘अब्राहाम हे जिमि बाः खः, उकिं जिमित छुं नं जुइ मखु’ धकाः धयाजुइ मते, छाय्‌धाःसा जिं छिमित धाये – परमेश्‍वरं अब्राहामया निंतिं थुपिं ल्‍वहँतं नं मस्‍त दय्‌कादी फु।

लूका 3:8

पश्‍चाताप याःथें छिमिसं थःगु चालचलन नं अथे हे या। ‘अब्राहाम हे जिमि तापाःबाज्‍या खः, थथे जिमित छुं नं जुइ मखु’ धकाः छिपिं हाला जुइ मते, छाय्‌धाःसा जिं छिमित धाये – परमेश्‍वरं अब्राहामया निंतिं ल्‍वहँतं नं मस्‍त दय्‌कादी फु।

यूहन्‍ना 8:33

इमिसं वय्‌कःयात लिसः बिल – “जिपिं अब्राहामया सन्‍तान खः, जिपिं आः तक सुयां दास मजुयानि। छं गुकथं जिमित ‘छिपिं स्‍वतन्‍त्र जुइ’ धकाः धयागु?”

यूहन्‍ना 8:53

सी धुंकूम्‍ह तापाःबाज्‍या अब्राहाम स्‍वयाः नं छ तःधं ला कि छु? अगमवक्तात ला सिनावन धाःसा छं थःत सु ताय्‌का च्‍वना?”

यूहन्‍ना 8:56

जि वइगु ई स्‍वयेत छिकपिनि तापाःबाज्‍या अब्राहामं तसकं इच्‍छा याःगु खः, अले खनाः तसकं लय्‌ताल।”

प्रेरित 13:26

“दाजुकिजापिं, अब्राहामया सन्‍तान जूसां वा परमेश्‍वरयात मानय् याइपिं यहूदीमखुपिं जूसां थ्‍व मुक्तियागु खँ परमेश्‍वरं झी फुक्‍कसितं छ्वयाहयादीगु खः।

रोमी 1:3

थ्‍व भिंगु खँ वय्‌कःया काय् झी प्रभु येशू ख्रीष्‍टया बारे खः। वय्‌कःया काय् दाऊदया सन्‍तानपाखें मनू जुयाः झायादिल।

रोमी 3:5

झीसं यानागु मभिंगु ज्‍यां परमेश्‍वरया धार्मिकता झन सीदत धाःसा झीसं छु धायेगु? परमेश्‍वरं तंचायाः झीत सजाँय बियादीवं परमेश्‍वर मभिंम्‍ह जुइ ला? (थ्‍व खँ जिं मनूतय्‌सं थें धयाच्‍वनागु दु।)

रोमी 4:16

थथे जूगुलिं हे वयागु विश्‍वासं यानाः परमेश्‍वरं नं व नाप बाचा चिनादीगु खः। अले परमेश्‍वरं दया माया यानादीगुलिं व नाप बाचा चिनादीगु खँ वया फुक्‍क सन्‍तानया लागि पक्‍का जुल। व्‍यवस्‍था मानय् याना च्‍वंपिनिगु लागि जक मखु, अब्राहामं थें विश्‍वास याना च्‍वंपिनिगु लागि नं, छाय्‌धाःसा झी फुक्‍कसियां तापाःबाज्‍या ला अब्राहाम हे खः।

रोमी 6:1

थथे खः धयागु जूसा आः झीसं छु धायेगु लय्? परमेश्‍वरं झीत दया माया अप्‍वः यायेमा धकाः छु झीसं पाप याना हे च्‍वनेगु ला?

रोमी 7:7

अय्‌सा झीसं आः छु धायेगु? छु व्‍यवस्‍था पाप खः ला? थ्‍व ला जुइ हे फइ मखु। अय्‌नं व्‍यवस्‍था मदुगु जूसा जिं पाप म्‍हसीके फइ मखुगु। व्‍यवस्‍थायागु सफुलिइ “छं लोभ याये मते” धकाः च्‍वयामतःगु जूसा जिं लोभ छु खः धयागु हे सी मखुगु।

रोमी 8:31

आः थ्‍व खँयात झीसं छु धायेगु? परमेश्‍वर झीनाप दीसा झीनाप ल्‍वाइपिं सु?

२ कोरिन्‍थी 11:22

इपिं हिब्रू खःसा, जि नं हिब्रू खः। इपिं इस्राएली खःसा, जि नं इस्राएली खः। इपिं अब्राहामया सन्‍तान खःसा, जि नं अब्राहामया सन्‍तान खः।

हिब्रू 12:9

झीत बुइका तःम्‍ह अबुं न्‍वाःथें झीपिं च्‍वना, उकिं झीसं वय्‌कःयात मानय् याना। छु झीसं झीत आत्‍माय् बुइकादीम्‍ह बाःयागु खँ झन अप्‍वः न्‍यने म्‍वाः ला?