रोमी 3:9 - नेवाः बाइबल

⁹ अय्‌सा यहूदीत जुल धकाः झीपिं मेपिं मनूत स्‍वयाः भिं जुल ला? मखु, झीपिं नं भिंपिं मखु। यहूदीत व यहूदीमखुपिं नं फुक्‍कं पापयागु पन्‍जाय् लानाच्‍वंगु दु धकाः ला दोष बी हे धुन।

रोमी 3:9 ပူးပေါင်းရင်းမြစ်များ

हितोपदेश 20:9

सुनां धायेफु, “जिगु थःगु नुगः यचु, अले जिं थःगु पाप हुयाछ्वये धुन” धकाः?

यशैया 65:5

अले इमिसं थवंथः धाइ, ‘छिपिं तापाक्‍क हुँ, जिगु न्‍ह्यःने वये मते छाय्‌धाःसा जि छंगु निंतिं तच्‍वकं पवित्रम्‍ह खः।’ थज्‍याःपिं मनूत ला जिगु निंतिं न्‍हाय्‌या कुँ थें व न्‍हिच्‍छि च्‍यानाच्‍वंगु मि थें खः।

लूका 7:39

थ्‍व खनाः भ्‍वय् सःतूम्‍ह फरिसीं मनं मनं थथे खँ वाय्‌कल – “थ्‍व मनू अगमवक्ता खःसा ला वयात थिया च्‍वंम्‍ह मिसा सु खः, अले गज्‍याःम्‍ह खः धकाः सीके फयेमाःगु खः, छाय्‌धाःसा थ्‍व मिसा ला छम्‍ह पापीनी खः।”

रोमी 1:18

मभिंगु बांमलाःगु ज्‍याखँ जक यानाः सत्‍ययात त्‍वपुया छ्वयेत स्‍वइपिं मनूत खनाः स्‍वर्गय् च्‍वंम्‍ह परमेश्‍वर तंम्‍वय्‌कादीगु दु धकाः फुक्‍क मनूतय्‌त सीकादिल।

रोमी 11:32

वय्‌कलं फुक्‍क मनूतय्‌त हे दया माया यायेत इमित आज्ञा मानय् मयाइपिं यानादिल।

रोमी 11:7

अले छु जुल लय्? इस्राएलीतय्‌सं छु कायेत कुतः यानाच्‍वंगु खः व काये मफुत। ल्‍यया तःपिन्‍सं धाःसा काये खन। मेपिन्‍सं परमेश्‍वरया खँ मन्‍यंसे अतेरि जुयाच्‍वन।

रोमी 2:1

कर्पिनिगु निन्‍दा जक याइपिं छिमिसं छुं हे त्‍वहः तय्‌थाय् मदु, छाय्‌धाःसा गुगु दोष छिमिसं मेपिन्‍त बी, व हे दोष छिमिके नं दु, छाय्‌धाःसा छिमिसं नं व हे ज्‍या यानाच्‍वंगु दु।

रोमी 3:1

थथे खः धयागु जूसा यहूदीत जुइवं तुं छु फाइदा दतलय्? म्‍हय् चिं तःगु छु ज्‍यालगय् जुल?

रोमी 3:19

आः झीसं थ्‍व खँ सिल, व्‍यवस्‍थाय् च्‍वया तक्‍व फुक्‍कं व्‍यवस्‍था पालन याःम्‍हय्‌सित जक धयातःगु खः। अय्‌जूगुलिं सुनानं छुं धाय्‌थाय् मदु। जिं हानं धाये – संसारयापिं फुक्‍क मनूत परमेश्‍वरया न्‍ह्यःने दोषी ठहरय् जुइ धुंकल।

रोमी 3:5

झीसं यानागु मभिंगु ज्‍यां परमेश्‍वरया धार्मिकता झन सीदत धाःसा झीसं छु धायेगु? परमेश्‍वरं तंचायाः झीत सजाँय बियादीवं परमेश्‍वर मभिंम्‍ह जुइ ला? (थ्‍व खँ जिं मनूतय्‌सं थें धयाच्‍वनागु दु।)

रोमी 6:15

थथे खः धयागु जूसा आः छु यायेगु लय्? झीत परमेश्‍वरं दया माया यानादीगुलिं झीपिं व्‍यवस्‍थां धाःथें च्‍वनेम्‍वाः धकाः झीसं पाप यानाजुइगु ला? अहं, थथे ला ख हे मखु।

रोमी 7:14

व्‍यवस्‍था आत्‍मिक खः धकाः झीसं स्‍यू। जि धाःसा आत्‍मिक मखु अय्‌नं पापया ल्‍हातय् मियातःम्‍ह मनू जि हे खः।

१ कोरिन्‍थी 10:19

जिं छु धयाच्‍वनागु दु? मूर्ति नं छुं मखु, अले थ्‍वयात छायेहःगु प्रसाद नं छुं मखु।

१ कोरिन्‍थी 14:15

अय्‌जूसा जिं छु यायेगु लय्? जिं प्रार्थना यायेबलय् जिगु आत्‍मां नं जिगु मनं नं यायेमाः। अथे हे म्‍ये हालेबलय् जिगु आत्‍मां नं जिगु मनं नं हालेमाः।

१ कोरिन्‍थी 4:7

छिमित सुनां मेपिं स्‍वयाः तःधं याना तल? छिमिके दुगु फुक्‍कं परमेश्‍वरं हे बियादीगु मखु ला? फुक्‍कं अथे बियातःगु जूसां ब्‍यूगु हे मखु थें यानाः छाय् छिपिं तःधंछुया जुइगु?

गलाती 3:10

व्‍यवस्‍थाय् जक भलसा तया च्‍वंपिं मनूत सराः फयाच्‍वंपिं खः। थ्‍व हे खँ धर्मशास्‍त्रय् थथे च्‍वयातःगु दु – “व्‍यवस्‍थाय् च्‍वयातःगु फुक्‍कं सदां मानय् यानाच्‍वने मफुपिं मनूतय्‌सं सराः फयेमाली।”

गलाती 3:22

येशू ख्रीष्‍टयात विश्‍वास याक्‍वसित परमेश्‍वरं बियादी धकाः धयादीगु मुक्ति काये फयेमा धकाः धर्मशास्‍त्रं संसारय् च्‍वंपिं फुक्‍कसितं पापय् लाकातःगु दु।

फिलिप्‍पी 1:18

थथे न्‍ह्याम्‍हय्‌सिनं न्‍ह्यागुकथं न्‍यंका जूसां जि लय्‌ताः, छाय्‌धाःसा भिंगु मतिइ तयाः याःसां मभिंगु मतिइ तयाः याःसां ख्रीष्‍टयागु हे खँ न्‍यनावनी।