रोमी 3:6 - नेवाः बाइबल

⁶ थथे जुइ फइ मखु। थथे खःसा परमेश्‍वरं संसारयात गथे यानाः न्‍याय यानादी?

रोमी 3:6 ပူးပေါင်းရင်းမြစ်များ

उत्‍पत्ति 18:25

छिं मभिंपिं मनूतलिसें भिंपिं मनूतय्‌त नं स्‍यानादी मखु। थथे जुल धाःसा ला भिंपिन्‍सं नं मभिंपिन्‍सं थें हे सजाँय फये मालिगु जुल। संसारया न्‍याय याइम्‍हय्‌सिनं खःकथं न्‍याय यानामदी ला?”

अय्‍यूब 8:3

छु परमेश्‍वरं न्‍याययात स्‍यंकादी ला? छु दक्‍व शक्ति दुम्‍ह परमेश्‍वरं धार्मिकतायात स्‍यंकादी ला?

भजनसंग्रहया सफू 50:6

परमेश्‍वर थः हे न्‍यायाधीश खः। आकाशयात वय्‌कःया धार्मिकता घोषणा याकेब्‍यु! सेला

भजनसंग्रहया सफू 9:8

वय्‌कलं ख्‍वाः स्‍वयाः न्‍याय यानादी मखु। वय्‌कलं पक्षपात मजुइक मनूतय्‌त शासन यानादी।

भजनसंग्रहया सफू 96:13

परमप्रभु पृथ्‍वीइ राज्‍य यायेत झाइबलय् वय्‌कलं न्‍याय व धार्मिकताकथं संसारयापिं मनूतय्‌त राज्‍य यानादी।

भजनसंग्रहया सफू 98:9

थ्‍व परमप्रभुया न्‍ह्यःने जुइमा। छाय्‌धाःसा वय्‌कः पृथ्‍वीइ राज्‍य यायेत झायादीत्‍यंगु दु। वय्‌कलं धार्मिकतां सुयागु पँ मलीसें संसारयापिं मनूतय्‌गु न्‍याय यानादी।

लूका 20:16

वं इमित स्‍यानाछ्वइ, अले व क्‍यब मेपिन्‍त हे ज्‍याके बी।” थ्‍व न्‍यनाः अन च्‍वंपिन्‍सं धाल – “थथे गुबलें मजुइमा।”

प्रेरित 17:31

वय्‌कलं थ्‍व संसारय् च्‍वंपिं मनूतय्‌त न्‍याय यायेगु दिं नं क्‍वःछिना तयादी धुंकल। ख्‍वाः स्‍वयाः न्‍याय मयाइम्‍ह छम्‍ह मनूयात नं वय्‌कलं ल्‍यया तयादी धुंकल। वय्‌कलं थ्‍व खँया दसु सी धुंकूम्‍हय्‌सित म्‍वाकाः क्‍यनादी धुंकल।”

रोमी 2:16

परमेश्‍वरं न्‍याय यानादीबलय् वय्‌कलं फुक्‍क मनूतय्‌त जिं न्‍यंकाच्‍वनागु भिंगु खँय् च्‍वया तः थें ख्रीष्‍ट येशूपाखें फुक्‍क मनूतय्‌गु मनय् दुने च्‍वंगु खँया न्‍याय यानादी।

रोमी 3:31

छु थ्‍व विश्‍वासं यानाः व्‍यवस्‍था ज्‍यालगय् मजुल ला? अहं, अथे मखु, बरु झीसं ला व्‍यवस्‍थायात झन जक बांलाक मानय् यानाच्‍वनागु जुइ।

रोमी 3:4

गुबलें नं जुइ फइ मखु। फुक्‍क मनूत फताहा जूसां परमेश्‍वर सत्‍यम्‍ह हे जुयादी धकाः थथे धर्मशास्‍त्रय् नं च्‍वयातःगु दु – “छिं जिगु न्‍याय यानादीगु पाय्‌छि जू अले जितः दोषी ठहरय् यानादीगु पाय्‌छि ताय्‌के।”