रोमी 3:3 - नेवाः बाइबल

³ इपिं मध्‍ये सुं यहूदीतय्‌सं विश्‍वास मयात धायेवं छु जुल धकाः? छु इमिसं विश्‍वास मयात धायेवं परमेश्‍वर विश्‍वास यायेबहः मजूम्‍ह जुइ ला?

रोमी 3:3 ပူးပေါင်းရင်းမြစ်များ

भजनसंग्रहया सफू 84:7

इपिं लँय् वनाच्‍वनीबलय् झन बल्‍लाइ, अले सियोन पर्वतय् परमेश्‍वरया न्‍ह्यःने खनेदय्‌कः वइ।

यशैया 55:11

जिगु म्‍हुतुं पिहां वःगु वचन अथे हे जुइ। व सितिकं जिथाय् लिहां वइ मखु, तर उकिं जिं मतिइ तयागु ज्‍या पूवंके, अले छु ज्‍याया निंतिं जिं वयात छ्वयाहयागु खः, उकी व ताःलाइ।

गन्‍ती 23:19

परमेश्‍वर मनू थें मखु, मखुगु खँ ल्‍हायेत, वय्‌कः मनू मखु, थःगु मन हिलेत। वय्‌कलं धयादीगु खँ गुबलें मजूगु दु ला? वय्‌कलं बचं बियाः छु व पूवंकामदी ला?

मत्ती 24:35

आकाश व पृथ्‍वी मदयावनी, अय्‌नं जिगु वचन मदयावनी मखु।

यूहन्‍ना 1:16

वय्‌कःयागु गुबलें मसुइगु दया मायायागु धुकुतिं झीसं यक्‍व दया माया काये खंगु दु।

रोमी 10:16

अय्‌नं यहूदीत फुक्‍कसिनं भिंगु खँय् न्‍हाय्‌पं मब्‍यूनि। थ्‍व हे खँ यशैयां नं च्‍वया थकल – “प्रभु, जिमिसं न्‍यंकागु खँय् सुनां विश्‍वास याःगु दु?”

रोमी 11:29

छाय्‌धाःसा वय्‌कलं ल्‍यय् धुंकूपिन्‍त त्‍वःतादी मखु, अले बियादी धुंकूगु वरदान लित कयादी मखु।

रोमी 9:6

यहूदी जातयापिन्‍सं थौं तकं ख्रीष्‍टयात विश्‍वास मयाःसां परमेश्‍वरं बाचा चिनाः धयादीगु वचन सितिं वंगु जुइ मखु। छाय्‌धाःसा यहूदी जातय् बूपिं सकलें परमेश्‍वरया मनूत मखु।

२ कोरिन्‍थी 3:18

थुकथं झीगु ख्‍वाः उलातःगुलिं प्रभुयागु जलं झल झल थिनाच्‍वंगु दु। प्रभुयागु जलं झीपिं नं न्‍हियान्‍हिथं प्रभु थें जुइत छगू जलं मेगु जलय् हिला वनाच्‍वनागु दु।

२ थेसलोनिकी 1:3

छिमिगु विश्‍वास यक्‍व अप्‍वयावनाच्‍वंगु दु, अले छिमिसं थःथवय् माया यायेगु नं अप्‍वय्‌का हयाच्‍वंगु दु। थुकिया निंतिं परमेश्‍वरयात सुभाय् मब्‍यूसे मगाः।

२ तिमोथी 2:13

झीपिं विश्‍वासी मजूसां वय्‌कः विश्‍वासी हे जुयाच्‍वनी, छाय्‌धाःसा वय्‌कलं थःम्‍हं थःत विश्‍वास यायेगु त्‍वःते फइ मखु।”

हिब्रू 4:2

तापाःबाज्‍यापिन्‍सं थें झीसं नं भिंगु खँ न्‍यना तयागु दु। भिंगु खँ न्‍यंसां इमित थुकिं छुं नं भिं मजुल, छाय्‌धाःसा इमिसं न्‍यंगु खँयात विश्‍वास मयाः।

१ शमूएल 15:29

परमप्रभु, इस्राएलया गौरव खः, वय्‌कलं मखुगु खँ ल्‍हानादी मखु, अले थःगु मन हीकादी मखु। थःगु मन हीकादीत वय्‌कः मनू मखु।”