रोमी 3:1 - नेवाः बाइबल

¹ थथे खः धयागु जूसा यहूदीत जुइवं तुं छु फाइदा दतलय्? म्‍हय् चिं तःगु छु ज्‍यालगय् जुल?

रोमी 3:1 ပူးပေါင်းရင်းမြစ်များ

उत्‍पत्ति 25:32

एसावं धाल, “जि नयेपित्‍यानाः सीन, उकिं जितः थ्‍व अधिकार छु यायेत?”

भजनसंग्रहया सफू 147:20

मेगु छुं जातियात वय्‌कलं थथे यानादीगु मदु, वय्‌कःया नियम इमिसं मस्‍यू। हल्‍लेलूयाह!

उपदेशक 6:11

गुलि अप्‍वः खँ जुइ उलि हे उकिया अर्थ कम जुइ। उकिं सुयातं छु फाइदा जुइ?

उपदेशक 6:8

बुद्धि दुम्‍ह मनूयात मूर्खपाखें छु फाइदा दइ? मेपिं मनूतनापं थःम्‍हं गुकथं व्‍यवहार यायेमाः धकाः सियाः चीमिम्‍ह मनूयात छु फाइदा जुइ?

मलाकी 3:14

“छिमिसं धाःगु दु, ‘परमेश्‍वरया सेवा यायेगु सितिं वंगु ज्‍या खः। अले वय्‌कःयागु आज्ञायात मानय् यानाः व दक्‍व शक्ति दुम्‍ह परमप्रभुया न्‍ह्यःने दुखं च्‍वंपिं थें जुयाः झीत छु फाइदा जुल?

यूहन्‍ना 4:22

छिपिं सामरियाय् च्‍वंपिन्‍सं म्‍हमस्‍यूम्‍हय्‌सित आराधना याइ। तर जिमिसं सुयागु आराधना यानाच्‍वना वय्‌कःयात जिमिसं बांलाक हे म्‍हस्‍यू, छाय्‌धाःसा मुक्ति ला यहूदीतय्‌पाखें वइ।

रोमी 3:2

न्‍ह्याखें नं इमित फाइदाया फाइदा जक दु। दकलय् न्‍हापालाक यहूदीतय्‌त हे परमेश्‍वरयागु वचन लः ल्‍हानातःगु खः।

रोमी 3:9

अय्‌सा यहूदीत जुल धकाः झीपिं मेपिं मनूत स्‍वयाः भिं जुल ला? मखु, झीपिं नं भिंपिं मखु। यहूदीत व यहूदीमखुपिं नं फुक्‍कं पापयागु पन्‍जाय् लानाच्‍वंगु दु धकाः ला दोष बी हे धुन।

१ कोरिन्‍थी 15:32

मनूया बिचाःकथं एफिससय् पशुनाप ल्‍वाःगु जूसा जितः छु फाइदा? सीपिन्‍त म्‍वाकी मखुगु जूसा मनूतय्‌सं धाःथें – “कन्‍हय् ला झी सि हे सी, उकिं नयाःत्‍वनाः मोजमज्‍जा याना जूसां जिल नि।”

हिब्रू 13:9

थीथी कथंया अजू चायापुगु स्‍यनातःगु खं छिमित मखुगु लँय् यंके मफयेमा। नयेत्‍वनेगुलिं मखु, बरु परमेश्‍वरयागु दया मायां थःगु मनयात बल्‍लाकि, छाय्‌धाःसा नयेत्‍वनेगुलिइ जक जुयाच्‍वंपिन्‍त गुब्‍सं भिं जूगु मदु।