रोमी 2:9 - नेवाः बाइबल

⁹ मभिंगु ज्‍याखँ यानाजुइपिं सकलें मनूतय्‌त दकलय् न्‍हापालाक यहूदीतय्‌त अले यहूदीमखुपिन्‍त आपत व सह याये मफय्‌क दुःखकष्‍ट बियादी।

रोमी 2:9 ပူးပေါင်းရင်းမြစ်များ

२ इतिहास 6:23

छिं स्‍वर्गं न्‍यनाः वकथं हे यानादिसँ। थः दासतय्‌गु दथुइ न्‍याय यानादिसँ। द्वं याःम्‍ह मनूयात पाय्‌छिगु सजाँय बियादिसँ। द्वंमयाःम्‍हय्‌सित त्‍वःतकादिसँ।

भजनसंग्रहया सफू 32:10

दुष्‍टतय्‌सं यक्‍व दुःखकष्‍ट फयेमाली, परमप्रभुयात विश्‍वास याइपिन्‍त धाःसा सदां दयाच्‍वनीगु दया माया दइ।

हितोपदेश 11:23

धर्मीतय्‌सं मनंतुनिगु न्‍ह्याबलें भिंगु हे जुइ, दुष्‍टतय्‌सं याइगु आशा न्‍ह्याबलें तंमय्‌ क्‍वचाइ।

इजकिएल 18:4

छाय्‌धाःसा फुक्‍क प्राण जिगु हे खः। गथे बौया प्राण अथे हे काय्‌या प्राण नं जिगु खः। सुनां पाप याइ, व हे सी।

इजकिएल 22:31

उकिं जिं इमिके जिगु तंया मि प्‍वंकाः इमित भस्‍म याये। इमिसं याःगु फुक्‍क ज्‍या इमिगु हे छेनय् हयाबी, परमप्रभु परमेश्‍वरं धयादी।”

आमोस 3:2

“पृथ्‍वीइ च्‍वंपिं फुक्‍क परिवारतय्‌गु दथुइ जिं छिमित जक ल्‍ययागु दु। अथे जुयाः छिमिगु दक्‍व पाप व अधर्मया निंतिं जिं छिमित सजाँय बी।”

मत्ती 16:26

सारा संसार हे ल्‍हातय् दयाः नं व मनू सिनावन धाःसा वयात छु दइ? वं हानं थःगु प्राण छुकिं लिफ्‍याना काइ?

लूका 24:47

अले ख्रीष्‍टयागु हे नामं पश्‍चाताप यानाः पाप क्षमा जुइगु खँ यरूशलेमंनिसें फुक्‍क संसारय् न्‍यंकेमाः।

प्रेरित 11:18

इमिसं फुक्‍क खँ न्‍यने धुंकाः पत्रुसयात ब्‍वःबीगु त्‍वःताः थथे धकाः परमेश्‍वरयात तःधंकल – “अय्‌सा परमेश्‍वरं यहूदीमखुपिन्‍त नं पश्‍चाताप याकाः म्‍वाकादिल खनी।”

प्रेरित 13:26

“दाजुकिजापिं, अब्राहामया सन्‍तान जूसां वा परमेश्‍वरयात मानय् याइपिं यहूदीमखुपिं जूसां थ्‍व मुक्तियागु खँ परमेश्‍वरं झी फुक्‍कसितं छ्वयाहयादीगु खः।

प्रेरित 20:21

जिं यहूदीतय्‌त व यहूदीमखुपिन्‍त पश्‍चाताप यानाः परमेश्‍वरयाथाय् लिहां वयेत व झी प्रभु येशू ख्रीष्‍टयात विश्‍वास यायेत न्‍यंका जुया।

प्रेरित 26:20

जिं थ्‍व खँ दकलय् न्‍हापालाक दमस्‍कसय् च्‍वंपिन्‍त न्‍यंका। अले यरूशलेम व यहूदियाय् न्‍यंकं व यहूदीमखुपिन्‍त नं थथःगु पापं लिचिलाः परमेश्‍वरयाथाय् लिफः स्‍वयाः वा धकाः न्‍यंका। अले थःम्‍हं पश्‍चाताप यानागु ज्‍यां नं क्‍यँ धकाः नं धया।

प्रेरित 28:17

स्‍वन्‍हु लिपा पावलं यहूदीतय् थकालिपिन्‍त सःतके छ्वल। अले इपिं मुने धुंकाः पावलं थथे धाल – “दाजुकिजापिं, स्‍वयादिसँ, जिं झी मनूतय्‌त व झी तापाःबाज्‍यापिनि पालय् निसें यानाच्‍वंगु थितिकुतियात स्‍यंकाः छुं नं यानागु मदु। अय्‌सां यहूदी दाजुकिजापिन्‍सं जितः यरूशलेमंनिसें कुनाः रोमीतय्‌गु ल्‍हातय् लःल्‍हाना बियाहल।

प्रेरित 28:28

“अले पावलं नं थथे धाल – परमेश्‍वरं थ्‍व मुक्ति यहूदीमखुपिन्‍त बियादीगु दु धकाः छिकपिन्‍सं सीकि, अले इमिसं न्‍यनाः विश्‍वास याइ।”

प्रेरित 3:26

परमेश्‍वरं सी धुंकूम्‍ह थःकाय्‌यात हानं म्‍वाकाः न्‍हापालाक छिकपिन्‍थाय् छ्वयाहयादिल। छिकपिन्‍त पापया ज्‍यां लिचिकाः आशिष बीत थथे यानादीगु खः।”

रोमी 1:16

थथे जूगुलिं भिंगु खँ न्‍यंकेत जि मछाः मजू। छाय्‌धाःसा विश्‍वास याइपिं फुक्‍कसितं, न्‍हापालाक यहूदीतय्‌त अले यहूदीमखुपिन्‍त नं उद्धार बीत थ्‍व भिंगु खँ परमेश्‍वरयागु शक्ति खः।

रोमी 10:12

वय्‌कःयात विश्‍वास याइपिन्‍त यहूदीत व यहूदीमखुपिं धकाः पाकी मखु, छाय्‌धाःसा वय्‌कः सकसियां प्रभु खः। अले थ्‍व हे प्रभुं वय्‌कःयागु नां काक्‍वसित यक्‍व आशिष बियादी।

रोमी 2:10

अथे हे दकलय् न्‍हापालाक भिंगु ज्‍याखँ यानाजुइपिं यहूदीतय्‌त, अले यहूदीमखुपिन्‍त सदां दइगु मान, इज्‍जत व शान्‍ति बियादी।

रोमी 8:35

ख्रीष्‍टयागु मायां झीत सुनां फाये फइ? छु झीत दुःखकष्‍ट जुल धकाः, म्‍वाय् थाकुल धकाः, सास्‍ती बिल धकाः, नये मखन धकाः, पुनेगु मन्‍त धकाः, ग्‍यानपुगु वल धकाः, अले तरवारं पाली धकाः झीसं ख्रीष्‍टयात त्‍वःते जिल ला?

रोमी 9:24

थथे सःतेत ल्‍ययातःपिं झीपिं हे खः। यहूदीत जक मखु, यहूदीमखुपिन्‍त नं वय्‌कलं सःतादिल।

गलाती 3:28

अय्‌जूगुलिं आः यहूदीत व यहूदीमखुपिं छु हे मपात। दास व दासमखुपिं, अले मिजं व मिसा नं मपात। येशू ख्रीष्‍टयात विश्‍वास याःगुलिं छिपिं फुक्‍कं छम्‍ह हे जुल।

कलस्‍सी 3:11

यहूदीमखुपिं जुइमा, यहूदी जुइमा, म्‍हय् चिं तःपिं जुइमा, मतःपिं जुइमा, सःस्‍यूपिं जुइमा, छुं मस्‍यूपिं जुइमा, अले दास जुइमा, दासमखुपिं जुइमा, फुक्‍कं उथें खः। सकसिकें ख्रीष्‍ट दी। ख्रीष्‍ट हे फुक्‍कं खः।

२ थेसलोनिकी 1:6

छिमित दुःखकष्‍ट ब्‍यूपिन्‍त वय्‌कलं दुःखकष्‍ट बियादी। परमेश्‍वर न्‍याय यानादीम्‍ह खः।

१ पत्रुस 4:17

परमेश्‍वरं याकनं न्‍याय यानादी। दकलय् न्‍हापा परमेश्‍वरया मनूतय्‌त न्‍याय यानादी। थथे न्‍हापा झीत हे न्‍याय यानादी धाःसा भिंगु खँ मन्‍यंपिन्‍त झन गज्‍याःगु न्‍याय यानादीगु जुइ?