रोमी 2:6 - नेवाः बाइबल

⁶ मनूतय्‌सं गथे गथे यात अथे अथे हे वय्‌कलं न्‍याय यानादी।

रोमी 2:6 ပူးပေါင်းရင်းမြစ်များ

अय्‍यूब 34:11

छाय्‌धाःसा वय्‌कलं ला मनूयात वयागु ज्‍या स्‍वयाः फल बियादी, वयागु पहःचहःकथं फल बियादी।

भजनसंग्रहया सफू 62:12

सदां दयाच्‍वनीगु माया नं जिगु हे खः।” हे परमप्रभु छिं मनूतय्‌गु ज्‍या स्‍वयाः सिरपाः बियादी।

प्रस्‍थान 32:34

हुँ, जिं छन्‍त धयागु देशय् मनूतय्‌त ब्‍वनायंकि। जिम्‍ह दूत छंगु न्‍ह्यः न्‍ह्यः वनी। अथेजूसां जिं सजाँय बीगु ई वइबलय् इमित पापया सजाँय बी।”

हितोपदेश 24:12

“थ्‍व जिगु ज्‍या मखु” धकाः लिज्‍याये मते। परमेश्‍वरं सकसिगुं नुगःया खँ स्‍यू, अले वय्‌कलं छिमित नं स्‍वयाच्‍वनादीगु दु। वय्‌कलं छिमिगु नुगलय् छु दु धकाः स्‍यू। वय्‌कलं सुनां छु छु याःगु दु, व हे कथं लिच्‍वः बियादी।

हितोपदेश 24:2

छाय्‌धाःसा इमिगु नुगलय् ल्‍वायेगु व स्‍यायेगु खँ जक दइ, अले दुःख बीगु जक खँ ल्‍हाना जुइ।

हितोपदेश 26:10

मूर्ख मनू व लँय् वःपिं मनूतय्‌त ज्‍याय् तयेगु धयागु लाः लाः थे वाणं कय्‌के थें खः।

उपदेशक 3:17

जिं थःगु मनय् बिचाः याना, “परमेश्‍वरं धर्मी व मभिंपिं निम्‍हय्‌सित नं फैसला यानादी, छाय्‌धाःसा फुक्‍क ज्‍याखँया थःगु हे ई दइ, अले फुक्‍क ज्‍याया ई दु।”

यर्मिया 17:10

“जि परमप्रभुं मनूतय्‌गु मनयात दुवालाः स्‍वये, इमिगु नुगःयात जाँचय् याये। छम्‍ह छम्‍हय्‌सित जिं वयागु पहःचहः व ज्‍या स्‍वयाः फल बी।”

यर्मिया 32:19

छिगु बिचाः तःधं अले छिगु ज्‍याखँय् शक्ति दु, मनूतय्‌गु फुक्‍क पहःचहः छिं खं। छम्‍ह छम्‍ह मनूयात वयागु पहःचहः व ज्‍याकथं फल बियादी।

इजकिएल 18:20

सुनां पापयात, व हे सी। काय्‌नं थः अबुया दोषया फल भोगय् याइ मखु, न अबुं काय्‌म्‍हय्‌सिगु पाप भोगय् याइ। धर्मीयात थःगु धार्मिकताया फल व दुष्‍टयात थःगु मभिंगु ज्‍याया फल दइ।

इजकिएल 18:30

“अथे जुयाः अय् इस्राएलया घराना, जिं छिपिं छम्‍ह छम्‍हय्‌सिगु न्‍याय वयागु पहःचहःकथं याये, जि, परमप्रभु परमेश्‍वर न्‍ववानागु दु। पस्‍ताय् चा, थःगु फुक्‍क अपराधपाखें लिहां वा, अले छिमिगु पाप छिमिगु पतनया कारण जुइ मखु।

इजकिएल 36:19

जिं इमित जाति जातितय्‌गु दथुइ छ्यालब्‍याल यानाबिया, इपिं देश देशय् उखेलाः थुखेलाः जुल। इमिगु पहःचहः व ज्‍याकथं जिं इमित न्‍याय याना।

मत्ती 16:27

आः याकनं हे परमेश्‍वरं मनूया काय्‌यात झःझः धाय्‌क स्‍वर्गदूतत नाप छ्वयाहयादी। अले वय्‌कलं छम्‍ह छम्‍ह मनूयात इमिगु ज्‍या स्‍वयाः सिरपाः बियादी।

रोमी 14:22

थ्‍व खँय् छिमिसं छु बिचाः यानाः परमेश्‍वर व छंगु दथुइ जक ति। थःम्‍हं भिं ताय्‌कूगु खँय् संका मयाइम्‍ह मनू हे धन्‍यम्‍ह खः।

१ कोरिन्‍थी 3:8

पुसा प्‍यूम्‍ह मनू व लः ब्‍यूम्‍ह मनू निम्‍हं उथें खः। थुमिसं गुलि ज्‍या याःगु खः उलि हे थुमित परमेश्‍वरं ज्‍याला बियादी।

१ कोरिन्‍थी 4:5

उकिं ई स्‍वयाः न्‍हापा छुं खँय् न्‍याय यायेगु याये मते। तर प्रभु झाया मदितले पियाच्‍वँ। छाय्‌धाःसा वय्‌कलं मनूतय्‌गु नुगलय् च्‍वंगु गुप्‍ति ज्‍याखँ, अले हानं सुनानं मसीक याःपिनिगु ज्‍याखँ नं उलादी। थथे जुइ धुंकाः स्‍याबास बी माःपिं मनूतय्‌त परमेश्‍वरं हे स्‍याबास बियादी।

२ कोरिन्‍थी 11:15

थ्‍व अजू चायेमाःगु खँ मखु, शैतानया च्‍यःत नं परमेश्‍वरया च्‍यःत थें जुइफु। परमेश्‍वरं न्‍याय यानादीबलय् थुमिगु ज्‍याकथंया सजाँय नं बियादी।

२ कोरिन्‍थी 5:10

न्‍याय यानादी खुन्‍हु झीपिं सकलें ख्रीष्‍टया न्‍ह्यःने दंवने मानि। अबलय् थन संसारय् च्‍वनाः भिंगु यानावंपिन्‍त भिंक हे, अले मभिंगु यानावंपिन्‍त मभिंक हे न्‍याय यानादी।

२ तिमोथी 4:14

अलेक्‍जेन्‍डर सिजःकःमिनं जितः तसकं बांमलाकल। प्रभुं वयात यायेमाःगु यानादी।

प्रकाश 2:23

वया मस्‍तय्‌त जिं स्‍यानाबी। मनूतय्‌गु मन व नुगः वातुवालाः स्‍वइम्‍ह जि हे खः धकाः अले जक फुक्‍क मण्‍डलीं सीका काइ। छिमिसं याना जूगु ज्‍या स्‍वयाः जिं नं छिमित माःगु याये।

प्रकाश 20:12

अले जिं सिंहासनयागु न्‍ह्यःने तःधंपिं व चिधंपिं सीपिं दनाच्‍वंगु व सफूत पुइकातःगु खना। मेगु छगू सफू नं पुइकल, थ्‍व सफू जीवनयागु सफू खः। अले इमिसं याःगु ज्‍या स्‍वयाः जीवनयागु सफुलिइ च्‍वया तः थें सीपिं फुक्‍कसित न्‍याय यात।

प्रकाश 22:12

“स्‍व, जि याकनं हे वयेत्‍यनागु दु। मनूतय्‌गु ज्‍या स्‍वयाः जिं इमित बीमाःगु इनाम बी।