रोमी 2:5 - नेवाः बाइबल

⁵ छिमिसं थःगु छाःगु नुगः व पश्‍चात्ताप मयाःगु नुगलं यानाः परमेश्‍वरया धार्मिक न्‍याय खने दइगु उगु तंया दिंया निंतिं थःगु निंतिं तं मुंका च्‍वंगु दु।

रोमी 2:5 ပူးပေါင်းရင်းမြစ်များ

२ इतिहास 30:8

थः पुर्खातय्‌सं थें छिमिसं जिद्दी याये मते। बरु परमप्रभुया न्‍ह्यःने क्‍वमिलु जुयाः वय्‌कलं न्‍ह्याबलेंया निंतिं शुद्ध यानादीगु वय्‌कःया पवित्र थासय् दुहां हुँ। परमप्रभु छिमि परमेश्‍वरया सेवा या, अले वय्‌कःया तं छिमिगुपाखें चिलावनी।

२ इतिहास 36:13

परमेश्‍वरया नामय् वयात पाफय्‌कूम्‍ह जुजु नबूकदनेसरया विरोधय् जुजु सिदकियां विद्रोह यात। व जिद्दी जुयाः व नुगः छाकाः परमप्रभु इस्राएलया परमेश्‍वरयाथाय् लिहां मवः।

अय्‍यूब 21:30

विपत्तिया दिनय् दुष्‍ट सुरक्षित जुयाच्‍वनी, तंया दिनय् वयात बचय् याइ।

भजनसंग्रहया सफू 110:5

छंगु जवपाखे दीम्‍ह परमप्रभुं तंया दिनय् जुजुपिन्‍त चुँचुं यानादी।

भजनसंग्रहया सफू 95:8

छिमि पुर्खा मेरीबाय् व छन्‍हु मस्‍साहया मरुभूमिइ जिद्दी जूगु थें छिपिं जिद्दी जुइ मते।

प्रस्‍थान 14:17

जिं मिश्रीतय्‌गु नुगः छाय्‌काबी। अले इमिसं छिमित अन नं ल्‍यू वनी। जिं थःगु शक्ति क्‍यनेत फारोया सिपाइँ, सल व रथयात नाश यानाबी।

प्रस्‍थान 32:34

हुँ, जिं छन्‍त धयागु देशय् मनूतय्‌त ब्‍वनायंकि। जिम्‍ह दूत छंगु न्‍ह्यः न्‍ह्यः वनी। अथेजूसां जिं सजाँय बीगु ई वइबलय् इमित पापया सजाँय बी।”

प्रस्‍थान 8:15

ब्‍यांचा स्‍यूगु खंबलय् परमप्रभुं धयादी थें हे हाकनं फारोनं थःगु नुगः छाय्‌कल, अले वं मोशा व हारूनयागु खँ मन्‍यन।

हितोपदेश 1:18

थुमिसं ला थःगु जाः थःम्‍हं हे ग्‍वयाच्‍वंगु दु। थुमिसं थःम्‍हं थःत हे स्‍यायेत स्‍वयाच्‍वंगु दु।

हितोपदेश 11:4

परमेश्‍वरं न्‍याय याइखुन्‍हु धनसम्‍पत्ति छुं ज्‍याख्‍यलय् दइ मखु, भिंगु ज्‍यां हे मृत्‍युपाखें बचय् याइ।

हितोपदेश 28:14

परमप्रभुया भय काइपिन्‍त आशिष दइ, अतेरि जुयाच्‍वंपिं नाश जुयावनी।

हितोपदेश 29:1

न्‍ह्याक्‍व न्‍वाःसां मह्यूपिं मनूत न्‍ह्याक्‍व पनेत स्‍वःसां छन्‍हु आकाझाकां नाश जुयावनी।

उपदेशक 12:14

झीसं यानागु ज्‍या, भिं जुइमा वा मभिं जुइमा, सुला याःगु ज्‍यानापं फुक्‍क खँया न्‍याय परमेश्‍वरं यानादी।

यशैया 48:4

छाय्‌धाःसा जिं स्‍यू कि छिपिं जिराहापिं खः, छिमिगु गःपः नँयागु थें च्‍वं, अले छिमिगु कपाः कँय्‌यागु थें च्‍वं।

यर्मिया 40:3

आः वय्‌कलं थ्‍व विपत्ति हयाः थःम्‍हं धयादीगु थें यानादिल। छिमिसं परमप्रभुया विरोधय् पापयात, वय्‌कःया आज्ञा पालन मयात, उकिं थ्‍व फुक्‍क जुल।

इजकिएल 11:19

अले जिं इमित छगू हे मन बी। इमिके छगू न्‍हूगु आत्‍मा तयाबी। जिं इमिगु म्‍हं ल्‍वहंया नुगः लिकयाः इमित लायागु नुगः बी।

इजकिएल 3:7

तर इस्राएलया घरानायात छंगु खँ न्‍यने मास्‍ति मवः, इमित जिगु खँ न्‍यने मंमदु। छाय्‌धाःसा इस्राएलया फुक्‍क घराना हे जिद्दी व नुगः छाःपिं खः।

दानिएल 5:20

तर वय्‌कः तःधंछु, जिराहा जूगुलिं राजगद्दीं लिकाल अले वय्‌कःयागु शान वय्‌कःपाखें लाकाकाल।

होशे 13:12

एफ्राइमया पाप व अपराध च्‍वयातःगु दु, व ल्‍याःचाः तयातःगु दु।

आमोस 3:10

परमप्रभुं धयादी, “खःगु गय् यानाः यायेगु धकाः इमिसं मस्‍यू, इमिसं लुतय् याःगु व खुयाहःगु सामान थःपिनिगु किल्‍लाय् दुने मुंकी।”

रोमी 1:18

मभिंगु बांमलाःगु ज्‍याखँ जक यानाः सत्‍ययात त्‍वपुया छ्वयेत स्‍वइपिं मनूत खनाः स्‍वर्गय् च्‍वंम्‍ह परमेश्‍वर तंम्‍वय्‌कादीगु दु धकाः फुक्‍क मनूतय्‌त सीकादिल।

रोमी 11:25

दाजुकिजापिं, थ्‍व गुप्‍ति खँ थुइकाः छिपिं थथः हे बुद्धिमान जुइगु स्‍वये मते। गुप्‍ति खँ थ्‍व हे खः – गुबलय् तक यहूदीमखुपिनिगु ल्‍याः गाइ मखु अबलय् तक यहूदीतय्‌गु मिखा चाली मखु।

रोमी 9:22

परमेश्‍वरया तं व थःगु शक्ति क्‍यनादी मास्‍ति वःसा वय्‌कःयात सुनां पने फइ? वय्‌कलं थःत हीमी चाय्‌का च्‍वंपिं मनूत खनाः नं तंचाया मदिसे सहयाना तुं च्‍वनादिल।

२ कोरिन्‍थी 5:10

न्‍याय यानादी खुन्‍हु झीपिं सकलें ख्रीष्‍टया न्‍ह्यःने दंवने मानि। अबलय् थन संसारय् च्‍वनाः भिंगु यानावंपिन्‍त भिंक हे, अले मभिंगु यानावंपिन्‍त मभिंक हे न्‍याय यानादी।

व्‍यवस्‍था 2:30

अय्‌नं हेश्‍बोनया जुजु सीहोनं झीत थःगु देश जुयाः वने मब्‍यू छाय्‌धाःसा परमप्रभु छिमि परमेश्‍वरं वयात छिमिगु ल्‍हातय् बीत वयागु मनयात जिराहा व अतेरि यानादिल। अले थौं तक व छिमिगु ल्‍हातय् दु।

व्‍यवस्‍था 32:34

परमप्रभुं धयादी, “इमि शत्रुतय्‌सं छु छु याःगु खः व जिं लुमंकातयागु दु, अले इमित सजाँय बीत पाय्‌छिगु ई पियाच्‍वनादीगु दु।

२ थेसलोनिकी 1:5

परमेश्‍वरं ख्‍वाः स्‍वयाः न्‍याय यानादी मखु धकाः ला थुकिं हे सीदत, छाय्‌धाःसा छिमिसं दुःखकष्‍ट सियाच्‍वंगुलिं हे छिपिं वय्‌कःयागु राज्‍यय् दुहां वनेत ल्‍वःपिं जुल।

हिब्रू 3:13

“थौं” धयागु ई दतले छिमिसं थःथवय् साहस बीगु याना च्‍वँ। मखुसा पापं यानाः छिमिगु नुगः तसकं छाइ।

हिब्रू 3:15

थथे धयातःगु हे दु – “थौं छिमिसं परमेश्‍वरयागु सः ताल धाःसा छिमि तापाःबाज्‍यापिन्‍सं थें छिमिसं वय्‌कःयात मभिंकाः थःगु नुगः छाके मते।”

हिब्रू 4:7

अय्‌जूगुलिं परमेश्‍वरं झीत हानं “थौं” धकाः मौका बियादीगु दु। दाऊदयापाखें नं वय्‌कलं थ्‍व हे खँ धाय्‌कादीगु खः – “थौं छिमिसं परमेश्‍वरयागु सः ताल धाःसा छिपिं जिद्दी जुइ मते।”

याकूब 5:3

छिमिगु लुँ वहलय् फ्‍वसा ह्वये धुंकल। थथे फ्‍वसा ह्वःगु हे छिमिगु विरोधय् साक्षी जुइ। उकिं मिं थें छिमिगु ला नइतिनि। संसार फुनावने त्‍यंबलय् छिमिसं धनसम्‍पत्ति मुंकाच्‍वंगु दु।

यहोशू 11:20

छाय्‌धाःसा परमप्रभुं इमिगु नुगः छाय्‌कादीगु खः, अले इस्राएलीतलिसें ल्‍वाके ब्‍यूगु खः, परमप्रभुं मोशायात आज्ञा बियादीगु थें इपिं माया मदय्‌कं हे सकलें नाश जुइमा धकाः।

२ पत्रुस 2:9

भिंपिं मनूतय्‌त परमेश्‍वरं दुःखकष्‍ट जुइबलय् बचय् यानादी। अले मभिंपिं मनूतय्‌त न्‍याय याइगु दिं मवतले गथे तयातयेमाः धकाः परमेश्‍वरं स्‍यू।

२ पत्रुस 3:7

परमेश्‍वरयागु वचनं हे आःयागु आकाश व पृथ्‍वीयात मिइ छ्वय्‌केत बचय् यानातःगु दु। पापी मनूतय्‌त न्‍याय यानाः नाश मयातले आकाश व पृथ्‍वी दयाच्‍वनी।

यहूदा 1:6

थःगु ज्‍या मयासें छेँ त्‍वःतावःपिं स्‍वर्गदूततय्‌त दकलय् लिपा न्‍याय यानादीत वय्‌कलं गुब्‍सं मब्‍यनिकथं चिनाः खिउँथाय् कुनादिल।

प्रकाश 2:21

जिं वयात पश्‍चाताप यायेमा धकाः ई बिया तया। अय्‌नं वं याना जूगु व्‍यभिचार याये मखुत धकाः मधाः।

प्रकाश 6:17

छाय्‌धाःसा वय्‌कलं न्‍याय व सजाँय याइगु दिं वये धुंकल, उकिं सु जक बचय् जुयाः च्‍वने फइ?”

१ शमूएल 6:6

छिकपिं छाय् फारो व मिश्रीत थें जिराहा जुयेगु? वय्‌कलं इमित कडा सजाँय बियादी धुंकाः इमिसं इस्राएलीतय्‌त थःगु लँय् वने ब्‍यूगु, मखु ला?