रोमी 2:3 - नेवाः बाइबल

³ अय् मनूत, छिमिसं थुकथं ज्‍याखँ यानाजुइपिन्‍त दोष बियाजुइगु? छिमिसं नं इमिसं थें याना जुल धाःसा परमेश्‍वरं न्‍याय यानादीबलय् छिमित त्‍वःतादी धकाः बिचाः यानाच्‍वनागु ला?

रोमी 2:3 ပူးပေါင်းရင်းမြစ်များ

२ शमूएल 10:3

अम्‍मोनी नायःतय्‌सं थः मालिक हानूनयात धाल, “छिं स्‍वयादीबलय् दाऊदं छिमि बाःयात इज्‍जत यानाः बिचाः हनेत थुपिं मनूत छ्वयाहःगु धकाः च्‍वनादिया ला? अथे खः हे मखु। वं ला झीगु देश त्‍याकाकायेगु लागिं चिवा कायेत इमित छ्वयाहःगु खः।”

अय्‍यूब 35:2

“अय्‍यूब, ‘परमेश्‍वर छिगु न्‍ह्यःने जि धर्मीम्‍ह खः धकाः छिं धायेगु पाय्‌छि जू ला?’

भजनसंग्रहया सफू 50:21

छं थथे याःसां जिं छुं मधया। जि नं छ थें हे खः धकाः छं मतिइ तल। आः जिं छन्‍त द्वपं बी, अले छंगु छता छता दोष उलाः क्‍यने।

भजनसंग्रहया सफू 56:7

हे परमेश्‍वर! इमिगु मभिंगु ज्‍याया निंतिं इमित सजाँय बियादिसँ। थःगु तमय् जात जातितय्‌त क्‍वथलादिसँ।

हितोपदेश 11:21

दुष्‍टतय्‌सं सजाँय फये हे माली, तर धर्मीतय्‌त छुत्‍कारा दइ। थथे ला जु हे जुइ।

हितोपदेश 16:5

घमण्‍डीतय्‌त परमप्रभुं घृणा यानादी, इमित सजाँय मजुइ हे मखु।

इजकिएल 17:15

तर जुजुं सलत व तःधंगु सेना कयाहयेत मिश्र देशय् दूतत छ्वयाः वयागु विरोधय् विद्रोह यात। छु व ताःलाइ ला? थज्‍याःगु ज्‍या याइम्‍ह छु व बचय् जुइ ला? सन्‍धि त्‍वाःथलाः नं छु व सजाँयपाखें बचय् जुइ ला?

इजकिएल 17:18

वं बाचा त्‍वाःथल, अले पाफःगुयात हेला यात, बचं बियाः नं वं थ्‍व फुक्‍क याःगुलिं व बचय् जुइ मखु।

दानिएल 10:19

वं धाल, “हे दानिएल, छ परमेश्‍वरया लागिं तसकं तःजिम्‍ह खः, छ ग्‍याये मते, छन्‍त शान्‍ति दयेमा, बल्‍ला व साहसी जु।” वं उलि धायेवं हे जिके बल वल अले जिं धया, “हे जिमि प्रभु, छिं जितः बल बियादीगुलिं आः धयादिसँ।”

मत्ती 23:33

अय् सर्पत, अय् बिख दुम्‍ह सर्पया सन्‍तान, छिपिं गुकथं नरकयागु मिं बचय् जुइ फइ?

मत्ती 26:53

जिं ग्‍वाहालि फ्‍वन धाःसा जिमि बाःनं झिंनिगू पल्‍टन स्‍वयाः अप्‍वः स्‍वर्गदूतत छ्वयाहया मदी ला? छिमिसं छु ताय्‌का?

लूका 12:14

वय्‌कलं वयात लिसः बियादिल – “जि छिकपिनिगु सम्‍पत्ति इनाबीम्‍ह मनू अथवा न्‍यायाधीश धकाः छितः सुनां धाल?”

लूका 22:58

भचा जाय्‌काः मेम्‍ह मनुखं खनाः वयात धाल – “छ नं इपिं नाप जुयाच्‍वंम्‍ह खः।” वं हानं धाल – “जि मखु।”

लूका 22:60

वं हानं धाल – “छिं धयादीगु खँ जिं मस्‍यू।” वं अथे धयाच्‍वंबलय् हे खा हाला हाल।

रोमी 1:32

थज्‍याःगु ज्‍याखँ यानाजुइपिं मनूतय्‌त परमेश्‍वरं नरकय् छ्वयादी धकाः वय्‌कःयागु आज्ञा सीक सीकं हे इमिसं थज्‍याःगु ज्‍याखँ जक याना जूगु मखु, थथे मभिंगु ज्‍याखँ यानाजुइपिंनापं छगू हे मन जुयाजुल।

रोमी 2:1

कर्पिनिगु निन्‍दा जक याइपिं छिमिसं छुं हे त्‍वहः तय्‌थाय् मदु, छाय्‌धाःसा गुगु दोष छिमिसं मेपिन्‍त बी, व हे दोष छिमिके नं दु, छाय्‌धाःसा छिमिसं नं व हे ज्‍या यानाच्‍वंगु दु।

रोमी 2:2

थुकथं ज्‍याखँ यानाजुइपिं मनूतय्‌त परमेश्‍वरं दोषी यानादी धकाः झीसं स्‍यू।

रोमी 9:20

मनू जुयाः परमेश्‍वरयात लिसः बीम्‍ह छ सु खः? जितः छाय् थथे दय्‌का धकाः दय्‌कातःगु सामानं दय्‌कूम्‍हय्‌सित न्‍ह्यसः याइ ला?

१ थेसलोनिकी 5:3

मनूतय्‌सं प्‍यखें “शान्‍ति दु, ग्‍याये माःगु मदु” धया च्‍वनीबलय् लाक्‍क हे इमिके प्‍वाथय् दुम्‍ह मिसायात मचाबुइ ब्‍यथा जू थें आकाझाकां विनाश जू वइ। अले इपिं छुं यानाः नं बचय् जुइ फइ मखु।

हिब्रू 12:25

होश या, छिपिंलिसे नवानादीम्‍हय्‌सिगु खँ मन्‍यंसे च्‍वने मते। थ्‍व संसारय् च्‍वनाः परमेश्‍वरयागु खँ न्‍यंकीम्‍हय्‌सिगु खँ मन्‍यंपिन्‍त ला मल्‍यंकू धासेंलि स्‍वर्गं हे नवानादीम्‍हपाखे फस्‍वया जुइपिन्‍त जक ल्‍यंकी ला?

हिब्रू 2:3

थपाय् मछिधंगु मुक्तियात झीसं च्‍यूताः मतल धाःसा झीत सजाँय बियामदी ला? प्रभु थःम्‍हय्‌सिनं हे दकलय् न्‍हापालाक थ्‍व मुक्तियागु खँ न्‍यंकादिल। न्‍यंपिन्‍सं थ्‍व खँ सत्‍य खः धकाः झीत क्‍यनाबिल।