रोमी 2:2 - नेवाः बाइबल

² थुकथं ज्‍याखँ यानाजुइपिं मनूतय्‌त परमेश्‍वरं दोषी यानादी धकाः झीसं स्‍यू।

रोमी 2:2 ပူးပေါင်းရင်းမြစ်များ

उत्‍पत्ति 18:25

छिं मभिंपिं मनूतलिसें भिंपिं मनूतय्‌त नं स्‍यानादी मखु। थथे जुल धाःसा ला भिंपिन्‍सं नं मभिंपिन्‍सं थें हे सजाँय फये मालिगु जुल। संसारया न्‍याय याइम्‍हय्‌सिनं खःकथं न्‍याय यानामदी ला?”

अय्‍यूब 34:23

परमेश्‍वरया न्‍ह्यःने न्‍यायया निंतिं वयेत, मनूयात जाँचय् यानाच्‍वनेमाःगु मदु।

भजनसंग्रहया सफू 145:17

परमप्रभु थःम्‍हं यानादीगु फुक्‍क ज्‍याय् धर्मी खः, थःगु फुक्‍क ज्‍याय् वय्‌कः दयादुम्‍ह खः।

भजनसंग्रहया सफू 9:4

छिं थःगु सिंहासनं पक्षपात मजुइक न्‍याय यानाः जितः त्‍याकादीगु दु।

भजनसंग्रहया सफू 96:13

परमप्रभु पृथ्‍वीइ राज्‍य यायेत झाइबलय् वय्‌कलं न्‍याय व धार्मिकताकथं संसारयापिं मनूतय्‌त राज्‍य यानादी।

भजनसंग्रहया सफू 98:9

थ्‍व परमप्रभुया न्‍ह्यःने जुइमा। छाय्‌धाःसा वय्‌कः पृथ्‍वीइ राज्‍य यायेत झायादीत्‍यंगु दु। वय्‌कलं धार्मिकतां सुयागु पँ मलीसें संसारयापिं मनूतय्‌गु न्‍याय यानादी।

यशैया 45:19

जिं खिउँगु देशय् सुनां मसीक न्‍वमवाना, ‘जिं छन्‍त मफतय् माला’ धकाः याकूबया सन्‍तानयात मधया। जि परमप्रभुं सत्‍य नवाये, जिं पाय्‌छिगु खँ घोषणा याये।”

यशैया 45:21

आः जूवइतिनिगु खँया बारे धा। छिपिं थःथवय् सल्‍लाह या। थ्‍व खँ यक्‍व दँ न्‍ह्यः सुनां धयाबिल? न्‍हापांनिसें सुनां धयाबिल? छु जि परमप्रभुं हे मखु ला? जि बाहेक मेपिं सुं परमेश्‍वर मदु। छम्‍ह धर्मी व मुक्ति बीम्‍ह परमेश्‍वर, जि बाहेक मेपिं सुं नं मदु।

यर्मिया 12:1

हे परमप्रभु, जिं छिथाय् मुद्दा हइबलय् छिं न्‍ह्याबलें जितः न्‍याय बियादीगु दु। अय्‌नं जितः छिनापं छिगु इन्‍साफया बारे खँ ल्‍हाये मास्‍ति वः। दुष्‍टत छाय् अपाय्‌सकं जियावःगु? मभिंपिं मनूत छाय् याउँक म्‍वानाच्‍वंगु?

इजकिएल 18:25

“अय्‌नं छिमिसं धाइगु, ‘परमप्रभुं खःगु ज्‍या यानामदी।’ अय् इस्राएलया घराना, न्‍यँ, छु जिं खःगु ज्‍या यानागु मदु ला? छु छिमिसं हे मखुगु ज्‍या यानाच्‍वनागु मदु ला?

इजकिएल 18:29

अय्‌नं इस्राएलया घरानां धाइगु, ‘परमप्रभुं खःगु ज्‍या यानामदी।’ अय् इस्राएलया घराना, छु जिं खःगु ज्‍या यानागु मदु ला? छु छिमिसं मखुगु ज्‍या यानाच्‍वनागु मदु ला?

दानिएल 4:37

आः जि, नबूकदनेसरं, स्‍वर्गयाम्‍ह जुजुयात तःधंके, वय्‌कःयात तःधंके, अले हनाबना याये छाय्‌धाःसा वय्‌कलं यानादीगु फुक्‍क खँ पाय्‌छि जू व वय्‌कःया फुक्‍क लँपु न्‍यायलं जाः। तःधंछु जुया जुइपिन्‍त वय्‌कलं क्‍वमिलु यानादी फु।

सपन्‍याह 3:5

इमिगु दथुइ च्‍वनादीम्‍ह परमप्रभु धर्मीम्‍ह खः, वय्‌कलं गुबलय् नं अन्‍याय यानादी मखु। वय्‌कलं सुथय् पतिकं थःगु न्‍याय क्‍यनादी। न्‍हियान्‍हिथं वय्‌कः चुकय् जुयादी मखु। अधर्मीतय्‌सं लाज धयागु हे सी मखु।

प्रेरित 17:31

वय्‌कलं थ्‍व संसारय् च्‍वंपिं मनूतय्‌त न्‍याय यायेगु दिं नं क्‍वःछिना तयादी धुंकल। ख्‍वाः स्‍वयाः न्‍याय मयाइम्‍ह छम्‍ह मनूयात नं वय्‌कलं ल्‍यया तयादी धुंकल। वय्‌कलं थ्‍व खँया दसु सी धुंकूम्‍हय्‌सित म्‍वाकाः क्‍यनादी धुंकल।”

रोमी 2:1

कर्पिनिगु निन्‍दा जक याइपिं छिमिसं छुं हे त्‍वहः तय्‌थाय् मदु, छाय्‌धाःसा गुगु दोष छिमिसं मेपिन्‍त बी, व हे दोष छिमिके नं दु, छाय्‌धाःसा छिमिसं नं व हे ज्‍या यानाच्‍वंगु दु।

रोमी 2:3

अय् मनूत, छिमिसं थुकथं ज्‍याखँ यानाजुइपिन्‍त दोष बियाजुइगु? छिमिसं नं इमिसं थें याना जुल धाःसा परमेश्‍वरं न्‍याय यानादीबलय् छिमित त्‍वःतादी धकाः बिचाः यानाच्‍वनागु ला?

रोमी 2:5

छिमिसं थःगु छाःगु नुगः व पश्‍चात्ताप मयाःगु नुगलं यानाः परमेश्‍वरया धार्मिक न्‍याय खने दइगु उगु तंया दिंया निंतिं थःगु निंतिं तं मुंका च्‍वंगु दु।

रोमी 9:14

थ्‍व खँय् झीसं छु धायेफु? थथे धायेवं तुं परमेश्‍वरं अन्‍याय यानादी ला? अथे ला गुब्‍सं नं यानादी मखु।

प्रकाश 16:5

अले लःयागु बिचाः याइम्‍ह दूतं थथे धाःगु जिं ताल – “हे पवित्रम्‍ह परमेश्‍वर, न्‍हापांनिसें दीम्‍ह, आः नं दीम्‍ह छि हे खः। छिं न्‍याय यानादीगु तसकं पाय्‌छि जू।

प्रकाश 19:2

वय्‌कलं बांलाक व खःकथं न्‍याय यानादी। पृथ्‍वीयापिं फुक्‍क मनूतय्‌त थःनाप व्‍यभिचार याकाः स्‍यंकूम्‍ह व तःधंम्‍ह वेश्‍यायात वय्‌कलं सजाँय बियादीगु दु। वय्‌कलं थः दासतय्‌गु हियागु पलेसा कयादीगु दु।”