रोमी 14:3 - नेवाः बाइबल

³ अथे न्‍ह्यागुं नइम्‍हय्‌सिनं मनइम्‍हय्‌सित क्‍वह्यंके मते, अथे हे मनइम्‍हय्‌सिनं नं नइम्‍हय्‌सित कुंखिने मते। छाय्‌धाःसा परमेश्‍वरं इमित थः मनू दय्‌कादीगु खः।

रोमी 14:3 ပူးပေါင်းရင်းမြစ်များ

जकरिया 4:10

परमप्रभुं धयादिल, “ज्‍या भचा भचा जक शुरु जूगुयात हेला याये मते। अय्‌नं ज्‍या न्‍ह्याकेत यरूबाबेलया ल्‍हातय् दकःमिया खिपः दुगु खनाः इपिं लय्‌ताइ।” (उपिं त्‍वाःदेवाया न्‍हय्‌गः पाल्‍चा पृथ्‍वीया फुक्‍कभनं स्‍वया च्‍वनीगु परमप्रभुया मिखा खः।)

मत्ती 18:10

“उकिं जिमि मस्‍त सुं छम्‍हय्‌सित नं क्‍वह्यंके मते, छाय्‌धाःसा जिं छिमित धयाच्‍वना – मस्‍तय्‌त सुसाःकुसाः याइपिं स्‍वर्गदूतत स्‍वर्गय् च्‍वनादीम्‍ह जिमि बाःयागु न्‍ह्यःने हे दु।

मत्ती 9:14

छन्‍हु बप्‍तिस्‍मा बीम्‍ह यूहन्‍नाया चेलातय्‌सं वयाः येशूयाके थथे धकाः न्‍यन – “जिपिं व फरिसीत न्‍ह्याबलें अपसं च्‍वना, छिकपिनि चेलात जक छाय् अपसं मच्‍वंगु?”

लूका 18:9

अले येशूं – “जिपिं हे जक धर्मीपिं” धकाः धया जुयाः कर्पिन्‍त क्‍वह्यंका जुइपिन्‍त थ्‍व उखान कनादिल –

प्रेरित 10:34

अले पत्रुसं धाल – “धात्‍थें खः खनी, परमेश्‍वरं सुयातं ख्‍वाः स्‍वयाः ज्‍या यानामदी।

प्रेरित 10:44

थथे पत्रुसं नवानाच्‍वंबलय् हे न्‍यना च्‍वंपिं मनूतय्‌के पवित्र आत्‍मा झाल।

प्रेरित 28:2

अबलय् वा वयाच्‍वंगुलिं चिकुसे च्‍वनाच्‍वन। अन च्‍वंपिन्‍सं जिमित सःताः दया यानाः मि छ्वय्‌काबिल।

रोमी 11:15

छाय्‌धाःसा इमिसं इन्‍कार यानाः हे ला संसारयापिं मनूत परमेश्‍वर नाप मिलय् जुल धाःसा, झन इमित थः हे नाल धाःसा सीपिन्‍त म्‍वाकेगु ति मग्‍यनी ला?

रोमी 14:1

विश्‍वास बमलाःनिम्‍ह मनूयात संगतिइ लसकुस या, वयागु खँयात कयाः जवाःसवाः याये मते।

रोमी 14:10

अय्‌जूगुलिं छिपिं वाउँचा जक नइपिन्‍सं थः दाजुकिजापिन्‍त छाय् कुंखिनेगु? छिपिं न्‍ह्यागुं नइपिन्‍सं थः दाजुकिजापिन्‍त छाय् हेस्‍यानागु? न्‍यँ, न्‍याय यानादीबलय् झीपिं फुक्‍कं परमेश्‍वरया न्‍ह्यःने च्‍वने मानि।

रोमी 14:13

अय्‌जूगुलिं झीसं दाजुकिजापिन्‍त कुंखिनेगु त्‍वःताछ्वये माल, अले इमित क्‍वथलेगु व पापय् लाकेगु ज्‍या गुब्‍सं याये मखु धकाः झीसं पक्‍का याये नु।

रोमी 14:15

छिमिगु नयेत्‍वनेगुलिं यानाः दाजुकिजापिनि नुगलय् स्‍यात धाःसा छिमिसं इमित अज्‍जं माया याये मफुनि। नयेत्‍वनेगुलिं छिमि दाजुकिजापिन्‍त स्‍यंके मते, छाय्‌धाःसा इमिगु निंतिं हे ख्रीष्‍ट सिनादिल।

रोमी 14:21

धात्‍थें हे – ला मनयेगु, दाखमद्य मत्‍वनेगु व थः दाजुकिजापिं लुफिं हाइगु छुं नं मयायेगु हे बांलाः।

रोमी 15:7

परमेश्‍वरयात जयजय यायेमा धकाः ख्रीष्‍टं छिमित नालादी थें तुं छिमिसं नं बल्‍लाःपिं व बमलाःपिं दाजुकिजापिन्‍त नाला कायेगु या।