रोमी 13:4 - नेवाः बाइबल

⁴ इपिं छिमित भिंगु यायेत तयातःपिं परमेश्‍वरया सेवकत खः। अय्‌नं छिमिसं मभिंगु ज्‍या याना जुल धाःसा इपिं खनाः छिपिं ग्‍याये माली, छाय्‌धाःसा सुनानं म्‍वाय्‌कं तरवार घाना वइ मखु। इपिं मभिंगु ज्‍याखँ यानाजुइपिन्‍त सजाँय बीत तयातःपिं परमेश्‍वरया सेवकत खः।

रोमी 13:4 ပူးပေါင်းရင်းမြစ်များ

१ राजा 10:9

परमप्रभु छिकपिनि परमेश्‍वरया प्रशंसा जुइमा। वय्‌कः छि खनाः गुलि लय्‌तायादी व छितः जुजु दय्‌काः थःगु नामय् शासन याके बियाः क्‍यनादीगु दु। छाय्‌धाःसा परमप्रभुं इस्राएलयात सदां माया यानादी। उकिं न्‍याय व धार्मिकता तया तयेत वय्‌कलं छितः इस्राएलयाम्‍ह जुजु दय्‌कादीगु दु।”

२ इतिहास 19:6

अले वं न्‍यायाधीशतय्‌त थथे आज्ञा बिल, “छिमिसं न्‍ह्याःगु हे याःसां उकी होसियार जु, छाय्‌धाःसा छिमिसं मनूतय्‌गु निंतिं मखु तर परमप्रभुया निंतिं न्‍याय याइ। फैसला याइबलय् वय्‌कः छिपिंनापं च्‍वनादी।

हितोपदेश 16:14

जुजुया तं धयागु मृत्‍युया दूत थें खः, बुद्धिमानतय्‌सं उकियात क्‍वलाकेत स्‍वइ।

हितोपदेश 20:2

जुजुयागु तं धयागु सिंहयागु सः थें खः, सुनां वयात तं पिकाय्‌की, वयागु ज्‍यान वनी।

हितोपदेश 20:26

बुद्धिमानम्‍ह जुजुं दुष्‍टतय्‌त ल्‍ययाः ल्‍ययाः सजाँय बी।

हितोपदेश 20:8

जुजु न्‍याय यायेत सिंहासनय् च्‍वनीबलय् वं मभिंगु फुक्‍कं हायाछ्वइ।

यशैया 1:17

भिं याये सय्‌कि। फुक्‍कसिगु निसाफ या, क्‍वत्‍यय्‌का च्‍वनेमाःपिन्‍त ग्‍वाहालि या, मांबौ मदुपिं मचातय्‌गु रक्षा या, विधवा मिसाया पंलिनाः नवानाब्‍यु।

यर्मिया 5:28

इपिं यक्‍व नयाः ल्‍ह्वंगु दु। इमिसं मभिंगु ज्‍या यायेगु गुबलें त्‍वःती मखु। इमिसं मांबौ मदुपिनिगु हक लाका काइ, मगाःमचाःपिनिगु न्‍याय याइ मखु।

इजकिएल 22:27

उकिया दुने दुपिं हाकिमत थः शिकारतय्‌त कुचा कुचा याइपिं गुँखिचात थें च्‍वं। इमिसं बेइमान यानाः फाइदा कायेत हि बाः वय्‌काः मनूत स्‍याइगु।

इजकिएल 25:14

जिं थः प्रजा इस्राएलपाखें एदोमयात बदला काये। थुमिसं जिगु तं व झ्‍वँक कथं एदोमयात व्‍यवहार याइ। अले थुमिसं जिगु बदला गय् च्‍वं धकाः सी, परमप्रभु परमेश्‍वरं धयादी।’”

मीका 3:9

हे याकूबया घरानाया नायःत, हे इस्राएलया घरानाया शासकत, हे न्‍याययात मयय्‌कीपिं अले तप्‍यंगु खँयात बेक्‍व याइपिं मनूत, छिमिसं थ्‍व खँ बांलाक न्‍यँ!

रोमी 12:19

यःपिं दाजुकिजापिं, छिपिं थःपिन्‍सं हे पलेसा कायेगु स्‍वये मते, बरु परमेश्‍वरया तच्‍वःगु तंमय्‌ त्‍वःताब्‍यु। छाय्‌धाःसा धर्मशास्‍त्रय् च्‍वयातःगु दु, “बदला कायेगु जिगु ज्‍या खः, जिं इमित सजाँय बी” परमप्रभुं धयादी।

रोमी 13:6

उकिं हे ला खः नि, छिमिसं कर पुलेमाःगु। हाकिमत फुक्‍कं थज्‍याःगु हे ज्‍या यायेत तयातःपिं परमेश्‍वरया सेवकत खः।

१ थेसलोनिकी 4:6

थ्‍व खँय् सुनानं थः दाजुकिजापिन्‍त स्‍यंके मते। परमेश्‍वरं थथे याइपिन्‍त तःधंगु सजाँय बियादी। जिमिसं न्‍हापा हे छिमित थ्‍व खँ बांलाक धायेधुन।

यहोशू 20:5

अले मनू स्‍याःगुया बदला काइम्‍हय्‌सिनं वयात लित धकाः धाःसा इमिसं वयात वयागु ल्‍हातय् मबीमा, छाय्‌धाःसा व थः जःलाखःलायात मसीसें स्‍याःगु खः, तंम्‍वय् स्‍याःगु मखु।

यहोशू 20:9

थथे सुनानं सुयातं मसीसें स्‍याःगु जूसा खलःया न्‍ह्यःने वयागु फैसला मजुतले मनू स्‍याःगुया बदला काइम्‍हय्‌सिगु ल्‍हातं सीम्‍वालेमा धकाः व बिस्‍युं वनेत सकलें इस्राएलीत व इपिंलिसें च्‍वनाच्‍वंपिं परदेशीतय्‌गु निंतिं ल्‍यःगु शरण कायेगु शहर थुपिं हे खः।

१ पत्रुस 2:14

तःधंम्‍ह हाकिम हे थजुइमा। मभिंगु ज्‍या यानाजुइपिन्‍त सजाँय बीत व भिंगु ज्‍या यानाजुइपिन्‍त हनेत परमेश्‍वरं हे इमित छ्वयाहयादीगु खः।