रोमी 12:3 - नेवाः बाइबल

³ परमेश्‍वरं जितः दया माया यानादीगुलिं छिपिं फुक्‍कसिनं थःत तःधंम्‍ह धकाः मतिइ तया जुइ मते धकाः जिं छिमित बिन्‍ति यानाच्‍वना। परमेश्‍वरं छिमित बियादीगु विश्‍वास गपाय्‌धंगु खः उलि हे जक बांलाक बिचाः या।

रोमी 12:3 ပူးပေါင်းရင်းမြစ်များ

हितोपदेश 25:27

कस्‍ति अप्‍वः नयेगु बांमलाः। अथे हे थःत अप्‍वः तःधंकेगु नं बांमलाः।

हितोपदेश 26:12

थःम्‍हं थःत बुद्धिमान ताय्‌कीम्‍ह मनू छं खनाः ला? वयागु स्‍वया ला बरु मूर्खम्‍हय्‌सिगु निंतिं यक्‍व आशा दइ।

उपदेशक 7:16

अथे जुयाः अप्‍वः धर्मी जुइ मते, अले अप्‍वः बुद्धि दुम्‍ह नं जुइ मते। छं छाय् थःम्‍हं थःत नाश यायेगु?

मीका 6:8

हे मनू, बांलाःगु अले भिंगु खँ वय्‌कलं छन्‍त क्‍यनादीगु दु। छपाखें परमप्रभुं छु यय्‌कादी? खःकथं ज्‍या यायेगु, मायायात यय्‌केगु, थः परमेश्‍वरलिसें क्‍वमिलु जुयाः जुयेगु।

लूका 18:11

फरिसीं दनाः थथे प्रार्थना यात – ‘परमेश्‍वर, जिं छितः सुभाय् बी, छाय्‌धाःसा जि मेपिं थें ज्‍याःम्‍ह मनू मखु। जि खुँ लुच्‍चा मजुया, मभिं मजुया, व्‍यभिचार मयाना, अले थ्‍व कर काइम्‍ह मनू थें नं मजुया।

यूहन्‍ना 3:34

परमेश्‍वरं छ्वया हःम्‍हय्‌सिनं हे जक परमेश्‍वरयागु वचन नवाइ, छाय्‌धाःसा वय्‌कःयात पवित्र आत्‍मां जाय्‌कादीगु दु।

रोमी 1:5

वय्‌कःयागु नां दक्‍व जात जातिया मनूतय्‌त न्‍यंकाः विश्‍वास याःपिन्‍सं वय्‌कःयात मानय् यायेमाः धकाः धया बीत वय्‌कलं हे जिमित दया माया यानाः प्रेरित दय्‌कादिल।

रोमी 11:20

थ्‍व खँ ला सत्‍य खः। इमिसं विश्‍वास यानाच्‍वने मफुगुलिं हे इपिं थथे त्‍वधुला वन, उकिं छिमिसं क्‍वात्तुक विश्‍वास यानाच्‍वने माल। अय्‌जूगुलिं छिपिं तःधंछुइ मते, बरु स्‍यनावनी ला धकाः ग्‍याना च्‍वँ।

रोमी 11:25

दाजुकिजापिं, थ्‍व गुप्‍ति खँ थुइकाः छिपिं थथः हे बुद्धिमान जुइगु स्‍वये मते। गुप्‍ति खँ थ्‍व हे खः – गुबलय् तक यहूदीमखुपिनिगु ल्‍याः गाइ मखु अबलय् तक यहूदीतय्‌गु मिखा चाली मखु।

रोमी 12:16

छिपिं फुक्‍कं मिलय् चले जुयाः च्‍वनेगु या। तःधंछु जुइ मते, थःत जक यःथें याना जुइ मते, बरु चिधंपिं नाप बुला जुइगु बानी त्‍वःते मते। गुबलें घमण्‍डी जुइ मते।

१ कोरिन्‍थी 15:10

अथेसां परमेश्‍वरं जितः दया माया यानादीगुलिं जि थथे जुइ खन। वय्‌कलं जितः दया माया यानादीगु नं ला जिं सितिं मछ्वया। फुक्‍क प्रेरिततय्‌सं स्‍वयाः नं जिं यक्‍व दुःख सियाः ज्‍या यानाच्‍वनागु दु। जिं हे जक ला थथे ज्‍या यानाच्‍वनागु मखु, बरु जितः ज्‍या याकातःगु ला परमेश्‍वरयागु दया मायां खः।

१ कोरिन्‍थी 3:10

परमेश्‍वरया दया मायां यानाः जिं सःम्‍ह दकःमिं थें जग स्‍वना बिया, अले थ्‍व हे जगय् मेम्‍ह मनुखं छेँ दना वनी। छेँ दनिम्‍हय्‌सिनं गथे यानाः दनेमाः धकाः बांलाक बिचाः यायेमाः।

१ कोरिन्‍थी 7:17

परमेश्‍वरं धयादी थें व सःतादी थें छिपिं जुइमा धकाः जिं फुक्‍क मण्‍डलीयात स्‍यना वयागु खः।

२ कोरिन्‍थी 10:13

जिमिसं ला परमेश्‍वरं जिमित धयादीगु स्‍वयाः अप्‍वः तःधंछुयाः धयाच्‍वनागु मदु। वय्‌कलं जिम्‍मा बियादी थें जक जिमिसं यानाच्‍वनागु दु। जिमिगु ज्‍याय् दुथ्‍याःपिं छिपिं हे नं ला खः।

२ कोरिन्‍थी 12:13

जिं छिमित थःत नयेत्‍वने मयाकेगु बाहेक मेगु मण्‍डलीयापिन्‍त स्‍वयाः छुकिं नं चिधंकेत स्‍वयागु मदु। खः का, जिं छिमिगुपाखें नयेत्‍वने मयाना। जिं द्वंके लात, जितः माफ यानाब्‍यु।

२ कोरिन्‍थी 12:7

थज्‍याःगु अजू चायापुगु तःगू हे खँ खना धकाः जिं तःधंछुना जुइ धकाः जिगु म्‍हय् अतिकं तःधंगु दुःख बियादिल। थुकिं शैतानया मनुखं थें जितः म्‍हय् च्‍वाच्‍वां सुयाः तःधंछुइ मफय्‌का तल।

गलाती 6:3

थथे मयासें सुनानं थःम्‍हं थःत तःधंम्‍ह धकाः धयाजुल धाःसा वं थःम्‍हं थःत धोखा ब्‍यूगु जुइ।

एफिसी 3:2

छिमित हे न्‍यंकेत परमेश्‍वरं दया माया यानाः जितः थ्‍व भिंगु खँ न्‍यंकेगु ज्‍या बियादीगु खः धकाः ला छिमिसं सि हे स्‍यू।

एफिसी 3:4

जिं च्‍वयाहयागु थ्‍व खँ ब्‍वन धाःसा जिं ख्रीष्‍टयागु गुप्‍ति खँ गुलि स्‍यू धकाः छिमिसं सीके फइ।

एफिसी 4:16

वय्‌कलं हे यानाः फुक्‍क म्‍हब्‍व मिलय् जुयाच्‍वंगु दु, अले म्‍ह छम्‍हं माःकथं स्‍वानाच्‍वंगु दु। छता छता म्‍हब्‍वं थथःगु ज्‍या याना च्‍वंसा म्‍ह छम्‍हं स्‍वय् जिया वइ, अले थःथवय् माया यानाः न्‍ह्यज्‍याये फइ।

फिलिप्‍पी 2:13

परमेश्‍वर झीनापं ज्‍या यानादी। बांलाःगु इच्‍छां ज्‍या याकादीम्‍ह परमेश्‍वर हे खः।

कलस्‍सी 1:29

ख्रीष्‍ट येशूं बियादीगु तःधंगु शक्तिं हे जिं थथे दुःख सियाः थ्‍व ज्‍या यानाच्‍वना।

कलस्‍सी 2:13

न्‍हापा पाप यानाच्‍वंगुलिं व व्‍यवस्‍था मानय् मयाइपिं यहूदीमखुपिं जूगुलिं छिपिं सीपिं थें जुयाच्‍वंगु खः। आः धाःसा परमेश्‍वरं छिमित ख्रीष्‍टनापं तुं म्‍वाकादीगु दु। अले छिमिगु पाप फुक्‍कं क्षमा यानादीगु दु।

१ तिमोथी 1:14

ख्रीष्‍ट येशूयात यानागु विश्‍वास व मायां यानाः वय्‌कलं जितः तसकं दया यानादिल।

१ तिमोथी 2:15

अय्‌नं मिसातय्‌सं क्‍वात्तुक विश्‍वास व माया यानाः पवित्र जुयाच्‍वन धाःसा मचा बुइकीबलय् इपिं कष्‍टं बचय् जुइ।

१ तिमोथी 2:9

अथे हे मिसातय्‌सं ल्‍वय्‌कः सादा वसतं पुना जुइमा। तःजिगु तिसा, वसः पुनाः अप्‍वः समाः याना जुइ मते।

तीतस 2:12

थ्‍व हे दया मायां झीत पापं व संसारयागु ज्‍याखं लिचिकी, अले थःत कःघानाः धर्मी व परमेश्‍वरयात मानय् याइपिं जुयाः थ्‍व संसारय् म्‍वानाच्‍वने फइ।

तीतस 2:2

बुरातय्‌सं थातं च्‍वनेगु, हनेबहः जुइक सना जुइगु, थःत कःघाना च्‍वनेगु, विश्‍वास यानाच्‍वनेगु, माया यायेगु व न्‍ह्यागु खँय् नं सह यानाच्‍वनेगु यायेमाः धकाः स्‍यनेकने या।

तीतस 2:4

अथे जूसा इमिसं ल्‍यासेपिं मिसातय्‌त थः मस्‍तय्‌त व भाःतयात माया यायेगु खँ स्‍यने फइ।

तीतस 2:6

अथे हे ल्‍याय्‌म्‍हपिं मिजंतय्‌त नं थःत कःघाना च्‍वँ धकाः स्‍यनेकने या।

याकूब 4:6

परमेश्‍वरं अज्‍ज यक्‍व दया माया यानादी। धर्मशास्‍त्रय् थथे च्‍वयातःगु दु – “परमेश्‍वरयात तःधंछुया जुइपिं मनूत मयः। चिधंछुया जुइपिं मनूतय्‌त धाःसा वय्‌कलं यक्‍व दया माया यानादी।”

१ पत्रुस 1:13

अथे जूगुलिं छिमिसं थःगु मन थातय् लाकाः होश‍ यानाच्‍वँ। येशू ख्रीष्‍ट झायादीबलय् बी तिनिगु परमेश्‍वरयागु आशिषय् पूरा भरोसा तया च्‍वँ।

१ पत्रुस 4:11

नवाइम्‍हय्‌सिनं परमेश्‍वरयागु खँ जक नवाना जुइमाः। कर्पिन्‍त ग्‍वाहालि यानाजुइपिन्‍सं परमेश्‍वरं बियादीगु बलं फक्‍व ग्‍वाहालि याना जुइमाः। येशू ख्रीष्‍टयापाखें छिमिसं फुक्‍क ज्‍यां परमेश्‍वरयात तःधंका जुइमाः। परमेश्‍वर न्‍ह्याबलें तःधना च्‍वनेमा। आमेन।

१ पत्रुस 4:7

थ्‍व संसार याकनं हे मदया वनिन। उकिं मन थातय् लाकाः प्रार्थना याना च्‍वँ।

१ पत्रुस 5:5

क्‍वकालिपिं मनूतय्‌सं थकालिपिं मनूतय्‌त मानय् यायेमाः। थथःम्‍हं तुं तःधं जुया जुइगु बांमलाः। अय्‌जूगुलिं ग्‍वाहालि याये माःपिन्‍त छिमिसं ग्‍वाहालि या। थ्‍व हे खँ धर्मशास्‍त्रय् नं थथे च्‍वयातःगु दु – “परमेश्‍वरं तःधंछुना जुइपिनिगु विरोध यानादी, क्‍वमिलुपिन्‍त धाःसा दया यानादी।”

१ पत्रुस 5:8

अय्‌नं थःगु मन बल्‍लाका च्‍वँ, होश‍ यानाच्‍वँ। छिमि शत्रु, शैतानं छिमित फतिंफतलय् स्‍यंकेत स्‍वयाच्‍वंगु दु। नये मखंम्‍ह सिंह थें शैतानं नं सुयातं स्‍यंके फइ ला धकाः माः जुयाच्‍वंगु दु।

३ यूहन्‍ना 1:9

न्‍हापा नं जिं आम्‍कन च्‍वंगु मण्‍डलीयात पौ च्‍वया हये धुन। तर छिपिं मध्‍ये तःधंछुया जुइमाःम्‍ह डियोत्रिफसं जिगु खँय् च्‍यूताः मतः।