रोमी 11:4 - नेवाः बाइबल

⁴ परमेश्‍वरं वयात छु लिसः बियादिल? “बालद्यःयात पुजा मयाइपिं न्‍हय्‌द्वः मनूतय्‌त जिं ल्‍यंकातयागु दु।”

रोमी 11:4 ပူးပေါင်းရင်းမြစ်များ

१ राजा 16:31

नबातया काय् यारोबामं याःगु पाप वयागु निंतिं कम खः। वं सीदोनीतय् जुजु एताबालया म्‍ह्याय् ईजेबेलयात ब्‍याहा यात अले बालद्यःयात पुजा यानाः अझ अप्‍वः पाप यात।

१ राजा 19:10

वं लिसः बिल, “दक्‍व शक्ति दुम्‍ह परमप्रभु परमेश्‍वरया निंतिं जिके यक्‍व जोश दु, इस्राएलीतय्‌सं छिगु बाचायात त्‍वःतूगु दु, छिगु वेदीत थुनाब्‍यूगु दु अले छिकपिनि अगमवक्तातय्‌त तरवारं स्‍याःगु दु। जि जक ल्‍यंदनि, इमिसं जितः नं स्‍यायेत स्‍वयाच्‍वंगु दु।”

१ राजा 19:18

अय्‌नं जिं इस्राएलय् न्‍हय्‌द्वःम्‍ह (७,०००) बचय् यानातये। थुपिं फुक्‍क बालया न्‍ह्यःने छ्यं क्‍वःमछुकुपिं व वयात चुप्‍पा मनःपिं खः।”

यशैया 4:3

सियोनय् त्‍वःताथकूपिं व यरूशलेमय् ल्‍यनाच्‍वंपिं अथे धइगु यरूशलेमय् च्‍वंपिं धकाः नां च्‍वयातःपिं फुक्‍कसित पवित्रपिं मनूत धकाः धाइ।

यर्मिया 19:5

इमिसं थः काय्‌पिन्‍त बालद्यःया लागि मिइ होमबलि छायेत बालद्यःयात पुजा याइगु थाय्‌त दय्‌कूगु दु। अथे यायेत जिं धयागु मदु, मतिइ तयागु नं मदु अले जिगु नुगलय् थज्‍याःगु खँ गुबलें दुहां नं मवं।

होशे 13:1

एफ्राइम कुलं नवाइबलय् मनूत ग्‍यानाः थरथर खाइगु। इस्राएलय् एफ्राइम कुलयात तःधंकल, तर बालद्यःयात पुजा याःगुलिं इपिं दोषी जुल, अले इपिं सित।

होशे 2:8

वयात अन्‍न, न्‍हूगु दाखमद्य व जैतूनया चिकं ब्‍यूम्‍ह अले इमिसं बालद्यःयात पुजा यायेत छ्यःगु लुँ व वहः वयात यक्‍व अप्‍वः ब्‍यूम्‍ह जि हे खः धकाः वं गुबलें मानय् मयाः।

सपन्‍याह 1:4

“यहूदाया विरोधय् अले यरूशलेमय् च्‍वंपिं सकल मनूतय्‌गु विरोधय् जिं थःगु ल्‍हाः ल्‍ह्वने। अले थ्‍व थासं बालद्यःया ल्‍यंदुपिन्‍त व मूर्ति व द्यः पुज्‍याइपिं पुजाहारीतय्‌गु लुमन्‍ति हे ल्‍यं मदय्‌क न्‍हंकाछ्वये।

गन्‍ती 25:3

थुकथं इस्राएलीतय्‌सं पोरया बालद्यःया पुजाय् ब्‍वति काल। अले इस्राएलीतलिसें परमप्रभु तंचायादिल।

व्‍यवस्‍था 4:3

बाल-पोरय् परमप्रभुं छु यानादिल व छिमिसं थःगु हे मिखां खंगु दु। पोरया बालद्यःया ल्‍यू जूपिं सकलें मनूतय्‌त परमप्रभु परमेश्‍वरं छिमिगु दथुं नाश यानादिल।

न्‍यायकर्ता 2:13

इमिसं परमप्रभुया आराधना यायेगु त्‍वःताः बाल द्यःतय्‌त व अश्‍तोरेत द्यःमय्‌जुतय्‌त पुजायात।