रोमी 10:1 - नेवाः बाइबल

¹ यःपिं दाजुकिजापिं, यहूदीत नं बचय् जुइमा धयागु जिगु इच्‍छा दुगुलिं परमेश्‍वरं इमित बचय् यानादीमा धकाः प्रार्थना यानाच्‍वनागु खः।

रोमी 10:1 ပူးပေါင်းရင်းမြစ်များ

यूहन्‍ना 5:34

जिगु लागि सुनानं साक्षी बी म्‍वाः। अय्‌नं छिपिं बचय् जुइमा धकाः जिं थथे धयाच्‍वनागु खः।

यर्मिया 18:20

छु! भिंया पलेसा मभिं याइ ला? अय्‌नं इमिसं जिगु प्राणया निंतिं गाः म्‍हूगु दु। इपिंपाखें छिगु तं चीकाछ्वयेगु लागि जिं इमिगु पंलिनाः नवायेत जि छिगु न्‍ह्यःने दना। व लुमंकादिसँ।

प्रस्‍थान 32:13

अब्राहाम, इसहाक व याकूबयात छिं थःगु नामं पाफयाः ‘जिं छिमि सन्‍तान आकाशय् च्‍वंगु नगु थें अप्‍वः दय्‌काबी, जिं बाचा यानागु थ्‍व हे देश छिमि सन्‍तानयात बी अले इमिसं न्‍ह्याबलें अन हे अधिकार याइ धकाः धयादीगु खँ लुमंकादिसँ।’”

लूका 13:34

“हे यरूशलेमय् च्‍वंपिं मनूत, छिमिसं अगमवक्तातय्‌त स्‍याना छ्वत, अले परमेश्‍वरं छ्वयाहयादीपिं दूततय्‌त ल्‍वहँतं कय्‌काः स्‍याना छ्वत। जिं छिमित माखां थः खाचातय्‌त त्‍वपुया तः थें गुलि बचय् यायेत स्‍वये धुन। अय्‌नं छिपिं मानय् मजू।

यर्मिया 17:16

छिम्‍ह फैजवाः जुइगुपाखें जि बिस्‍युं वनागु मदु। जिं निराशया दिंया इच्‍छा यानागु मदु धकाः छिं स्‍यू। हे परमप्रभु, जिं छु धया व छिगु हे न्‍ह्यःने धाःगु खः धकाः छिं स्‍यू।

१ शमूएल 12:23

जिगु लागि धाःसा, छिमिगु निंतिं प्रार्थना यायेगु त्‍वःताः परमप्रभुया न्‍ह्यःने पाप यायेगु न्‍हि जिपाखें तापाक हे जुइमा। छु यायेगु पाय्‌छि जू अले छु यायेगु भिं व जिं छिमित स्‍यनेकने याये।

१ शमूएल 15:35

शमूएल थः मसीतले हाकनं गुबलें शाऊलयात नापलाः मवन। तर वं शाऊलया निंतिं दुखं च्‍वना हे च्‍वन। अनंलि शाऊलयात इस्राएलीतय् जुजु दय्‌काःगुलिं परमप्रभु तसकं पस्‍ताय् चाल।

१ शमूएल 15:11

“शाऊलयात जुजु यानाः जि तसकं पस्‍ताय् चाःगु दु, छाय्‌धाःसा व जिपाखें तापाक वंगु दु, अले वं जिगु आज्ञा मानय् याःगु नं मदु।” शमूएलयात छु धाये छु धाये जुल, अले वं चच्‍छि ख्‍वयाः परमप्रभुयात बिन्‍ति यात।

प्रस्‍थान 32:10

आः जितः पने मते, छाय्‌धाःसा जिगु तं मि थें च्‍यानाच्‍वंगु दु। जिं इमित भस्‍म यानाछ्वये। अले छपाखें हे जिं तःधंगु जाति दय्‌के।”

रोमी 9:33

थथे नं च्‍वयातःगु दु – “जिं सियोनय् इमित लुफिं हाकेत छगः ल्‍वहं व क्‍वथलेत छगः ल्‍वहंधी तयाच्‍वना। वय्‌कःयात विश्‍वास यानाजुइपिन्‍सं धाःसा गुब्‍सं लज्‍या चाय् माली मखु।”

रोमी 10:2

परमेश्‍वरयागु निंतिं इमिके जोश दु जिं थुकिया साक्षी बी। अय्‌नं इमिसं बांलाक थुइका सय्‌कातःगु मदु।