रोमी 1:9 - नेवाः बाइबल

⁹ जिं प्रार्थना यायेबलय् छिमित गुबलें हे नं ल्‍वःमंकागु मदु धकाः जिं मानय् यानाच्‍वनाम्‍ह परमेश्‍वरं स्‍यू। वय्‌कःया काय्‌यागु भिंगु खँ न्‍यंकाः जिं दुनुगलंनिसें वय्‌कःया सेवा यानाच्‍वनागु दु।

रोमी 1:9 ပူးပေါင်းရင်းမြစ်များ

अय्‍यूब 16:19

आः नं स्‍वर्गय् जिगु साक्षी दी। जिगु निंतिं लिसः बीत च्‍वय् छम्‍ह वकील तयार दु।

मर्कूस 1:1

परमेश्‍वरया काय् येशू ख्रीष्‍टयागु भिंगु खँ थुकथं शुरु जुइ।

लूका 18:1

अले येशूं चेलातय्‌सं न्‍ह्याबलें प्रार्थना यानाच्‍वनेमा, अले प्रार्थना यायेगु मत्‍वःतेमा धकाः ध्‍वाथुइकेत छगू उखान कनादिल।

प्रेरित 12:5

पत्रुसयात झ्‍यालखानाय् कुनातःबलय् मण्‍डलीइ च्‍वंपिन्‍सं वयात त्‍वःताब्‍यु धकाः परमेश्‍वरयाके प्रार्थना यानाच्‍वन।

प्रेरित 19:21

अनं लिपा पावलं माकेडोनिया व अखैया जुयाः यरूशलेमय् वनेगु क्‍वःछिनाः – “यरूशलेमय् वने धुंकाः जि रोमय् नं छकः वने” धकाः धाल।

प्रेरित 24:14

“अय्‌नं इमिसं धाःगु छता खँ ला जिं नं खः धकाः धाये। जिं नं जिमि तापाःबाज्‍यापिन्‍सं मानय् याना वःम्‍ह परमेश्‍वरयागु आराधना यानागु खः, गुकियात इमिसं ‘नासरी पुचः’ धकाः धयाजुल। मोशायागु व्‍यवस्‍था व अगमवक्तां च्‍वया थकूगु फुक्‍क खँय् जिं विश्‍वास याना।

प्रेरित 27:23

जिं आराधना यानाच्‍वनाम्‍ह जिम्‍ह परमेश्‍वरया छम्‍ह स्‍वर्गदूतं म्‍हिगः चान्‍हय् वयाः जितः थथे धाल –

प्रेरित 3:26

परमेश्‍वरं सी धुंकूम्‍ह थःकाय्‌यात हानं म्‍वाकाः न्‍हापालाक छिकपिन्‍थाय् छ्वयाहयादिल। छिकपिन्‍त पापया ज्‍यां लिचिकाः आशिष बीत थथे यानादीगु खः।”

रोमी 9:1

जि ख्रीष्‍टयाम्‍ह मनू जूगुलिं जिं सत्‍य खँ ल्‍हाना च्‍वना। जिं मखुगु खँ धयाच्‍वनागु मखु। जिके पवित्र आत्‍मा दीगुलिं जिगु विवेकं थ्‍व खँ धात्‍थें खः धकाः साक्षी बी।

२ कोरिन्‍थी 1:23

जिगु नुगलय् च्‍वंगु फुक्‍क खँ स्‍यूम्‍ह परमेश्‍वरयात साक्षी तयाः जिं धयाच्‍वना। छिमित ब्‍वःबियाः छिमिगु नुगः ख्‍वय्‌के मास्‍ति मवःगुलिं जि आम्‍कन कोरिन्‍थय् मवयागु खः।

२ कोरिन्‍थी 11:31

जिं थथे धयाच्‍वनागु खँ मखुगु मखु धकाः सदां तःधंके बहःम्‍ह परमेश्‍वर प्रभु येशूया बाः नं स्‍यू।

गलाती 1:20

जिं धयाच्‍वनागु थ्‍व खँ धात्‍थें खः। परमेश्‍वरया न्‍ह्यःने जिं मखुगु खँ ल्‍हाये मखु।

एफिसी 6:18

न्‍ह्याबलें छिमिसं पवित्र आत्‍मायागु शक्ति कयाः प्रार्थना या, अले परमेश्‍वरयागु ग्‍वाहालि फ्‍वँ। होशियार जु, अले न्‍ह्याथासय् च्‍वंपिं विश्‍वासीतय्‌गु निंतिं मदिक्‍क प्रार्थना या।

फिलिप्‍पी 1:3

छिमिगु लुमन्‍तिइ जिं परमेश्‍वरयात न्‍ह्याबलें सुभाय् बियाच्‍वनागु दु।

फिलिप्‍पी 1:4

छिमिगु निंतिं जिं न्‍ह्याबलें लय्‌लय्‌तातां प्रार्थना यानाच्‍वनागु दु।

फिलिप्‍पी 2:22

तिमोथी गज्‍याःम्‍ह मनू खः धकाः ला छिमिसं सि हे स्‍यू। छम्‍ह काय्‌नं थः बौनाप ज्‍या याये थें वं जि नाप भिंगु खँ न्‍यंकाजुल।

फिलिप्‍पी 3:3

धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।

१ थेसलोनिकी 1:2

प्रार्थना यायेबलय् जिमिसं न्‍ह्याबलें छिमित लुमंकाः परमेश्‍वरयात सुभाय् बियाच्‍वनागु दु।

१ थेसलोनिकी 3:10

चान्‍हिं जिमिसं दुनुगलंनिसें आम्‍कन वये दयेमा धकाः परमेश्‍वरयाके फ्‍वनाच्‍वनागु दु। थुकथं छिमिगु विश्‍वासय् मगाः मचाःगु नं तना बीदइगु खः।

१ थेसलोनिकी 5:17

न्‍ह्याबलें प्रार्थना याना च्‍वँ।

१ तिमोथी 2:7

थ्‍व हे ज्‍या यायेत जितः भिंगु खँ न्‍यंकः जुइम्‍ह व प्रेरित यानादिल। जिं धात्‍थेंगु खँ धयाच्‍वनागु खः, मखुगु खँ ल्‍हानागु मखु। यहूदीमखुपिन्‍त थ्‍व हे धात्‍थेंगु खँ कनाः विश्‍वास याकेत जितः गुरु ल्‍ययातःगु खः।

२ तिमोथी 1:3

जिं जिमि तापाःबाज्‍यापिन्‍सं थें दुनुगलंनिसें परमेश्‍वरयागु ज्‍या यानाच्‍वनागु दु। प्रार्थना यायेबलय् जिं छन्‍त लुमंकाः चान्‍हिं परमेश्‍वरयात सुभाय् बियाच्‍वनागु दु।

फिलेमोन 1:4

प्रार्थना यायेबलय् जिं छन्‍त लुमंकाः न्‍ह्याबलें प्रभुयात सुभाय् बियाच्‍वनागु दु।

१ शमूएल 12:23

जिगु लागि धाःसा, छिमिगु निंतिं प्रार्थना यायेगु त्‍वःताः परमप्रभुया न्‍ह्यःने पाप यायेगु न्‍हि जिपाखें तापाक हे जुइमा। छु यायेगु पाय्‌छि जू अले छु यायेगु भिं व जिं छिमित स्‍यनेकने याये।