रोमी 1:6 - नेवाः बाइबल

⁶ वय्‌कःया मनूत यायेत छिपिं रोमय् च्‍वंपिन्‍त नं येशू ख्रीष्‍टं सःतादीगु दु।

रोमी 1:6 ပူးပေါင်းရင်းမြစ်များ

रोमी 9:24

थथे सःतेत ल्‍ययातःपिं झीपिं हे खः। यहूदीत जक मखु, यहूदीमखुपिन्‍त नं वय्‌कलं सःतादिल।

१ कोरिन्‍थी 1:9

परमेश्‍वर विश्‍वास याये बहःम्‍ह खः। वय्‌कलं हे थःकाय्, झी प्रभु येशू ख्रीष्‍टनाप झीत मिलय् यानादीगु खः।

गलाती 1:6

छिपिं खनाः जि अजू चायाच्‍वनागु दु। गुलि याकनं छिपिं छिमित येशू ख्रीष्‍टपाखें दया माया यानाः सःतादीम्‍ह परमेश्‍वरपाखें फहिलावन। अले मेगु हे भिंगु खँयात विश्‍वास याः जुयाच्‍वन।

एफिसी 1:11

परमेश्‍वरं थ्‍व फुक्‍क न्‍हापा हे क्‍वःछिना तःकथं यानादीगु खः। वय्‌कलं झीत न्‍हापांनिसें हे ख्रीष्‍टनाप मिलय् यानाः थः मनू यायेत ल्‍ययादीगु खः।

कलस्‍सी 1:21

छिपिं नं न्‍हापा मभिंगु ज्‍याखँय् जुयाः परमेश्‍वर नाप तापानाः वय्‌कःया शत्रु जुयाच्‍वंगु खः।

कलस्‍सी 1:6

गथे छिमिसं सत्‍य वचन व परमेश्‍वरयागु धात्‍थेंयागु दया मायायात बांलाक थुइका काल, अथे हे थ्‍व भिंगु खँ फुक्‍कभनं न्‍यनावनाच्‍वंगु दु। अले थुकिं इमिगु नुगलय् बांलाक ज्‍या यानाच्‍वंगु दु।

१ थेसलोनिकी 2:12

छिमिसं परमेश्‍वरयात यःथें याना जुइ फयेमा धकाः जिमिसं छिमित गुलि अर्ती व साहस बिया। वय्‌कलं हे छिमित थःगु राज्‍यय् दुकायेत व तःधंकेत सःतादीगु खः।

२ थेसलोनिकी 2:14

थुकियागु निंतिं हे वय्‌कलं जिमिगुपाखें भिंगु खँ न्‍यंकाः छिमित झी प्रभु येशू ख्रीष्‍टनापं तुं तःधंकेत सःतादीगु खः।

२ तिमोथी 1:9

थ्‍व हे परमेश्‍वरं झीत बचय् यानाः वय्‌कःया मनूत यायेत सःतादिल। झीसं यानागु धर्मकर्मं यानाः मखु, बरु वय्‌कलं हे दया माया यानाः झीत बचय् यानादीगु खः। सृष्‍टि जुइ न्‍ह्यः हे ख्रीष्‍ट येशूं झीत थ्‍व दया माया बियादीगु खः।

हिब्रू 3:1

यःपिं दाजुकिजापिं, छिमित हे खः, परमेश्‍वरं सःतादीगु। झीसं विश्‍वास यानाच्‍वनाम्‍ह येशूयात हे परमेश्‍वरं छ्वयाहयाः दकलय् तःधंम्‍ह पुजाहारी यानादिल। वय्‌कःयाके थःगु मन तया च्‍वँ।

१ पत्रुस 2:21

थथे यायेत हे छिमित परमेश्‍वरं ल्‍ययादीगु खः। अय्‌जूगुलिं ख्रीष्‍ट थः हे नमूना जुयाः छिमिगु निंतिं दुःखकष्‍ट फयादिल। उकिं छिमिसं नं वय्‌कलं थें याये माल।

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।

२ पत्रुस 1:10

अय्‌जूगुलिं यःपिं दाजुकिजापिं, छिमित परमेश्‍वरं हे सःताः ल्‍ययादीगु खः धकाः क्‍यनेत कुतः या। थथे यात धाःसा छिपिं गुबलें हे क्‍वदली मखु।

यहूदा 1:1

याकूबया किजा व येशू ख्रीष्‍टया दास यहूदापाखें परमेश्‍वरं सःतादीपिन्‍त, परमेश्‍वर बाःनं माया यानातःपिन्‍त, अले येशू ख्रीष्‍टं बचय् यानातःपिन्‍त ज्‍वजलपा।

प्रकाश 17:14

थुपिं चीधिकःम्‍ह भ्‍याःचा नाप ल्‍वाः वइ। चीधिकःम्‍ह भ्‍याःचां थुमित बुका छ्वइ, छाय्‌धाःसा वय्‌कः प्रभुतय् नं प्रभु व जुजुतय् नं जुजु खः। वय्‌कः नाप दुपिं सःतातःपिं, ल्‍ययातःपिं व विश्‍वास यायेबहःपिं खः।”