रोमी 1:5 - नेवाः बाइबल

⁵ वय्‌कःयागु नां दक्‍व जात जातिया मनूतय्‌त न्‍यंकाः विश्‍वास याःपिन्‍सं वय्‌कःयात मानय् यायेमाः धकाः धया बीत वय्‌कलं हे जिमित दया माया यानाः प्रेरित दय्‌कादिल।

रोमी 1:5 ပူးပေါင်းရင်းမြစ်များ

मलाकी 1:11

“सूर्य लुया वइगु थासंनिसें सूर्य बिनावनीगु थाय् तक जात जातितय्‌गु दथुइ जिगु नां तःधनी। फुक्‍क थासय् जिगु नामय् धुपाँय् च्‍याकी अले नाले बहःगु देछा छाइ, छाय्‌धाःसा जाति जातितय् दथुइ जिगु नां तःधनी,” दक्‍व शक्ति दुम्‍ह परमप्रभुं धयादी।

मलाकी 1:14

“थःगु बथानय् बी धकाः भाकल याःम्‍ह ख्‍वं मदुम्‍ह मिजं पशु दय्‌क दय्‌कं जिगु निंतिं ख्‍वं दुम्‍ह पशु बां बीम्‍ह छल याइम्‍हय्‌सित सराः लाइ। छाय्‌धाःसा जि दकलय् तःधंम्‍ह जुजु खः, फुक्‍क जातियापिं मनूत जि खनाः ग्‍या,” दक्‍व शक्ति दुम्‍ह परमप्रभुं धयादी।

यूहन्‍ना 1:16

वय्‌कःयागु गुबलें मसुइगु दया मायायागु धुकुतिं झीसं यक्‍व दया माया काये खंगु दु।

प्रेरित 1:25

यहूदा थ्‍व ज्‍या त्‍वःताः गन वनेमाःगु खः अन वने धुंकूगुलिं वया थासय् ज्‍याय् तयेत व प्रेरित यायेत गुम्‍ह मनू ज्‍यू, धयादिसँ?”

प्रेरित 15:14

परमेश्‍वर हे यहूदीमखुपिन्‍थाय् झायाः इमित थः मनूत यानादिल धकाः सिमोनं धाये हे धुंकल।

प्रेरित 6:7

परमेश्‍वरयागु वचन फुक्‍क थासय् बय्‌बय् जुयाः वन। थुकथं यरूशलेमय् चेलात यक्‍व हे दयावल। हानं पुजाहारीत नं यक्‍वसिनं हे विश्‍वास यात।

प्रेरित 9:15

तर प्रभुं वयात धयादिल – “छ हुँ छाय्‌धाःसा यहूदीमखुपिन्‍त, जुजुपिन्‍त व इस्राएलीतय्‌त नं जिगु नां न्‍यंके छ्वयेत जिं थ्‍व मनूयात ल्‍ययागु दु।

रोमी 12:3

परमेश्‍वरं जितः दया माया यानादीगुलिं छिपिं फुक्‍कसिनं थःत तःधंम्‍ह धकाः मतिइ तया जुइ मते धकाः जिं छिमित बिन्‍ति यानाच्‍वना। परमेश्‍वरं छिमित बियादीगु विश्‍वास गपाय्‌धंगु खः उलि हे जक बांलाक बिचाः या।

रोमी 16:26

थ्‍व हे गुप्‍त खँ आः फुक्‍क मनूतय्‌त सीके बीत अगमवक्तातय्‌सं च्‍वया थकूगु दु। सदां दयाच्‍वनीम्‍ह परमेश्‍वरं फुक्‍क जात जातियापिन्‍त सीके बीत, अले विश्‍वास यानाः वय्‌कःयात मानय् यायेत थ्‍व भिंगु खँ बय्‌बय् यायेमाः धकाः आज्ञा बियादीगु दु।

रोमी 3:29

छु परमेश्‍वर यहूदीतय् जक परमेश्‍वर खः ला? वय्‌कः यहूदीमखुपिं मनूतय् परमेश्‍वर मखु ला? वय्‌कः यहूदीमखुपिं मनूतय् नं परमेश्‍वर खः।

१ कोरिन्‍थी 15:10

अथेसां परमेश्‍वरं जितः दया माया यानादीगुलिं जि थथे जुइ खन। वय्‌कलं जितः दया माया यानादीगु नं ला जिं सितिं मछ्वया। फुक्‍क प्रेरिततय्‌सं स्‍वयाः नं जिं यक्‍व दुःख सियाः ज्‍या यानाच्‍वनागु दु। जिं हे जक ला थथे ज्‍या यानाच्‍वनागु मखु, बरु जितः ज्‍या याकातःगु ला परमेश्‍वरयागु दया मायां खः।

१ कोरिन्‍थी 9:2

मेपिन्‍सं जितः प्रेरित धकाः मानय् मयाःसां छिमिसं ला जितः मानय् यानाच्‍वंगु दु। छिमिसं प्रभुयात विश्‍वास यानाः ज्‍या यानाच्‍वंगुलिं हे नं जि छम्‍ह प्रेरित खः धकाः बांलाक सी दु।

एफिसी 1:12

झीपिं ख्रीष्‍टयाके भरोसा तयापिं दक्‍वसिबय् न्‍हापां हे ल्‍ययातःपिं खः। उकिं परमेश्‍वरयात झीसं तःधंके।

एफिसी 1:6

वय्‌कलं झीत थथे तःधंगु दया माया यानादीगुलिं झीसं वय्‌कःयात तःधंकेमाः। वय्‌कलं थः यःम्‍ह काय्‌पाखें झीत दया माया यानादिल।

हिब्रू 5:9

अले छकः फुक्‍क पूवंम्‍ह जुयादी धुंकाः वय्‌कः थःगु आज्ञा मानय् याइपिन्‍त सदां दयाच्‍वनीगु मुक्ति बियादीम्‍ह जुयादिल।