रोमी 1:2 - नेवाः बाइबल

² थ्‍व हे भिंगु खँ न्‍हापांनिसें हे परमेश्‍वरं वय्‌कःया अगमवक्तातय्‌त धर्मशास्‍त्रय् च्‍वकाः थथे यानादी धकाः धयादीगु खः।

रोमी 1:2 ပူးပေါင်းရင်းမြစ်များ

मत्ती 1:22

परमप्रभुं अगमवक्तापाखें धयादीगु खँ पूवनेत हे थथे जूवःगु खः –

लूका 1:70

थथे जुइ धकाः ला वय्‌कलं न्‍हापा हे पवित्रपिं अगमवक्तातय्‌गु म्‍हुतुं न्‍ववानादीगु खः।

प्रेरित 10:43

न्‍हापायापिं अगमवक्तातय्‌सं नं येशूयात विश्‍वास याःपिं मनूतय्‌गु पाप वय्‌कःयागु नामं जक क्षमा जुइफु धकाः धयावंगु दु।”

प्रेरित 13:32

“आः जिमिसं परमेश्‍वरं झी तापाःबाज्‍यापिन्‍त बी धकाः धयादीगु थ्‍व हे भिंगु खँ छिमित कं वयाच्‍वना।

प्रेरित 26:6

परमेश्‍वरं झी तापाःबाज्‍यापिन्‍त बियादीगु वचनय् आशा यानागुलिं थौं थथे ज्‍वंकाः न्‍याय याका च्‍वनेमाल।

रोमी 16:26

थ्‍व हे गुप्‍त खँ आः फुक्‍क मनूतय्‌त सीके बीत अगमवक्तातय्‌सं च्‍वया थकूगु दु। सदां दयाच्‍वनीम्‍ह परमेश्‍वरं फुक्‍क जात जातियापिन्‍त सीके बीत, अले विश्‍वास यानाः वय्‌कःयात मानय् यायेत थ्‍व भिंगु खँ बय्‌बय् यायेमाः धकाः आज्ञा बियादीगु दु।

रोमी 3:2

न्‍ह्याखें नं इमित फाइदाया फाइदा जक दु। दकलय् न्‍हापालाक यहूदीतय्‌त हे परमेश्‍वरयागु वचन लः ल्‍हानातःगु खः।

रोमी 3:21

आः ला व्‍यवस्‍था मानय् याये म्‍वाय्‌क हे परमेश्‍वरं फुक्‍कसितं धर्मी ठहरय् यानादी धयागु खँ सी दये धुंकूगु दु। व्‍यवस्‍था ब्‍यूम्‍ह मोशां व अगमवक्तातय्‌सं नं थथे जुइतिनि धकाः न्‍हापा हे च्‍वयातःगु दु।

तीतस 1:2

गुबलें मखुगु खँ ल्‍हाना मदीम्‍ह परमेश्‍वरं न्‍हापांनिसें हे झीत अनन्‍त जीवन बियादी धकाः धयादीगु खः।