प्रकाश 9:8 - नेवाः बाइबल

⁸ इमिगु सँ नं मिसातय्‌गु सँ थें ताहा। इमिगु वा नं सिंहयागु वा थें च्‍वं।

प्रकाश 9:8 ပူးပေါင်းရင်းမြစ်များ

२ राजा 9:30

येहू यिजरेलय् वन। ईजेबेलं वयागु बारे न्‍यनाः थःगु मिखाय् अजः तल, अले सँ छ्यनाः झ्‍यालं क्‍वय् स्‍वल।

भजनसंग्रहया सफू 57:4

जि मनू नइपिं सिंह थज्‍याःपिं शत्रुतय्‌गु दथुइ च्‍वंच्‍वनागु दु। थुमिगु वा भाला व वाण थें च्‍वं। थुमिगु मे ज्‍वःगु तरवार थें च्‍वं।

यशैया 3:24

नस्‍वाःगु अत्तरया पलेसा ध्‍वग्‍गीगु नवःगु जुइ, बांलाःगु जँनीया पलेसा खिपः जुइ, बांलाःक सँप्‍वः थुनातःगु सँया पलेसा सुचुक्‍क खाना तःगु सँ जुइ, बांलाःगु वसःया पलेसा बोराया वसः फीगु जुइ। इमिगु बांलाःसू लज्‍याय् हिलावनी।

योएल 1:6

अल्‍याख मनूत दुगु छगू बल्‍लाःगु जातिं जिगु देशयात हमला याःगु दु। वयागु वा मिजंम्‍ह सिंहया वाथें च्‍वं अले वयागु धँवा मिसाम्‍ह सिंहयागु थें च्‍वं।

रोमी 9:29

यशैयां हानं थथे धयातःगु दु – “दक्‍व शक्ति दुम्‍ह परमेश्‍वरं झीत सन्‍तान ल्‍यंका मदीगु जूसा सदोम व गमोरायागु गति जू थें तुं झीगु नं अथे हे गति जुइगु खः।”

१ तिमोथी 2:9

अथे हे मिसातय्‌सं ल्‍वय्‌कः सादा वसतं पुना जुइमा। तःजिगु तिसा, वसः पुनाः अप्‍वः समाः याना जुइ मते।

१ पत्रुस 3:3

छिमिसं पिने जक सँ छ्यनाः तिसां तियाः व वसतं बांलाका जुइ मते।