प्रकाश 9:3 - नेवाः बाइबल

³ थ्‍व कुं पृथ्‍वीइ क्‍वःबुइँचात पिहां वल। इमित पृथ्‍वीइ च्‍वंपिं बिच्‍छितय्‌गु थें ज्‍याःगु शक्ति बिल।

प्रकाश 9:3 ပူးပေါင်းရင်းမြစ်များ

१ राजा 12:11

जिमि बौनं छिमित झ्‍यातुगु कु क्‍वबिकल, जिं छिमित थ्‍व स्‍वयाः झन झ्‍यातुगु कु क्‍वबिकाबी। वय्‌कलं छिमित कोर्रां दाय्‌कादीगु खः तर जिं छिमित झन कं दुगु कोर्रां दाय्‌काबी।’”

२ इतिहास 10:11

जिमि अबुं छिमित झ्‍यातुगु जुवा क्‍वबिकादीगु खः, तर जिं उगु जुवायात झन झ्‍यातुइकाबी। जिमि अबुं छिमित कोर्रां दाय्‌कादीगु खः, तर जिं छिमित बिच्‍छितय्‌सं न्‍याकाबी।”

२ इतिहास 10:14

जिमि अबुं छिमित झ्‍यातुगु जुवा क्‍वबिकादीगु खः, तर जिं उगु जुवायात झन झ्‍यातुइकाबी। जिमि अबुं छिमित कोर्रां दाय्‌कादीगु खः, तर जिं छिमित बिच्‍छितय्‌सं न्‍याकाबी।

यशैया 33:4

हे जाति जातिया मनूत, छिमिसं लुतय् यानाः लयाहःगु बाली चिचीधिकःपिं क्‍वःबुइँचां नयाब्‍यू थें जुइ। क्‍वःबुइँचा थें मनूत उकी झम्‍ते याः वनी।

इजकिएल 2:6

“अय् सीमानिम्‍ह मनू, इपिं खनाः ग्‍याये मते अले इमिगु खँ न्‍यनाः ग्‍याये मते! छंगु प्‍यखें कंमा व कं दुसां वा बिच्‍छितय्‌गु दथुइ च्‍वनेमाःसां छ ग्‍याये मते! इमिसं न्‍ह्यागु धाःसां छ ग्‍याये मते! खः ला, इपिं विद्रोही सन्‍तान खः।

योएल 1:4

चाइपिं क्‍वःबुइँचातय्‌सं गुलि त्‍वःताथकूगु खः, व पुचलय् वःपिं क्‍वःबुइँचातय्‌सं नयावन। पुचलय् वःपिं क्‍वःबुइँचातय्‌सं गुलि त्‍वःताथकूगु खः, व तिंन्‍हुइपिं क्‍वःबुइँचातय्‌सं नयाबिल। तिन्‍हुइपिं क्‍वःबुइँचातय्‌सं गुलि त्‍वःताथकूगु खः, व स्‍यंकीपिं क्‍वःबुइँचातय्‌सं नयाबिल।

योएल 2:25

“गुगु बालियात पुचलय् च्‍वनीपिं, प्‍वाथं चुया जुइपिं, स्‍यंकीपिं व चाइपिं तःधंगु पुचयापिं क्‍वःबुइँचात अर्थात जिं छिमिगु दथुइ छ्वयाहयापिं जिगु तःधंगु सेनां नःगु खः, जिं छिमित उपिं दँया पलेसा पुलाबी।

नहूम 3:15

तर छं न्‍ह्यागु याःसां छन्‍त मिं भस्‍म याइ, अले छन्‍त तरवारं स्‍याइ, थुकिं छिमित क्‍वःबुइँचां थें नयाबी। छ क्‍वःबुइँचां थें ल्‍याखय् यक्‍व दःसां सुं बचय् जुइ फइ मखु।

नहूम 3:17

छंगु सुरक्षाया निंतिं तयातःपिं ला क्‍वःबुइँचां थें खः, छंगु हाकिमत लाः क्‍वःबुइँचाया बथां थें खः, गुपिं चिकुलाबलय् अंगलय् प्‍यपुना च्‍वनी, निभाः लुया वइबलय् उपिं दक्‍वं ब्‍वयावनी, इपिं गन वन धकाः सुनानं सी मखु।

लूका 10:19

न्‍यँ, जिं छिमित सर्प, बिच्‍छी व शत्रुतय्‌गु न्‍ह्याथें ज्‍याःगु शक्तियात नं न्‍हुइ फइगु अधिकार बियातयागु दु। अय्‌जूगुलिं छिमित छुकिं नं स्‍यंके फइ मखु।

व्‍यवस्‍था 8:15

वय्‌कलं छिमित बिख दुपिं सर्प व बिच्‍छी दुगु, लः मदुगु व गंगु बँ दुगु भरायधंगु व ग्‍यानपुसे च्‍वंगु मरुभूमिया दथुं हयादिल। वय्‌कलं छिमिगु निंतिं छाःगु ल्‍वहँतं लः पिकयादिल।

प्रकाश 9:5

इमित स्‍यायेत हे ला मखु, न्‍याला तक सह याये हे मफय्‌क सास्‍ती बीत अधिकार बियातःगु दु। इमित सास्‍ती जुइबलय् बिच्‍छिं न्‍याः थें जुइ।

प्रकाश 9:7

थ्‍व क्‍वःबुइँचात लडाइँलय् वनेत्‍यंपिं सल थें च्‍वं। इमिगु छेनय् लुँयागु श्रीपेच थें च्‍वंगु खने दु। इमिगु ख्‍वाःपाः मनूतय्‌गु ख्‍वाःपाः थें च्‍वं।

न्‍यायकर्ता 7:12

मिद्यानीत, अमालेकीत व पुर्बयापिं जातित क्‍वःबुइँचाया हुल थें ग्‍वाः ग्‍वाः मुनाः च्‍वनाच्‍वंगु जुयाच्‍वन। इमिके समुद्र सिथया फि ति हे अल्‍याख ऊँटत दु।