प्रकाश 9:2 - नेवाः बाइबल

² अले वं व तसकं हे तःजाःगु गाः चाय्‌कूबलय् तसकं च्‍यानाच्‍वंगु भट्टिं कुँत्‍याः वः थें वःगुलिं सूर्य व आकाश छुं हे खने मदय्‌क खिउँगुलिं त्‍वपुल।

प्रकाश 9:2 ပူးပေါင်းရင်းမြစ်များ

उत्‍पत्ति 15:17

निभाः बिनाः खिउँसे च्‍वन। अबलय् अब्रामं निब्‍व थलाः तयातःगु लाया दथुं कुँ पिहां वयाच्‍वंगु छगः मकः व च्‍यानाच्‍वंगु मिप्‍वाः छप्‍वाः वंगु खन।

उत्‍पत्ति 19:28

वं सदोम व गमोराया फुक्‍क थासय् स्‍वल। अले वं अगलं कुँत्‍याः पिहां वयाच्‍वं थें व थासं कुँ पिहां वयाच्‍वंगु खन।

प्रस्‍थान 19:18

परमप्रभु मिनापं पर्वतय् कुहां झाःगुलिं पर्वत छगुलिं कुँया कुं जाल। अगलं कुँत्‍याः पिहां वः थें पर्वतं पिहां वल। पर्वत छधिकं खात।

यशैया 14:31

हे शहरया मू ध्‍वाखात तःसलं ख्‍व! छिपिं सकलें पलिश्‍तीतय्‌सं भय का! उत्तरपाखें कुँया सुपाँय् वयाच्‍वंगु दु, वया सिपाइँतय् झ्‍वलय् छम्‍ह नं ग्‍याइ मखु।

दानिएल 3:6

अथे भ्‍वसुलाः भागि मयाइपिं दक्‍वसित अबलय् हे ह्वाना ह्वाना च्‍यानाच्‍वंगु मिया भट्टीइ वांछ्वयाबीगु जुइ।”

योएल 2:10

इमिगु न्‍ह्यःने पृथ्‍वी क्‍वारा क्‍वारा सनी अले आकाश थुरथुर खाइ। सूर्य व तिमिला खिउँसे च्‍वनी, अले नगुत नं थी मखु।

योएल 2:2

खिउँसे व म्‍हाइपुसे च्‍वंगु दिं, सुपाँय् व यक्‍व हे खिउँसे च्‍वंगु दिं! डाँडाय् सुथय्‌यागु निभाः लाःगु थें छगू तःधंगु व बल्‍लाःगु सेना वइ। अज्‍याःपिं गुबलें मवनी, हानं गुबलें वइ नं मखु।

योएल 2:30

अले आकाशय् व पृथ्‍वीइ जिं अजू चायापुगु ज्‍या व चिं क्‍यने, अन हि, मि व कुँत्‍याः खने दइ।

प्रेरित 2:19

अले आकाशय् व पृथ्‍वीइ जिं अजू चायापुगु ज्‍या व चिं क्‍यने। अन हि, मि, कुँत्‍याः खने दइ।

प्रकाश 14:11

इमिसं सास्‍ती नया च्‍वंथासं वःगु कुँ न्‍ह्याबलें च्‍वय् थाहां वनाच्‍वनी। इमिसं चच्‍छि न्‍हिच्‍छि दुःखसिया च्‍वनेमाली। व पशुयात व वयागु मूर्तियात पुजा याक्‍वसित, अले हानं वयागु नांयागु चिं काक्‍वसित नं अथे हे याइ।”

प्रकाश 16:10

न्‍याम्‍हम्‍ह स्‍वर्गदूतं थःगु ख्‍वल्‍चा पशुयागु सिंहासनय् प्‍वंकल। अले वयागु राज्‍य खिउँसे च्‍वना वन। दुःखकष्‍ट सह याये मफयाः मनूतय्‌सं वा न्‍ह्यल।

प्रकाश 8:12

अले प्‍यम्‍हम्‍ह स्‍वर्गदूतं थःगु तुरही पुल। स्‍वब्‍वय् छब्‍व सूर्य व स्‍वब्‍वय् छब्‍व तिमिला व स्‍वब्‍वय् छब्‍व नगुयात स्‍यंका ब्‍यूगुलिं स्‍वब्‍वय् छब्‍व न्‍हि खिउँसे च्‍वना वन, स्‍वब्‍वय् छब्‍व चा नं अथे हे जुल।

प्रकाश 9:1

अले न्‍याम्‍हम्‍ह स्‍वर्गदूतं थःगु तुरही पुल। अबलय् छगः नगु स्‍वर्गं पृथ्‍वीइ कुतुं वःगु जिं खना। वयात तसकं तःजाःगु गाःयागु ताःचा बिल।

प्रकाश 9:11

तसकं तःजाःगु गाःयाम्‍ह दूत इमि जुजु थें खः। वयागु नां हिब्रू भाषां एबाड्डोन, अले ग्रीक भाषां अपोल्‍लियोन खः।

प्रकाश 9:17

जिं दर्शनय् सल व सल गया च्‍वंपिं खना। सल गया च्‍वंपिनिगु छातिइ नँयागु पातां चिनातःगु दु। थुकियागु रंग मि थें ह्याउँसे, निलम थें वँचुसे व गन्‍धक थें म्‍हासुसे च्‍वं। सलतय्‌गु छ्यं सिंहतय्‌गु थें च्‍वं। इमिगु म्‍हुतुं मि, कुँ, व गन्‍धक पिहां वयाच्‍वंगु दु।