प्रकाश 9:18 - नेवाः बाइबल

¹⁸ इमिगु म्‍हुतुं पिहां वयाच्‍वंगु नाश याइगु मि, कुँ व गन्‍धकया विपत्तिं स्‍वब्‍वय् छब्‍व मनूतय्‌त स्‍यानाबिल।

प्रकाश 9:18 ပူးပေါင်းရင်းမြစ်များ

प्रकाश 8:10

हानं स्‍वम्‍हम्‍ह स्‍वर्गदूतं थःगु तुरही पुल। अले ला मिप्‍वाः थें च्‍यानाः तःग्‍वःगु नगु छगः आकाशं कुतुं वयाः स्‍वब्‍वय् छब्‍व खुसि व बुंगाःचाय् लात।

प्रकाश 8:11

थ्‍व नगुयागु नां “खायु” खः। अले थुकिं यानाः स्‍वब्‍वय् छब्‍व लः खाइसे च्‍वना वन। थथे लः खाइसे च्‍वना वंगुलिं व लखं यानाः यक्‍व हे मनूत सित।

प्रकाश 8:12

अले प्‍यम्‍हम्‍ह स्‍वर्गदूतं थःगु तुरही पुल। स्‍वब्‍वय् छब्‍व सूर्य व स्‍वब्‍वय् छब्‍व तिमिला व स्‍वब्‍वय् छब्‍व नगुयात स्‍यंका ब्‍यूगुलिं स्‍वब्‍वय् छब्‍व न्‍हि खिउँसे च्‍वना वन, स्‍वब्‍वय् छब्‍व चा नं अथे हे जुल।

प्रकाश 8:7

न्‍हापांम्‍ह स्‍वर्गदूतं तुरही पूबलय् हि ल्‍वाकज्‍याःगु प्‍वँ व मि पृथ्‍वीइ वान्‍छ्वया हल। अले स्‍वब्‍वय् छब्‍व पृथ्‍वी च्‍यात, स्‍वब्‍वय् छब्‍व सिमा नं च्‍यात, अले वाउँगु घाँय् नं फुक्‍क च्‍यानाः वन।

प्रकाश 8:8

निम्‍हम्‍ह स्‍वर्गदूतं थःगु तुरही पुल। अले दनदन मि च्‍यानाच्‍वंगु पहाड थें ज्‍याःगु छुं छगू समुद्रय् वान्‍छ्वया हल। स्‍वब्‍वय् छब्‍व समुद्र हि जुल।

प्रकाश 8:9

अले समुद्रय् च्‍वंपिं स्‍वब्‍वय् छब्‍व जीवजन्‍तुत नं सित। स्‍वब्‍वय् छब्‍व लःजहाज नं स्‍यन।

प्रकाश 9:15

अले वं प्‍यम्‍ह दूततय्‌त फ्‍यना बिल। स्‍वब्‍वय् छब्‍व मनूतय्‌त स्‍यायेत थ्‍व हे घौ, न्‍हि, ला व दँया लागि तयार यानातःपिं थुपिं हे खः।

प्रकाश 9:17

जिं दर्शनय् सल व सल गया च्‍वंपिं खना। सल गया च्‍वंपिनिगु छातिइ नँयागु पातां चिनातःगु दु। थुकियागु रंग मि थें ह्याउँसे, निलम थें वँचुसे व गन्‍धक थें म्‍हासुसे च्‍वं। सलतय्‌गु छ्यं सिंहतय्‌गु थें च्‍वं। इमिगु म्‍हुतुं मि, कुँ, व गन्‍धक पिहां वयाच्‍वंगु दु।

प्रकाश 9:19

छाय्‌धाःसा सलतय्‌गु शक्ति इमिगु म्‍हुतुइ व न्‍हिप्‍यनय् जुयाच्‍वन। इमिगु न्‍हिप्‍यं सर्पयागु छ्यं थें च्‍वं। थुकिं हे इमिसं मनूतय्‌त न्‍यानाः स्‍याइ।