प्रकाश 9:1 - नेवाः बाइबल

¹ अले न्‍याम्‍हम्‍ह स्‍वर्गदूतं थःगु तुरही पुल। अबलय् छगः नगु स्‍वर्गं पृथ्‍वीइ कुतुं वःगु जिं खना। वयात तसकं तःजाःगु गाःयागु ताःचा बिल।

प्रकाश 9:1 ပူးပေါင်းရင်းမြစ်များ

यशैया 14:12

अय् सुथय्‌या नगु, लुजःया काय्, छ स्‍वर्गं कुतुं वःगु खः! फुक्‍क जाति जातितय्‌त नाश यानातःम्‍ह आः ला बँय् कुतुंवन!

लूका 10:18

अले वय्‌कलं इमित धयादिल – “जिं शैतानयात स्‍वर्गं हाबलासा थें च्‍यानाः कुतुं वःगु खना।

लूका 8:31

अले भूत आत्‍मातय्‌सं “जिमित तःजाःगु गालय् छ्वयादी मते” धकाः वय्‌कःयात बिन्‍ति यात।

रोमी 10:7

हानं “सीम्‍ह ख्रीष्‍टयात म्‍वाका हयेत पातालय् सु क्‍वहां वनी?” धकाः नं मतिइ तये मते।

प्रकाश 1:18

जि म्‍वाःम्‍ह खः। जि सी धुनाम्‍ह जूसां आः जि न्‍ह्याबलें म्‍वाना च्‍वनीम्‍ह खः। मृत्‍यु व नरकया ताःचा जिके दु।

प्रकाश 1:20

छं खंगु जिगु जव ल्‍हातय् दुगु न्‍हय्‌गः नगुयागु व न्‍हय्‌गू लुँयागु त्‍वाःदेवाया गुप्‍ति खँ थ्‍व हे खः। न्‍हय्‌गः नगुयागु अर्थ न्‍हय्‌गू मण्‍डलीयापिं दूतत खः। अथे हे न्‍हय्‌गू लुँयागु त्‍वाःदेवायागु अर्थ न्‍हय्‌गू मण्‍डली खः।”

प्रकाश 11:7

इमिसं बीमाःगु साक्षी बीधुंकाः तसकं तःजाःगु गालं थाहां वःम्‍ह पशुं इपिंनापं ल्‍वानाः इमित स्‍यानाबी।

प्रकाश 17:8

व पशु न्‍हापा ला दुम्‍ह खः, आः मदु। व हे पशु तःजाःगु गालं पिहां वइतिनि। अले नाश नं जुइतिनि। संसारयात सृष्‍टि याये न्‍ह्यःनिसें जीवनयागु सफुलिइ नां च्‍वया मतःपिं मनूत व पशुयात खनाः तसकं छक्‍क जुइ, छाय्‌धाःसा व पशु न्‍हापा दु, आः मदु, अले लिपा वइतिनि।

प्रकाश 20:1

अले जिं तसकं तःजाःगु गाःयागु ताःचा व तःपुगु सिखः छपु ल्‍हातिइ ज्‍वनाः स्‍वर्गं क्‍वहां वयाच्‍वंम्‍ह छम्‍ह स्‍वर्गदूतयात खना।

प्रकाश 20:10

इमित थगय् याना जूम्‍ह शैतानयात ज्‍वनाः गन्‍धकयागु मि गालय् क्‍वफानाबिल। पशु व फताहा अगमवक्तायात नं अन हे क्‍वफाना तःगु दु। इमित अन सदां चच्‍छि न्‍हिच्‍छिं सास्‍ती याना तइ।

प्रकाश 6:13

ग्‍वःफसं पाकय् मजूनिगु यःमरि कुतुं वंकु थें आकाशय् च्‍वंगु नगु नं पृथ्‍वीइ कुतुंवल।

प्रकाश 8:10

हानं स्‍वम्‍हम्‍ह स्‍वर्गदूतं थःगु तुरही पुल। अले ला मिप्‍वाः थें च्‍यानाः तःग्‍वःगु नगु छगः आकाशं कुतुं वयाः स्‍वब्‍वय् छब्‍व खुसि व बुंगाःचाय् लात।

प्रकाश 8:12

अले प्‍यम्‍हम्‍ह स्‍वर्गदूतं थःगु तुरही पुल। स्‍वब्‍वय् छब्‍व सूर्य व स्‍वब्‍वय् छब्‍व तिमिला व स्‍वब्‍वय् छब्‍व नगुयात स्‍यंका ब्‍यूगुलिं स्‍वब्‍वय् छब्‍व न्‍हि खिउँसे च्‍वना वन, स्‍वब्‍वय् छब्‍व चा नं अथे हे जुल।

प्रकाश 8:2

अले परमेश्‍वरया न्‍ह्यःने दनाच्‍वंपिं न्‍हय्‌म्‍ह स्‍वर्गदूततय्‌त जिं खना। इमित न्‍हय्‌पु तुरही बिल।

प्रकाश 9:2

अले वं व तसकं हे तःजाःगु गाः चाय्‌कूबलय् तसकं च्‍यानाच्‍वंगु भट्टिं कुँत्‍याः वः थें वःगुलिं सूर्य व आकाश छुं हे खने मदय्‌क खिउँगुलिं त्‍वपुल।