प्रकाश 8:10 - नेवाः बाइबल

¹⁰ हानं स्‍वम्‍हम्‍ह स्‍वर्गदूतं थःगु तुरही पुल। अले ला मिप्‍वाः थें च्‍यानाः तःग्‍वःगु नगु छगः आकाशं कुतुं वयाः स्‍वब्‍वय् छब्‍व खुसि व बुंगाःचाय् लात।

प्रकाश 8:10 ပူးပေါင်းရင်းမြစ်များ

२ इतिहास 32:3

वं शहर पिनेया बुँगाःचाया लः पनाबीत थः भारदारत व सेनाया नायःतलिसें सल्‍लाह काल। इमिसं वयात थुकी ग्‍वाहालि बिल।

यशैया 12:3

बुंगाःचाया लखं लसता हः थें अथे हे थ्‍व मुक्तिं यानाः छिपिं लय्‌ताइ।

यशैया 14:12

अय् सुथय्‌या नगु, लुजःया काय्, छ स्‍वर्गं कुतुं वःगु खः! फुक्‍क जाति जातितय्‌त नाश यानातःम्‍ह आः ला बँय् कुतुंवन!

जकरिया 13:8

हाकनं परमप्रभुं थथे धयादी, “थ्‍व देशयापिं मनूतय् स्‍वब्‍वय् निब्‍व स्‍याइ, ल्‍यंदुपिं स्‍वब्‍वय् छब्‍व जक उकी च्‍वनाच्‍वनी।

जकरिया 13:9

थ्‍व हे स्‍वब्‍वय् छब्‍व मनूतय्‌त जाँचय् यायेत मिं वहः यचुकीगु थें जिं इमित यचुके। लुँयात जाँचय् यानागु थें जिं इमित जाँचय् याये, अबलय् इमिसं जिगु नामं बिन्‍ति याइ। अले जिं इमित लिसः बी, ‘इपिं जि प्रजा खः’ धकाः जिं इमित धाये। अले इमिसं धाइ, ‘परमप्रभु जिमि परमेश्‍वर खः।’”

मत्ती 25:1

“स्‍वर्गयागु राज्‍य थथे च्‍वं। झिम्‍ह ल्‍यासेत जिलाजं नापलायेत थथःगु मत ज्‍वनावन।

लूका 10:18

अले वय्‌कलं इमित धयादिल – “जिं शैतानयात स्‍वर्गं हाबलासा थें च्‍यानाः कुतुं वःगु खना।

यहूदा 1:13

थुपिं समुद्रया ग्‍यानापुगु किसिद्वम्‍बः खः। थुमिसं थःगु घच्‍चायापुगु ज्‍याखँ समुद्र दासि वये थें यानाक्‍यनी। थुपिं चाचाःहिला च्‍वनीगु नगु खः। थुमिगु निंतिं सदांयात तसकं खिउँगु थाय् दय्‌कातःगु दु।

प्रकाश 1:20

छं खंगु जिगु जव ल्‍हातय् दुगु न्‍हय्‌गः नगुयागु व न्‍हय्‌गू लुँयागु त्‍वाःदेवाया गुप्‍ति खँ थ्‍व हे खः। न्‍हय्‌गः नगुयागु अर्थ न्‍हय्‌गू मण्‍डलीयापिं दूतत खः। अथे हे न्‍हय्‌गू लुँयागु त्‍वाःदेवायागु अर्थ न्‍हय्‌गू मण्‍डली खः।”

प्रकाश 12:4

वयागु न्‍हिप्‍यनं आकाशय् स्‍वब्‍वय् छब्‍व नगुयात बँ पुइ थें पुयाः पृथ्‍वीइ कुर्का हल। व अजिङ्गर बुइत्‍यंम्‍ह मचायात नयेत प्‍वाथय् दुम्‍ह मिसाया न्‍ह्यःने पिवाः च्‍वनाच्‍वन।

प्रकाश 14:7

वं ततसलं थथे धाल – “परमेश्‍वर खनाः ग्‍या। वय्‌कःयात तःधंकि। वय्‌कलं मनूतय्‌त न्‍याय याइगु ई वये धुंकल। स्‍वर्ग, पृथ्‍वी, समुद्र व लःयागु बुंगाः सृष्‍टि यानादीम्‍हय्‌सित आराधना या।”

प्रकाश 16:4

स्‍वम्‍हम्‍ह स्‍वर्गदूतं थःगु ख्‍वल्‍चा खुसि व बुंगाःचाय् प्‍वंकल। अले फुक्‍क लः हि जुल।

प्रकाश 6:13

ग्‍वःफसं पाकय् मजूनिगु यःमरि कुतुं वंकु थें आकाशय् च्‍वंगु नगु नं पृथ्‍वीइ कुतुंवल।

प्रकाश 8:7

न्‍हापांम्‍ह स्‍वर्गदूतं तुरही पूबलय् हि ल्‍वाकज्‍याःगु प्‍वँ व मि पृथ्‍वीइ वान्‍छ्वया हल। अले स्‍वब्‍वय् छब्‍व पृथ्‍वी च्‍यात, स्‍वब्‍वय् छब्‍व सिमा नं च्‍यात, अले वाउँगु घाँय् नं फुक्‍क च्‍यानाः वन।

प्रकाश 9:1

अले न्‍याम्‍हम्‍ह स्‍वर्गदूतं थःगु तुरही पुल। अबलय् छगः नगु स्‍वर्गं पृथ्‍वीइ कुतुं वःगु जिं खना। वयात तसकं तःजाःगु गाःयागु ताःचा बिल।

प्रकाश 9:15

अले वं प्‍यम्‍ह दूततय्‌त फ्‍यना बिल। स्‍वब्‍वय् छब्‍व मनूतय्‌त स्‍यायेत थ्‍व हे घौ, न्‍हि, ला व दँया लागि तयार यानातःपिं थुपिं हे खः।

प्रकाश 9:18

इमिगु म्‍हुतुं पिहां वयाच्‍वंगु नाश याइगु मि, कुँ व गन्‍धकया विपत्तिं स्‍वब्‍वय् छब्‍व मनूतय्‌त स्‍यानाबिल।

न्‍यायकर्ता 15:11

अले यहूदियां स्‍वद्वः मनूत एतामयागु पाचाया गुफाय् क्‍वहां वल। इमिसं शिमशोनयात धाल, “पलिश्‍तीत झी शासक खः धयागु खँ छिं मस्‍यू ला? छिं जिमित थ्‍व छु यानादियागु?” वं लिसः बिल – “जिं ला इमिसं जितः गथे यात अथे जक यानागु खः।”