प्रकाश 8:1 - नेवाः बाइबल

¹ चीधिकःम्‍ह भ्‍याःचां न्‍हय्‌गूगु छाप प्‍वःबलय् बाघौ तक स्‍वर्गय् सुनसान जुल।

प्रकाश 8:1 ပူးပေါင်းရင်းမြစ်များ

अय्‍यूब 4:16

व दित, तर व छु खः जिं म्‍हसीके मफुत, जिगु मिखाया न्‍ह्यःने छगू आकार दन। अन छुं सः मदु, अले जिं छगू सः ताल,

भजनसंग्रहया सफू 37:7

सह यानाः परमप्रभुयात पियाच्‍वँ मनूतय्‌सं याना जूगु ज्‍याखँ व इमिगु मभिंगु ग्‍वसाः खनाः हीमी चाये मते।

भजनसंग्रहया सफू 62:1

जिगु मनं परमेश्‍वरयाके जक झासु लनी। जिगु उद्धार वय्‌कःयापाखें जक जुइ।

हबकूक 2:20

तर परमप्रभु ला थः पवित्र देगलय् दी। फुक्‍क पृथ्‍वी वय्‌कःया न्‍ह्यःने सुम्‍क च्‍वनेमा।

जकरिया 2:13

हे सकल मनूत, परमप्रभुया न्‍ह्यःने सुम्‍क च्‍वँ। छाय्‌धाःसा वय्‌कः थः च्‍वनीगु पवित्र थासं पिहां झाःगु दु।”

मत्ती 27:66

इमिसं वनाः प्‍वाः तिनातःगु ल्‍वहँतय् छाप तयाबिल। अले सिपाइँतय्‌त नं पिवाः तया थकल।

प्रकाश 5:1

सिंहासनय् फ्‍यतुना च्‍वंम्‍हय्‌सिगु जव ल्‍हातय् दुने नं पिने नं च्‍वयातःगु भ्‍वं छथू खना। उकी न्‍हय्‌थाय् छाप तयातःगु दु।

प्रकाश 5:9

इमिसं थथे धकाः छपु न्‍हूगु म्‍ये हाल – “थ्‍व भ्‍वंथुइ च्‍वंगु छाप तछ्यानाः छिं हे जक फ्‍यनादी फु, छाय्‌धाःसा छितः स्‍याये धुंकल, अले छिगु हिं परमेश्‍वरया लागि फुक्‍क कुलयापिं, फुक्‍क भाषां नवाइपिं, फुक्‍क देशयापिं व फुक्‍क जात जातियापिन्‍त न्‍यानादिल।

प्रकाश 6:1

चीधिकःम्‍ह भ्‍याःचां न्‍हय्‌गू मध्‍ये छगू छाप प्‍वःगु जिं खना। अले प्‍यम्‍ह मध्‍ये छम्‍ह जीवात्‍मां नँ न्‍याः थें तःसलं “वा” धाःगु जिं ताया।

प्रकाश 6:12

हानं खुगूगु छाप प्‍वःगु जिं खना। अबलय् तसकं हे भ्‍वखाय् ब्‍वल। हाकुगु भांग्रा थें सूर्य हाकुसे च्‍वना वन। तिमिला छपातं हि थें ह्याउँसे च्‍वना वन।

प्रकाश 6:3

चीधिकःम्‍ह भ्‍याःचां निगूगु छाप प्‍वःबलय् निम्‍हम्‍ह जीवात्‍मां “वा” धकाः धाःगु जिं ताया।

प्रकाश 6:5

चीधिकःम्‍ह भ्‍याःचां हानं मेगु स्‍वंगूगु छाप प्‍वःबलय् हानं स्‍वम्‍हम्‍ह जीवात्‍मां थथे धाल – “वा।” अले हानं छम्‍ह हाकुम्‍ह सलयात खना। थ्‍व सल गया च्‍वंम्‍हय्‌सिगु ल्‍हातय् छज्‍वः ताल्‍जु दु।

प्रकाश 6:7

हानं प्‍यंगूगु छाप प्‍वःबलय् प्‍यम्‍हम्‍ह जीवात्‍मां थथे धाःगु जिं ताया – “वा।”

प्रकाश 6:9

न्‍यागूगु छाप प्‍वःबलय् जिं परमेश्‍वरयात मत्‍वःतुसे वय्‌कःयागु वचन न्‍यंकूगुलिं स्‍याःपिनिगु आत्‍मातय्‌त होम यायेगु थाय्‌यागु तःले खना।